تجمع اللي بيولدون في شهر ذو الحجه

[زهرة الموسم]

اميرة والله من جد كلامك انا نفسي تجي ولادتي هادي زي في ولدي سهله ومااعرف شي وسريعه مع اني دخلت اسبوع في العاشر وماكنت اعرف احسب اني ولدت اول اسبوع في التاسع ههههههه

[maroooma]

يا هلا والله بغلا وينك يابنت وحشتييني لا تطويلي الغيبات مفهوم
والله ياعمري ما ادري انا بولد ولا لا
لمن احس الألم اقول ياالله شكلي بولد والتخبط وتصير حالتي حاله. ولمن يروح احس عادي واني ما راح اولد الان وارتاح
انا أبغى اولد الاسبوع الجاي عشان زوجي يكون عندي
باركولي اليوم جاءتني شغاله الحمدلله صحيح انها تجي وتروح بس ما يهم اهم شي تريحني بشغل البيت اللي هلكني
اليوم بروح افتح ملف وأراجع بالطبي الدولي عشان اولد فيه والله يا بنات ايش اهتمام وايش مبنى شي رااااقي والدكاتره مرره كويسين سويت بحث مكثف عنهم الأغلبيه يمدحوا
الله يكتب لي الولادة السهله الميسرة فيه
وعلى حكايه بكريه بجد أحلى شي تروحي وانتي ما انتي داريه عن شي والله أني ولدت وخلصت بفصولي وانا ماني مصدقه بس الان خايفه لأني جربت ههههههه

[غلا الرووح]

اجوان


طيب ننتظر الباقي> ياخوفي تولد ولاشفنا شي


اميره باوصافها

ياهلاوغلا
كيفك وشمسويه
اجل تحسدين البكريات
رفعتي معنوياتي ياشيخه

[غلا الرووح]

هلاااابك والله مروما

حبيبتي انتي ان شاء الله ما اطول


مبرووووك الشغاله ياشيخه لو تقعد نص يوم نعمه
الحين عاد خلاص ترتاحين وتجهزين اغراضك
وتنتظرين ساعة الولاده

اناوالله بيتي معفوووس يبغالي اجيب الشغاله ترتب
مالي خلق احرك حاجه


والله يكتب الخير وماتندمي علا هالمستشفى
من جد اهم حاجه الاهتمام والنظافه
والا الولادة تساهيل من ربي قبل كل شي

[غيبتك تنهي حضوري]

مساءالورد ياحلوين
شخبااااركم
وي التجمع صار يحزن شبه فاضي هههههههه

مبرووووگ توته وعسل وذوق الله يحفظ لكم نوناتكم

مبروگ ماروما ع الشغاله واحسن يوم ولا انها تجلس بحلقگ
طووول اليوم خخخ

وعقبالنا عشان ننظف البيوت استعداد للولادهـ

ابشركم البارح طلعت مشييييت نص ساعه اول مره غير مشي السوق
وهـ تعب كنت امشي بقوهـ اسفل بطني صاااار مشدووووود مرررهـ
غصب امشي واليوم صحيت ع افرازات اكثر من الايام اللي فاتت
قلت الولادهـ قربت يابنت ههههههههه

زوجي عندهـ دوام هالايام والا ودي اروح اتطمن بس ان شاءالله نهاية الاسبوع الجاي
تتوقعوا قربت الولادهـ؟؟؟؟

بنات حكونا ياللي ولدوا نبي نسمع قصص ونصايح خخخ

[maroooma]

الله يبارك فيكم والله انهم نعمه ههههههههههه انا خلاص تعبت
والله انك صادقه يا غلا الولاده تساهيل من الله
يلا باي انا رائحه المستشفى

[maroooma]

ههههههه غيبتك عقبالكم وان شاءالله انك مقربه

[مشاعل الدوسري]

السلام عليكم و رحمة الله و بركاته

كيف حالكم أنشالله كل التجمع بخير و بصحه و عافيه

أدري التجمع نايـــــــــــــــــم بدوني ههههههه

اممممممممم
أكيـــــــــــــــــد و دكم بلأكشن حق الولاد

هههههههههه

يلا نبدأ

كان يا ما كان...

كنت أسير في الصحراء فا وجدت مصباح علاء الدين فدعكته فا خرج لي الجني الأزرق
و قالي بتوولدين يعني بتوولدين قلت ادري بس متى ..
قالي روحي أمشي و بتعرفين ههههههههه..

طبعا خلو اللغه العربيه حق أهله..

المهم أنا كنت بيت أهلي يوم الأربعاء...
رتبت اغراضي و حووستي و انبسطت بلقعده
يجي يوم الخميس الصباح الساعه 7 ونص
رحت مجمع الظهران الساعه 8 و نص

طبعا ابوو الصدمه ان المجمع مافي ولا محل مفتوح

المهم أنتظرنا االين 9 و نص بدت تفتح المحلات
طبعا أنا رايحه لمجمع الظهران عشان أضرب أشووواط فيه هههههههه

و خذيت لي 5 لفات بلمجمع من بوابه 1 الى 5 خذيت اللفات الخمس

و توكلت رحت البيت ..

المهم رجعت البيت
بعد الغداء رتبت المجلس اللي بقعد فيه بوقت النفاس مع أمي و الخدامات

و نظفت غرفتي و طلعت كل شي فيها و خليت الخدمات يغسلونها و ينشفونها و رجعت السرير بس

جرررردت الغرفه من كل شي ... ما عاد السرير

على أساس العصر بروح مع اختي للسوق بتشتري أثاث لغرفتها ...

و جات الساعه 4 العصر و طلعت مع اختي لمحلات الأثاث ..

و ماعجبنا شي فا قلت لأختي نروح أيكيا

نتمشى و نتسوق ..

و حنا بلطريق دقت زوج عمي و قالت لي أن بنت عمي ولدت

الفرق بيني و بين بنت عمي اسبوع او اسبوعين

فا وصلنا ايكيا و اختي خلصت اغراضها و باقي انا

فا قلت بخاطري امممم خل اروح المستشفى اشيك على الرحم ..

ووووووو قلت لاختي نروح نستهبل بلمستشفى نشوف الرحم مفتوح وله لا...

و ماكنت حاسه بذاك الألم عادي يعني ..
المهم ..
بركب الجهاز بلشاحن و برجع

[مهرة فارسها]

والله شوقتينا

ماصار شاحن

خخخخخخخخ

[" قلب غيث "]

يالله شعوله كملي ..

ماقلتيلي كيف الولاده والسعد ؟؟؟