تجمع حوامل الثلاث شهور الاولى

ام شهـد · 03-06-2014, 01:34 AM

اقتباس:

المشاركة الأصلية كتبت بواسطة أحلى عطور

الله يهون عليكم يارب ...
اللي تتوحم تذكري الاجر يارب انك تجازينا يارب كل خير...
حبيباتي انا فالشهر الثاني تقريبا ستة اسابيع وثلاثة ايام..
اذا قمت من النوم كاني مسوية مجهود اقوم وكل شيء مكسر فيني...
وظهري يبنات بين فترة وفترة الم مو طبيعي بس اذا حطيت ظهري على السرير يروح الالم
عاد هالشيء طبيعي وبطني كذالك كله الالم اذا قمت من النوم ما ادري اخاف انا اظارب وانا نايمه..
طبعا محدثتكم لي سبع سنوات بدون اطفال اللي عندها معلومه لاتبخل علي ...

ياقلبي انا نفس الشي كانك تتكلمي عني
انا حملي دا الرابع وبعد ست سنوات

اقوم مكسسررره وحيلي مهدود
والله اعاني من قومة الصبح مع عيالي لانو كلهم يدرسو

ومالي خلق شغل بيت والطبخ ياحرام صرت اطبخ لهم بدون نفس الله يصبرهم عليه لين تعدي الفتره دي على خير

والله يسهلك لك حبيبتي ويخفف عنك

faith-berry · 03-06-2014, 02:08 AM

السلام عليكم
اخبااركم صبايا ان شاءالله بخيرااات
اقبلوني معاكم من جديد
الله يتمم حملنا على خير ويعيننا على الوحام
ذا حملي الثاني وتقريبا في الأسبوع الخامس طبعاً الاعراض تختلف عن حملي الاول
الغثيان اللحين اقوى طول اليوم احس بغثيان الله يكتب اجرنا ويتمم حملنا على خير

آفنآآن · 03-06-2014, 02:09 AM

صبآحح آلخير ..♡

قبل يووومين عرفت اني حامل 《الحمدلله
لسآ آبحث على دكتوره شاطره
اخر دوره لي 4/6 《اللي تعرف تحسبلي

الله يسهل عليناا ♥♥♥

اكليل الجبل · 03-06-2014, 02:44 AM

سلام لاحلى كروشات ...باركولي توني قبل امس سويت تحليل منزلي طلع خط غامق والثاني وردي خفيف وسويت امس تحليل طلع حمل اخر دوره لي 15/3 مين الحلوه اللي تحسبلي كم لي وباي اسبوع اكوون شااكره لها وعندي طلب ادري ثقلت عليكم بس كيف اسوي شريط الحمل ومبرووووووك للحوامل الجدد

mama roqayah · 03-06-2014, 03:17 AM

مرحباااااا حوامل

أنا حامل للمرة الثاني و في الشهر الثاننني الأسبوع الثامن
ونساتي هالمره للحين خفيفه
تتوقعون لسه مابدت وبتشتد علي بعدييين ..؟؟ والله ماودي كلش خايفه من انها تزيييد
بحمالي الأول حيل تلعوزت
حاليا غثياااان وخصوصا لما اصحى من النوم
وكله دايخه وابي اناااااااااااااااام

الله يتمم علي وعلييييييكم حبيباتي

أحلى عطور · 03-06-2014, 05:53 AM

هلا ام شهد الله يحيك ياقلبي ..
كل شيء باجر باذن الله..
الله يتمم لكم يارب..
عن الحسبه ادخلي موقع الحساب وحطي موعد
دورتك وتطلع الحسبه..
الكروشات الجدد مرحبااا مليون ...

سبائك ذهبية · 03-06-2014, 08:00 AM

هلا باخواتي الجدد
نورتو المجمع

أم شهد.... كم عندك أعيال
أنا عندي بنت وولدين
بنت وولد حملت فيهم في شهر رمضان وما احلاه من حمله لاوحام ولاشي ولا كأني حامل
وولد وهذا اللي حامل فيه في ربيع اول بس حملاتي فيهم شينه

والله يسهل علي وعليكم ياحوامل

أحلى عطور · 03-06-2014, 05:39 PM

الله يتمم لك على خير يايسبائك ...
امي كذا اخواني تقول كل واحد وحمه غير الثاني ..
انا حملي بولدي الله يتقبله شفيع كان صعب ..
وهذا ماني حاسه فيه بس جسمي مكسر وحالته حاله...
ومالي نفس لاحد اتهاوش مع الكل وياربي لك الحمد..

سبائك ذهبية · 03-06-2014, 08:50 PM

الله يصبرنا يا أحلى عطور
الحمل كله تعب في تعب
أنا كل ماقلت كافي أعيال ومابي أحمل ربي ينسيني هالتعب وما أحس إلا أني حامل
وأفرح كانه حملي الاول
وإذا أبدأت أنساه أكره نفسي وأقول ليش حملت ليييييييييش هع هع هع
أحس أبي أبكي من التعب

أحلى عطور · 03-07-2014, 04:55 AM

اتعوذي من الشيطان ياقلبي..
والحمد لله الاطفال رزق من رب العالمين...
خلقهم يتولاهم سبحانه فعيشي فترة الحمل ..
بسعادة ..
الله يهون علينا يارب..
توني تحممت احس اني سويت مجهود تعبت واحس في
مثل السكين اسفل بطني جهة اليمين الم مع رجلي بس ارتحت
وخف الالم كثير..
الله يستر وييسر يارب..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الوحم والتغذية في الثلاث شهور الاولى	مرموره	منتدى أعراض الحمل والوحام	9	05-28-2014 12:45 PM
مراحل نمو الجنين في الثلاث شهور الاولى(المرحله الاولى)	عزيزة النفس	إستفسارات حوامل ثلاثة شهور الأولى	271	02-07-2014 01:37 PM
نزيف الثلاث شهور الاولى والمراحل التاليه	عزيزة النفس	إستفسارات حوامل ثلاثة شهور الأولى	7	04-25-2010 01:14 AM