دردشة حوامل من الشهر السابع للتاسع

[اميرة الجماال]

المشاركة الأصلية كتبت بواسطة sukar

اميرة الجمال انتي علمينا وش تاخذين بالعاده
لأن انا صح ولدت قبل


بكتب اللي اتذكره اللحين لاني مرتبتها وحاطة الورقه اللي فيها الاغراض بالشنطه هههههههههههههه
اغراضي (لبس الاستقبال+2شيله +عبايه+نقاب+شراب لنص الساق لاني ماتوقع اقدر البس لقينز مع الخياطة
+2لقينز +فوطه +شبشب+مرطب +مشط+ربطه ومساكات
فوط صحية+فوط لصدر+اكياس للملابس الوسخه+كلوتات الدوره +2سنتيانات
اسكنول وقطن+صابونه
اغراض النونو ( طقم للخروج ابيض روعه "بربتوز-ملف-رباط-كبوس-جوراب لليدين والرجلين"
+مدس ثقيل+ملف ثقيل+حفايض+مناديل جونسن+فوطه+مسحه طبيه
+3ملابس داخليه+
اممممممممممم هذا اللي اذكره اذا تذكرت شي اضفته

طبعاً اغلب الاغراض ماحتاجها ههههههههههههه
لاني بولد بخاص بس ماحب انسى شي واتورط
طبعاً اللي بترضع صناعي تاخذ رضاعه وحليب وكذا
خاصه اللي بتولد بعام ماراح يعطونك لااااحليب ولاحفايض ولاينظفون البيبي ابداً
الله لايعيدها ولايعطونك فوط صحيه الاوحده اول متولدين
لما اتذكر احس اني ببكي يهاوشونك
انا قد ولدت مره بعام ومره بخاص قرررررررررررف العام
اما الخاص ماتحتاجي غير لبس الاخروج او الاستقبال
النونو مايعطوني الاشوفه ويرجعونه اهتمام موطبي

بس ما كنت مجهزة شي

والحين حطيت بالشنطة لبسين داخلي للبيبي
افرولين مع طواقيهم ..
كوفلتين وحده قطن ثقيل والثانية ثقيلة نفس البطانية
بودرة اطفال
حفايظ اطفال للإحتياط
وبالنسبة لي
روبين قطن وبجامة و روب رضاعه للإستقبال مع طرحته
شبشب للحمام الله يكرمكم

ملابس داخلية 4 << كلوتات
فوط للإحتياط و ستيانة الرضاعة
عباية كمان للإحتياط
منشفة وصابون للإغتسال

بودرة كحل حواجب ومسكرة وكريم جسم
ودهن عود << اخاف يجي ابو زوجي ويشوف وجهي مفقع ههههههههههه


ههههههههههههههههههههه الله يعيننا
انا مقرره اسوي صبغة حواجب قبل الولاده لووووووووول
عشان اكون مرتبه
وباخذ معي الروج السحري الاخضر



وبالنسبة للمستشفى
مستشفى خاص مع الدكتورة اللي اراجع عندها
رجلي ع رجلها هع


اذا تحسو اغراضي ناقصه علموني

اتوقع مو ناقصك شي دام بخاص

[حــــلا]

سكر
الله يخليه لك .. وان شالله هالمره هو يوديك احسن لك واريح نفسياً
انا كان قصدي ام القمر وفيصل خخخخخخ ..
يارب يهون عليك وعلى الباقيات الولاده يااارب

ام القمر وفيصل

ههههههه دامها منه اجل .. خلاص معذووره يابعد قلبي
جربتي تشربين ملين او مسهل؟ عشان تجيك ولاده

سكر غريبه ماخذتي شرابات او سروال
لان الوالد بعد ولادتها تبرررد مررره وتبي شي يدفيها
انا ولدت بحكومي بس جابو لي حفايظ انا والبيبي بس الداخليه جبتهم معي وافكر هالمره اخذ ملابس داخليه يوميه من الصيدليه
اللي تنرمي ..

مافكرتي تاخذين حبوب تسكين الالم عشان الم الطلق اللي يجي بعد الولاده
او مرهم للخياطه عشان ماتوجعك مكان لخياطه..

بس اغراضك كامله انا اشوف .. ^.^
يمكن باقي لك شاحن جوال عشان تصورين البيبي هع

[sukar]

اهلين حلا

اخذت بناطيل قطنية نسيت ما اكتبهم

والمسكن الممرضات كل شوي يعطون مسكنات
ما راح احتاجهم بإذن الله في المستشفى


والمرهم جبت لي ميبو
بس ع اساس ماراح استخدمه الا في البيت

لأني ان شاءالله ماراح اجلس بالمستشفى
إذا ولدت طبيعي بإذن الله
كله يوم وبطلع ..

كئيب جو المستشفيات ممممرة ما احبه ولا احب اجلس لحالي
وعيبي ..

المكان اللي اول مرة انام فيه
اقعد فترة على ما أولف المكان .. يارب بصحة وعافية

اميرة الجمال

توي شقرت حواجبي من قريب ..
وناوية اشقرها الاسبوع الجاي كمان ههاع

وبشيل الشعر من جسمي لي زمان بس بالمكينة من الكسل *

[أجوان]

سلام ياحلوات
اللهم أمين .. ربي يتمم لنا على خير إن شاء الله
سكر
ﻻتنسين كسرة مرة حطيها في نايلو عشان بعد الولاده
إن شاء الله تحطيها في قارورة صحه وتشمينها وتشربي منها
حتى البيبي شمميه مره ضروري عن الشمم لا تعفي خيوطك
وتتعبيين من غير شر
أنا أول شيء حطيته بالشنطه المرة والحتيته وقارورة الصحه
وشماغ عشان أربط بطني إن شاء الله
والباقي مثل ما ذكرتي لاكن بدون كحل وروج ودهن عود
وبولد في مستشفى حكومي إن شاء الله

[اميرة الجماال]

صادقه اجوان
اهم شي المر انا اخذت بالشنطه بعلبه
عشان اذا ولدت احطه بعلبة ماء يكون طازج

ولاتنسوى تمر لتحنيك البيبي >>ولامره سويتها لعيالي
بس بسويها هالمره لان يقولون انها سنه عن الرسول صلى الله عليه وسلم

بالنسبه لشماغ خليته بالبيت كلها يوم بالمستشفى وبطلع
بربط بالبيت لان بكون مهدود حيلي مو رايقه لربط
وميبو كمان خليته بالبيت لان بالمستشفى بيعطونك كريم الخياطه


حلا
ااااهم شي الشاحن اكييييييييييد صح عليك ذكرتيني
بالنسبه لكلوت الدوره اشوووفه ضروووري جداً لانك ترميه وتفتكي منه
انا لقيته في بيبي شوب وتنقيت المقاس على راحتي
ولا تنسوا فوط الرضاعه استخدام واحد لان الحليب بيملى ملابسك

[اميرة الجماال]

انا اللحين جهزت بعض اغراض النفاس
وحطيتهم بالفريز
التمره(تمر+رشاد+سمن)
التحاميل (مر+ملح+محلب+قرض+عسل)
وطحنت عشبة عباءة السيده بعلبة

اممممممم وقسمت اغراض النفاس باكياس عشان ماحوس بيت اهلي
وحطيت ملابسي وحجاباتي والداخليات والفوط وكل شي بستخدمه بالنفاس بشنطه لحاله
وخليت شنطه لكل اغراض البيبي لحالها
وشنطه لملابسي اللي بحتاجه قبل الولادة وبعد الاربعين
وشنطه لملابس اولادي
احس وضعي مرتب بس اخاف انسى شي

[اميرة الجماال]

وش بتستخدمون لبشراتكم !!
خاصه اللي بترضع طبيعي!!

[أم القمر فيصل]

السلام إليكم.بنات
اخباركم؟
من ضمن محتويات الشنطة..اخذت مشد عريض مطاط وكريم الترهلات وانصحكم بكيس نايلون
الله يجعلنى انتظم عليه والف بطنى من قبل ما اطلع من المستشفى

وطبعا فى البيت نقلت اغراضى الخاصة وكريمات الترطيب لغرفة الاولاد
حتى اخلى غرفة نومى ريحتها ماتتخربط بأدوية النفاس
وجهزت قهوة وشاى الاعشاب
وكريمات العناية للأربعين...وملابس جديدة بعد الاربعين ماشاء الله مقاسات صغيرة حتى انحف عليها

حلا حبيبتى
الملين انا طوال حمل ماشية عليه وطبعا قبل الولادة باستعمله اخاف اتفشل مع الطلق والحزق ..خخخخخخخخ
وتدرين مع الخياطة ما يصلح الامساك
لاكن ما يجينى من الملين اى طلوووق
بالعكس تنزل على ماء البيبى...وبالمستشفى تحاميل طلق صناعى
الله يقوينا وييسر ويهون علينا الصعب قولو اميييين

[اميرة الجماال]

ام القمر فيصل

ليش كم يوم بتجلسي بالمستشفى حبيبتي!!؟
وش نوع كريم الشد اللي بتستخدمينه!!
وممكن نعرف اعشابك اللي بتستخدميها وكريماتك!!
اتوقع هذي ولادتك الثانيه صح!!؟

حلووه فكرتك تشتري مقاسات صغيره هههههههههههه تعطيك حافز للضعف>>بسوي مثلك


بنات وش رايكم في لوشن نيفيا قود باي سوليليت عليه مددددح مو طبيعي!؟
نفسي اجربه

وشعري خلطة خروع لشرب مع دابر املا واحس شعري مرتاح عليها

[شذى الجنوب]

صباح الخيرات