دردشة حوامل دولة الجزائر- تجمع بنات الجزائر

[samia19]

رونق ممكن تحسبيلى موعد الولادة انا اخر دورة كانت 24نوفمبر 2010

[تاله 1]

صباح الخير عليكم لبنات
رونق الروح سيي ما تعييش روحك بزاف و ما تديريش ميناج ثقيل مرة وحدة ممكن تقسميه على يومين ثلاثة يجيك خفيف و ما يتعبش
samia19 ان شاء الله الولادة تكون 31\08\2011 و الله أعلم

[samra27]

شكرا اختي تالة على الترحيب , وما تتقلقيش راني نحاول ندخل هذا الوقت باه ندردشو شوي وكبري قلبك حنونة ورانا هنا في كل ما تحتاجي ok؟

[محبة الأستغفار]

شكرا حبيبتي تالة الهه يخليك و الله يتمم حملك على خير طمنتي قلبي الله يطمن قلبك

[samra27]

رونق الروح ما بقالك بزاف وقيلا غادي تخرطيه كامل ,نصيحة من عندي القديان ما يكملش بصح صحتك سبق انا في حملي السابق من اربع سنين في الشهر الاخير تعبت روحي بزاف و النتيجة ارتفع الضغط عندي وكان تسمم حمل وفقدت الجنين (بعيد الشر عليك )ولكن ديري في بالك الصحة عزيزة و حافظي على روحك حنونة

[تاله 1]

مشكورات samra27 و محبة الأستغفار
انا لبارح طحت في الحمام طيحة قوية
ضرك رجلي توجعني و كرشي الحمد لله ما حسيت عليها والو
حبيتكم تخبروني كون يتأثر الجنين بالطيحة نحس بوجع في كرشي ولا ممكن يتأثر و انا ما نحس بوالو
طمنوني الله يخليكم

[samra27]

ربي يطمنك لو كان حصل شيء (بعيد الشر عليك) كنت حسيتي بالوجع و كان نزلت منك دماء انا كذلك مرة في الشارع طحت وكانت طيحة خفيفة بصح الحمد لله ما صرا والو ربي يتمملك بالخير

[تاله 1]

بارك الله فيك اختي samra27 طمنتيني
ان شاء الله ضرك رايحة نشوف الطبيبة و نتطمن اكثر
دعيلي نلقى عندي كلش عادي

[رونق الروح]

السلام عليكم
ساميه 19 اختنا تاله راهي حسبتلك بالطريقه الصح يمكن تولدي فالعيد

سمرة وقيلا نصوم على ماعتقد10 ايام بالكثير ربنا يقدرنا
تاله ماتخافيش لو كان صرالك شي كان نزل عليه شي انا ثاني البارح مع الميناج زلجت فالدال دوصول مزيا متضررتش بزااف
محبة الاستغفار منورة

[nacèra]

واش راكم البنات رونق وين كنتي على سلامتك انا حسبتك ولدتي كي شفتك ما دخلتيش هاذ شحال المهم انشالله تكوني مليحة