دردشة حوامل أهل القصيم - دردشة بنات القصيم - تجمع حوامل القصيم

[نورنورنور]

مشكوره حبيبتي الله يسعدك.على الرد
الله يكتبلي الي فيه خير يارب ويسهل علي وعليك وعلى كل حامل

[Tho0og]

بنات بسالكم

من جربت تدخل ع اشعه ثلاثيه عند الدكتوره عديله

لاني انا ماعرف الا وفاء قد جربتها

وهذي هالمره دخلوني عليها ماجاااازتلي ابدددد ساااكته انا الي اسألها بكل شي

[Tho0og]

ايه نسيت اقولكم بمستشفى الوفاء

[روعة خجل]

السلام عليكم

كيفكم صبايا .. انا جديده وبنضكم لكم اذا سمحتو

انا من بريده وبكريه وحابه اولد بالقصيم الوطني << سبق لامي انها ولدت هناك الله يحفظها
مع ان حالتها صعبه فيها ضغط والبيبي تعبان وعمليه واخذت ابرة الظهر الا انهم ماشاء الله صارو قدها

وامي تمدح عمليتهم تقول مكان العمليه مره صغير مو باين ماشاء الله

بس بنات ابي اسالكم هل فيه احد ولد عندهم طبيعي ؟!

وبسالكم بعد عن التقديمات بنات من وين بتاخذونها غير الارياف والاشياء المعروفه ابغى شي جديد وغريب

الله يهون علينا يارب ويتمم على خير :)

[روج أحمر ()']

روعة خجل ..
أنا بعد أعرف وحده والده عند الوطني ب عملية ومره تمدحهم
وهذي أمك الله يحفظها برضو تمدحهم
ف بقدرة الله ومشيئته ان الولاده الطبيعيه بعد كويسه عندهم
الله يتمم عليك ويفرج لك ب السلامه ()
* التقديمات ماعندي خلفيه لأنه أنا بكريه وللحين في بدايةة الثالث
وان شاء الله اذا ربي تمم وقرب موعد الولاده ع خير
ب فكر 😭


طيب حبوباتي أبغى دكتورة لمتابعة الحمل تكون شاطره وبنفس الوقت وسيع صدره وتتقبل الاستفسارات وتقابلن بوجه بشوش
ع الأقل تخفف عن نفسيتي الوحاميه الخايسه 😭
طبعاً ببريدة ، لأني ب صراحه رحت لدكتوره من ثاني جلسه لي معها ما ارتحت
نفسه براس خشمه وياويلك لو تسألينه 😳
اقول له أنا بكريه تقول ايه وبعدين! الأسئله اللي تسألينه أي وحده تعرفها 😒
قلت طيب شكراً ع النفس الحلوه وطلعت من عنده وأنا خلاص بغيره ان شاء الله..

الله يعين 💔
* انتظركم ضروري..

[روعة خجل]

تسلمين روج احمر ع الرد وانا شكلي خلاص ماراح اسال واجد راح استخير واجزم عليهم ان شاء الله

وتراني انا بدري علي بالشهر الثاني بس مدري وش مستعجله عليه دايم افكر لقدام

انا مغتربه باستراليا وهنا بس حللولي دم وعطوني فيتامينات اول مارحت لهم وبس يقولون لي لاتجين الا لاصرتي بالاسبوع الــ12 << والله المستعان

يعني تخيلو ماسمعت نبض الجنين للحين ماراح اسمعه الا الاسبوع الــ12 :(

فيتاميناتهم هنا غير يعطوني حبه وحده فيها كل شي فوليك وكالسيوم ومعادن وكلش احس كذا اريح من كذا حبه باليوم


وبس << فضفضه :)

[ميمي 17]

[روج أحمر ()']

ليش كذا دردشتنا مافيه تفاعل زي باقي الدردشات 😩

[مرمر 2]

ههههههه من جد انا اقوله ليه طافي القروب .وملللليت

[mom for ever]

اهلين صبايا


كيفكم وحشتوني جدا

موعدي يوم الخميس الجاي بمستشفى الوفاء عند الدكتوره علاء بس والله ياعليها زحمه موب طبيعيه وكلن يمدحها


هذا بيكون ثاني موعد لي عندها

واكون خلصت الشهر الثامن ودخلت التاسع عقبها باسبوع

والله يابنات ياصايره مااقدر امشي من الحًض عندي الم موب طبيعي بس اعرج وامشي على عصا او اتمسك باي شي صدق وضعي صاير صعععب جدا



مع اني بكريه ووزني خفيف ومع ذلك اخس بثقل اجل بالتاسع وش بسوي



الله يستر


متحمسه متى ادخل التاسع بدعسها مشي اليييييييين خلاص تجي الولاده غصب خخخخخخخخخخخ


ابي اشوف هاللي ترافس قطعت بطني خخخخخخ


هابشرونا محد ولد؟؟؟؟