حبيباتى سيدات ليبيا تفضلو لأعرف ما حالكم

[اوشي]

بنات من اللي تعرف كيف من تعرف كيف تستخدم استكرات تاتو رسم العين

جبته وماعرفتش كيف انديره

[ليبياقلبي]

جيجي وامولة ربي يسهل عليكم امولة مش جايك حد من ليبيا في جيابك شموسة شن جو البيبي وقف نزيف. أوشي وأتري وجنودة وأم فروسية

[أم أجنادين 80]

كيف حالكم بنات وشن اخباركم

انا امس كنت في balboa park حاجة روعة كلها متاحف راح انزل الصور

واليوم قعدنا نقروا عندنا امتحان بكرة

[أم أجنادين 80]

جديدات هدوا اوشي اول مرة نشوفهم

ممكن لاني مادورتش الحق نرسم في عيني كويس

شموسة ان شاء الله حالك افضل

والالوان حلوة جدا

جيجي شن اخبارك

اامولة وينك معادش تلاقينا وهدرزنا

[sosolibya]

المشاركة الأصلية كتبت بواسطة أم أجنادين 80

السلام عليكم

ههههههه ضحكتيني ياسوسو شن علاقة السفر بانطوائيين

وليش احني من النوعية للي مانطلعوا

انا ديمة نحكي اننا في نطلعوا لطرابلس ونمشي لاعراس ومناسبات

مش عارفة كيف جاك احساس انطوائئين ممكن مش اجتماعية هلبة بس مش انطوائية

ومش لدرجة مانطلعوا والله مافهمت زيدي وضحيلي

وعلي فكرة مازعلت منك بس استغربت في تفكيرك

قصدي السفر الي دولة اخري شني علاقته بي الطلوع وهذه فرص ونصيبات

يعني انا نقول عن اي شخص ماسافرش انه انطوائي

هه انت يللي ضحكتيني وصوصا بالجملة ألأخيرة

يعني انا نقول عن اي شخص ماسافرش انه انطوائي

وهو الحق باهي يللي ضحكتي خفتك تزعلي صراحة
ويللي نقصده ياعسل

اني ماتوقعتش

يعني في العادة وانا ممكن قلتهالك قبل مش عارفة .. انت في العادة ماتحكيش على راجلك وهذا خلى عندي انطباع بأن هو متعصب أو لالالا غير استني ههه نقصد مش اجتماعي هلبة
ولما زاد سافر لتونس ومامشيتيش معاه حسيت بأنكم ماتطلعوش سفريات وتكون هذه من سابع المستحيلات وفجأة نسمع بيك في امريكا كانت صدمة ومفاجأة .....

اه فهمتي

مش عارفة كيف المهم هكي وخلاص باهي..

المشاركة الأصلية كتبت بواسطة أم أجنادين 80

كيف حالكم بنات وشن اخباركم

انا امس كنت في balboa park حاجة روعة كلها متاحف راح انزل الصور

واليوم قعدنا نقروا عندنا امتحان بكرة

ماشاء الله دهواري صار توا كل شىء يبدأ جديد وحلو
تسهفو يا كان نلقى نمشي بس لكن مانحصلش في قرااااية

وخصوصا انت تقري اخيييي
بس الرجل يقرأ عادي

وإن شاء الله موفقين في القراية وألإمتحان

وكم فارق التوقيت.؟؟؟؟

المشاركة الأصلية كتبت بواسطة أم أجنادين 80

جديدات هدوا اوشي اول مرة نشوفهم

ممكن لاني مادورتش الحق نرسم في عيني كويس

شموسة ان شاء الله حالك افضل

والالوان حلوة جدا

جيجي شن اخبارك

اامولة وينك معادش تلاقينا وهدرزنا

حتى انا أول مرة نشوفهم بس فكرتهم راااائعة لللمبتدئات

واوشي أعتقد انك بس تلصقيهم وتحاولي تناغميهم مع ماكياج العين بتثبيت الحواف باللون ألأسود

[sosolibya]

كيف حالكم جميعا ..

حلوة لمة اختك ياجيجي ماشاء الله

بس انت مجنونة هههههه يعني البنت شن بيصيرلها مع بوها بالعكس أكثر واحد تطمني عليها معاه

وكان ألأفضل لك انك تخليها تتعود عليه وتتباعد عليك باش لما تجي البنونتة الاجديدة إن شاء الله ماتغارش منها فهمتيني لأن بحبك الفائق هذا وألأإهتمام الزائد حيخليها تغار لما ينقص عليها شوية.. لما تبدي لاهية بالبيبي

وسؤال صغيرون شن هديتي لأختك؟؟

[sosolibya]

توا بتريح منك الخريطة ياجنودة غادي

يعني رسم العيون وووووو

[sosolibya]

جنودة تعالي جاي أنا بنحط التصويت خلاص تبي تشاركي ولا شنو والله كان بودي تشاركي حكم طولت المدة على خاطرك

[sosolibya]

عند الفجر تنقشع ستائر الظلام بإطلالة وجه الشمس الصبوح على مرمى ضفاف الشط الجميل حيث تتلألأ بلورات الندى وتصطف أصداف اللؤلؤ والمرجان،وحيث تأخذ النوارس البيضاء مأواها على صفحات اسيل الماء المزرقه،وحيثما يتكسر جبروت الأمواج على صدر الصخور الصماء فيجبر السمك كسرها بلثمات من ثغره البراق،وحيثما تلاعب أنامل الطفولة البريئه رمال الشاطىء الناعمه بقصور من المرمر،تغازل خيوط الشمس خد إنسان يتأمل الكون بإرتشاف فنجان قهوة،ويملأ أنفاسه بنسمات البحر العليله؛ليرسم ملامح منعشه لمستقبله الزاهر،ولتقول الشفاه في أذن الصباح بهمس:تمهل لأصبح على خلاني

صباح الياسمين



من ابداعات الكاتبة الصغيرة

[أثري في مدادي]

المشاركة الأصلية كتبت بواسطة sosolibya

عند الفجر تنقشع ستائر الظلام بإطلالة وجه الشمس الصبوح على مرمى ضفاف الشط الجميل حيث تتلألأ بلورات الندى وتصطف أصداف اللؤلؤ والمرجان،وحيث تأخذ النوارس البيضاء مأواها على صفحات اسيل الماء المزرقه،وحيثما يتكسر جبروت الأمواج على صدر الصخور الصماء فيجبر السمك كسرها بلثمات من ثغره البراق،وحيثما تلاعب أنامل الطفولة البريئه رمال الشاطىء الناعمه بقصور من المرمر،تغازل خيوط الشمس خد إنسان يتأمل الكون بإرتشاف فنجان قهوة،ويملأ أنفاسه بنسمات البحر العليله؛ليرسم ملامح منعشه لمستقبله الزاهر،ولتقول الشفاه في أذن الصباح بهمس:تمهل لأصبح على خلاني

صباح الياسمين



من ابداعات الكاتبة الصغيرة

اللهم بـــــــــــــــــــــــــــــــــــــارك

خواطـــــــــــــــــــــــــر

تحسسك برقــــــــــــــة روح كاتبها
تناغم بديع بين مفردات الخاطرة
وثراء في خيالاتها

س/ هل هي كثيرة القراءة والاطلاع ؟؟

طبعا تعليقاتي
بعد










الســــــــــــــــــــــــــــــلام عليكم ورحمة الله وبركاتــــــــــــــــــــــــــــــه