حبيباتى سيدات ليبيا تفضلو لأعرف ما حالكم

[sosolibya]

مساء الخير..

المشاركة الأصلية كتبت بواسطة *ام فراس*

كنا في ديبنهاااام .. وقعدت نذكر في اثري فيه.. الله يعطيها الخير

خصيصا ان مدير تخفيضات حلوهـ.. وجبنا حاجات منوعه من ضمينهن الة الكابتشينو من ديلونقي الماركة

طبعا هذينا ل ليبيا مش هنا

بالله عليك قوليلي كيف خاطري فيها يعني يجي كابتشينو ملح زي متع القهاوي...

المشاركة الأصلية كتبت بواسطة *ام فراس*

سوسو بس مرات تحكمي علينا غلط هههههه


او تحكمي ع الامور من نظرتك او قناعتك انتي وهي العكس تكووون


او مش هكي بكل

ايي صار كلكم جيتو ضدي

أنا يللي بنحرج توا....

وعارفة ممكن انت تضايقتي لما علقت على حفلتك صح ..

المشاركة الأصلية كتبت بواسطة *ام فراس*

رد جمــيل .. بس سوسو عادي زوجكـ .. مثلا يخليك تردي ع شاااب


عندي زوجي هذا ليش كان مايفضلش المخالطه بالفيس

يعني قالي رد بالك ديما اول مازوجنا ... قتله نا مانحبش بكل وماخشليش راس الفيس بوك

رغم ان صديقاتي من عشاقه ,, ويبني اندير حساب فيه بس هك ماحبيتش

نحس فيه موقع قصقصه ع قول دكتورة صديقه وحاليا ع قول زوجي قعد يحرض ع فتنة بين بعض المناطق ف ليبيا وجو هذا..

لا يافروسة أنا مانردش على الشباب

بس مرات في كل فترة تطلعلك صفحة لشخص أنت مش ضايفاتها أصلا وحاط كلام

كصفحة عامة أو شىء

وأنت تقدري تردي عليه بدون ما اضيفيهفهمتي

وبصراحة الكلام وجعني وماقدرتش مانردش..

المشاركة الأصلية كتبت بواسطة *ام فراس*

عكسكم في شنو ؟ ههههههه


الصبية عندكم الكمتزوجة وإحنا الصبية يللي قاعدة ما تزوجتش

الحجاج اربع عائلات من المتزوجين

واتوا زوجي عدا لاول شاااب عازب حاج ... وحتي بالمره بيعزمه

ع غدا الجمعه



طبعا قبل اليوم بندير البطاطا بس روحت تعبانة من السنتر فجأه دخت دوخه قوية


تغدينا وروحنا.. وماكملناش يومنااا



وكرعيا بكل شكلها الدورة بدت من جديد




بكرة بنديرها ه ونوع اخر وف الليلي بنقرض خضرة العصبان




لان الوقت ف نهار للظهر مش ح يسدني الا للوجبه والسلطات


وخصيصا ان مش عزومه رجاله بس يعني العروس ح تقعد معايا ف صاله جوا


ولازم نوتي حاجتي بسرعه للضيافه

ماشاء الله صار كبرت العزومة

ربي يعاونك متعبة والله وخصوصا انك بتقسمي ألأعمال وكل يوم تعب لغاية يوم العزمة

بس سهفتييييني لما قلتي بتجي العروس وهكي

نعشق الجو هذا ونحب الناس

بس أحيانا زيكم تفهموني غلط؟....

الله غالب

ربي يعاونك فروسة

وهذ1ا علاش انا قلتلك فروسة بما انك بديري حاجات حارة ديري رز بلاو أحسن من المبوخ..

[dr.loly]

المشاركة الأصلية كتبت بواسطة sosolibya

مساء الخير..

بالله عليك قوليلي كيف خاطري فيها يعني يجي كابتشينو ملح زي متع القهاوي...

اها ياسوسو كابتشينو برغوتهاااا نفس المقاهي واحلي طبعا لانك حتديرها بمعايريك انتي..
وكيف ماتحبي ..وهي الحليب نظام بخار مع الهوا ادتيري به الرغوه بعد يتخلط مع الكافي

متعوده عليها عند هلي الوالد جايبها من اليونان زمااااان .. يعني استايل قديم لي عند هلي بس ماشاء الله عايشه لتوا وتأدي في الغرض..

طبعا كنت عابيه نطلعها معايا ف فرحي بس كيف ماحكيت قبل ابوفراس قالي ماتجيبيش شي لان حنجيبوه كله من بريطانيا هذا على اساس كنا روحنا نحسابو بنطلعو بعد الزواج طول نفس ماحكيت قبل ...


وننصحك بيها ..اذ كنتي مغرمة بالات المطبخ نفسي وتحبي الكابتشينو الصح,,,

والماركه الافضل هي ديلونقـــــي




ايي صار كلكم جيتو ضدي

أنا يللي بنحرج توا....

وعارفة ممكن انت تضايقتي لما علقت على حفلتك صح ..



أبدا ماضايقتش وربي مايجيب لينا ضيقة البااااال اجمعين..

وعليش الحرج بس ياحلوة ...
كيف ماوضحت قلت ان وجهة نظرك في الحكم علينا مش بالضرورة تكون صــح,,

انتي قلتي فيها نوع طفيف من التبذير ... وربي مايجعلنا من المبذرين واخوان الشياطين ..


هي حفله وعدت حلوة وبجوها .. وضيافتها بالنسبه لينا عادي نفس ماشرحت من قبل

لان اغلب اقاربنا واصحابنا اغلبهم يديروا هكي وف ناس اكثر في مناسبتهم ..ونحضروا ديما

وبم اني اول حد يزوج عند هلي والناس لي جت واجد فضروري ماياخدوا قدرهم وضيافتهم

حسب طريقتنا اقل شئ ..


وع فكرة هو يوم الحنه الصغيره مايجيش شئ يلا ثاني يوم بعده حفله الصاله خخخخخخخ

ولي من بنغازي عارفه ..


بعد الناس تاخد ضيافتها وتاكل او تشيل معاها حتي بعض الاشياء عن نفسي مانحسش تبدير

التبذير لما تقعد الحاجه مطوووحه ف كل مكان ,,, خصيصا النعمة حرام يعني


حاضرة فرح دكتورة معايا .. حتي الخبز الفرنسي والجبنه الفرنسيه حاطتهم ع طاوله الفرح

والحلويات تقريبا 8 والكنافه انواع وتورته فوق هذا كله ..وجميع انواع الفاكه تقريبا

و8 انواع موالح خاطي التحف لي فيهن المكسرات والشوكولاته وباقي الاشياء لي ع الطاوله


وهي وحده من مجموعه بناااات ..لي افراحهم هكي نقصد من كليتي ..

لما توصل الحاجه لهكي نقعد نقول ما اعتقدش ان الفلوس لي انحط بالدرجه هذه متعوب عليهن .. حرام يعني وهضا التبذير حسب وجهة نظري






وابدآ ماحكمت عليك من هالموقف .. بس من مواقف سابقه ومعي شخصيآ

خصيصا ايامات قتيلي ولا حرجانه او زعلانه وقعدت نسأل فيك بدلاله ( عليش زعلت)

ثلات مراااات .. وانتي ماجاوبتيش وبعد نسيت الموضوع قلتي جمله وقلتي راكي تمسكي فيهااااصورة مثلآ ..

عادي جدآ اختي هي توضحلك صورتها فقط للموضوع وكيف ماهي مقتنعه او عارفته صح
مش معناها انحرجت او زعلت او أضأيقت .. والتعابير تختلف وتخوننا أحيانآ,,, فقط لاغير

ههههههههه يعني كنتي فاطنه لكلامي ومطنشه ... من يومها بس يمكن خديت الفكرة عليك
عزيزتي بسس وعادي جدآ .. بعد تبقي تعطي في رأيك من منظورك انتي اذا كان في الحياة الواقعيه وناس تفهم فينا غلط فما بالك من خلف شاشات الكمبيوتر .. والشبكات العنكبوتيه

بس اللي ترد وتوضح وجهة نظرها او توضحلك


لا يافروسة أنا مانردش على الشباب

بس مرات في كل فترة تطلعلك صفحة لشخص أنت مش ضايفاتها أصلا وحاط كلام

كصفحة عامة أو شىء

من طبعك وكلامك بالمنتدي عارفه انك ماترديش ع شبااب
وهكــي ,, والشئ هذا واضح جدآ اختي ..
بس حبيت نعلق يعني بنشوفك مثلآ شن تكون ردة فعلك لو حكم عليك شخص ما غلطآ ع نت هههههه اختبار يعني



وبصراحة الكلام وجعني وماقدرتش مانردش..

واكيد شفتي ردة فعلك بعد واحد يفهمك غلط مثلآ

وردات الفعل تختلف من شخص لاخر


ماشاء الله صار كبرت العزومة

ايه كبرت حاتم الطائي زوجي قريب يخش ع القروب كله
هههههههه مع العلم ان يقولولي ماتكثريش عشان ماتتعبيش واجد والحق مايقصرش يساعد فيا نوعا ما مش ف مطبخ هههه بس في مسك العيال او تجهيز المربوعه وهكي

ربي يعاونك متعبة والله وخصوصا انك بتقسمي ألأعمال وكل يوم تعب لغاية يوم العزمة

ان شاء الله تسلمي يا احبيبه..تي مش كنت نحساب اليوم هو الخميس دايخه ونايضه بدري زوجي ناض بيعيد الجامعه قالي اربعاء اليوم قديش فرحت هههه .. وقالي ماتديري شئ عند مانجي قتله بندير المبطن بس اليوم قالي لالا انجي وديريها بيش فروسي يريحك ونقعد مع لولي ..
وبكرة ف ليل نجهز العصبااان


عشان الوجبه والسلطات يقعدن للجمعه لانه عزومه غدا بعد صلاة الجمعه طول يعني ,,, ويادوب يسدني الوقت

بس سهفتييييني لما قلتي بتجي العروس وهكي

نعشق الجو هذا ونحب الناس

بس أحيانا زيكم تفهموني غلط؟....

اذا كنتي تحبي الناس واللمه كيف بنفهموك غلط هههه

بالعكس احلى جووو ..

وحتى لو فهمك حد غلط اعتبريها ان حتي انتي مرات تفهمي فينا غلط خخخخخخ ..
عن نفسي بعد معاشرة الناس وملاحظة اطباعهم وتصرفاتهم
نظرتي الثاقبه من خلال المواااقف تحكم وبفضل الله تكون صائبة.. لكن في النت يمكن تكون ويمكن لا ..
لان عالم غير العالم


مع العلم ان عندي صديقة مقربه جدآ من عالم النت وتحولت لعالم الحقيقه..

وربي اراد انها تزوج بنفس مدينيتي حتى ..



الله غالب

ربي يعاونك فروسة

وهذ1ا علاش انا قلتلك فروسة بما انك بديري حاجات حارة ديري رز بلاو أحسن من المبوخ..

ايه فاهمة فكرتك بس الطبع يغلب مانقدرش ندير وجبه بس ههههه واهو حولت نوع حار وخليت بطاطا وعصباااان بس
وقبل بندير تشيز كيك فراوله لكن لغيته حتى هووو

انتمني تكون وضحت الفكرهــ

[جوهرة ليبيا]

السلام عليكم ورحمه الله وبركاته

[جوهرة ليبيا]

كيف حالكم كلكم حبايبي وشن اخباركم

التجمع بدي كسااااااااااد

ويييييييينكم

[sosolibya]

يوم الرمي ممممم نحن نسميه يوم الكسوة وهو اليوم الذي يأخذ فيه أهل عريس الكسوة لأهل العروس

[sosolibya]

لاااااااا مش كساد بس إنت مثقلة ربي يحفظك نحسي في كل شىء بطيء

[sosolibya]

كيف حالك جيجي

[sosolibya]

جيجي تفضلي ضروووووووووووووووووري

ما شعورك عزيزتى ألأم بقدوم طفلك الجديد

[sosolibya]

فروسة حفلتك راااااااااااائعة وجميلة جدا


ولكن إعذريني عزيزتي هي ككثير من الحفلات فيها نوع طفيف من التبذير

لا تزعلي مني..

[sosolibya]

جيجي وينك


شمووووووووسة كيف حالك توا

وبالله عليكم قوليلي شن قالتلك دكتورتك باتفصيل لأني بنموووووووت من ظهري