تجمع الجزائريات المتأخرات في الحمل و أهلين بالتونسيات الغاليات

[مريم13]

المشاركة الأصلية كتبت بواسطة ندى الوردة

مريم و الله قلت منيش بالكرش قلت خلي تحدر عليا وهكذاك وما حدرتش احترت عمرها ما طولت هكذا

ما تعمريش راسك بيها خليها على ربي وزيد نهار تولي للطبيبة يديرلها ربي طريق انا سايي التست ما نديرش فيه لامان كلير بلو ولاكلير قوس قزح

المشاركة الأصلية كتبت بواسطة ندى الوردة

مريم ههههههههههه هدا وجه عليها ولا واش...الفيديو
انا رح نخش نعطيها كف
نشوفوها كي تكبر كون ماتعودش تجري وراهم وتقول ماجريت هههههههههه

ههههههههههههههههههه الطفول السعيدة هههههه انا غاضني كي قاتلو idiot

المشاركة الأصلية كتبت بواسطة Nourelhouda

اهلا الزينات واش راكم لاباس!،!؟!
نوال اختي ماشي غير بردت راني وليت كونجيلاتور ، خلاص عييت، كي تشوفي روحك طبعي في حمار ميت تكرهي،،، انا نكسر راسي و هو والله ماعلابالو و كي نقولو يقولي راني نحس، انا نعرف اللي يحس يبوجي يتحرك يجري يدير المستحيل،،،،،
اعطانا الطبيب تحاليل تاع الدم باش يشوف اذا عندو الزريعة و الا لالا الاول تقلق ساعفتو و هذو يروحو حتى فرنسا،،،،،، قالي من بعد نديرهم ساعفتو قلت راه خايف ماعليش روحنا للطبيب في اوت، و حتى لدوركا ماتحركش،،،،،،،، ى كي نقولو عليهم يقولي خليني نقص الدخان و نروح،،،،، و هو راني نشوف فيه نهار يحبس الدخان و غدوة من داك يخلف الروطار يتكيف كثر من اللي كان،،،،، انا عيييت المورال تاعي راه يحفر سي بون،،،،،، و زيد كنا حابين نجيبو طفلة نربوها و كنت ندير في الاجراءات و دوركا قد ما كنت متحمسة نجيبها قد ما راني كرهت هذ الموضوع و هربت منو و احساس الامومة راحلي،،،،،، ماعلاباليش علاش راني خايفة مافهمتش واش بيا،،،،،، كرهت الذراري مانيش حابة نجيب،،،،، و كرهت كامل الناس اللي نهار كامل يتبعو في زريعتي جبتي دراري ولدتي ، و يبداو يتمسكنو عليا كي شغل ناقصة يد و الا رجل،،،،،، اوف استغفر الله،،،،،

نور ماش هك حبيبتيصح راني معاك راه غالط و حاس بيه بالاك خايف بالك عندو امل وخايف يتبدد بصح هدا لايمنع انو يدير خطوة ويجري على روحو صح انت حنونة زيدي قوليلي بالسياس

المشاركة الأصلية كتبت بواسطة Nourelhouda

مريومتي واش راكي لاباس!؟!؟!؟! واش راه حبيبي راه مليح!،!؟! بالاكيلي عليه راه عزيز و غالي ،،،،،ً

راه قبيح يدير في الكاراطي عوجلي مسلاني

[Nourelhouda]

البنات اقراو هذا الموضوع و الله بكيت حتى شبعت،،،،،،
http://forum.hwaml.com/t279566.html

[Nourelhouda]

هههههههه خليه يدير فيك واش يحب،،،،،،،
واش نقولك يا مريم راني نقنط دخلاني و راني بديت نمرض و الله قلبي راح يتطرطق من القنطة ، نسايس فيه بصح انا راح نموت ،،،،،، راني حاسة روحي اخرتي يتطرطقلي عرق في راسي من الزعاف و الا قلبي يتطرطق، على بيها وليت ندير روحي ماعلاباليش،،،،،،، خير لي ،

[Nourelhouda]

تزوجها فلم يتفق ،
سألوه : ما السبب ؟ قال لا أتكلم عن عرضي ..
طلقها فسالوه : ما السبب ؟ قال : لا أتكلم عن امرأة خرجت من ذمتي
( رجولة )
............

اشترى فقير ثلاث برتقالات
قطع الأولى وجدها متعفنه رماها ،
قطع الثانيه وجدها متعفنه رماها ،
اطفئ النور فقطع الثالثه واكلها &“
( أحيانا نتجاهل لكي نعيش )
............................

شخص سقط حذاءه الأيمن وهو يركب الحافله وهي تمشي .. فرمى الثانيه وقال :
لعل فقير يرآها ويستفيد منها !
( نفوس راقية )
................

يقول أحدهم كنت أروي لعائلتي موقفاً محرجاً
فقلت انسكبت علي القهوة قبل أن اخرج لتقديم الحفل
فقالوا جميعاً ماذا فعلت ؟ إلا امي قالت
هل تأذيت ...!!!
( جنّتي أنتي )
............

المطر في بلادنا يعني يوماً رائعاً ، وفي بلاد أخرى يعني يوماً طقسه سيء !
ما تراه جميلاً قد يراه غيرك قبيحاً
( عود نفسك على الأختلاف )
...............................

واخيراً وليس آخراً :
تمعّن في أختيار اصدقائك فأنت تختار صفاً من صفوف المصلين على جنازتك ..
( نصيحه

‪

[أم صهيب2]

السلام عليكم حبيباتي واش راكم بخير
نور الهدى واشبيك يا الغالية وا رحمة ربي كبيرة
الحمد الله على نعمتو ربي ابتلانا مي زوجك مالو ما حب يداوي ولا شنو غير بشوية والله راكي تمرضي حالك باطل وكيما قلتي دوك يطرطق ليك عرق في الراس ويتفرجو فيك

اصبري اخيتي وكلي ربي يا الله
ردددي معايا استغفر الله العظيم الله الله الله وادعي الله راح ترتاحي
موش انت برك رانا كلنا متشوقين كلمة ماما ولكن والله والله والله ما يحس بيك حد غير اللي مر وحس بالوجع وفقدان الحلم
مي الحمد الله يا ربي نحمدك ونشكرك
هو العالم علاش ما رزقني
يشوف صبرنا يراقب عملناااا ولكن هو القادر


احبك في الله اخيتي
راني درت وصفات ولكن في صفحتي مممممممممممممم اجري ردي علياا

[Nourelhouda]

سارة يالحبيبة و الله راني صابرة و متأملة و شادة في ربي بصح الناس راهي ماخلات ما بقات فينا و راجلي ناعلاباليش واش بيه،،،،،، راه نورمال كلي المشكل ماشي منو و انا مانحبش نجرحو او نغيضو بصح على الاقل الواحد يدير و لو خطوة صغيرة يبين بلي راه منتبه على مشكل تاعو هو والللوووووو راه وذن من طين و الاخرى من عجين،،،،،، الله يهديه برك
راني درتلك لايك ممممم شهيتيني راني نموت على لوبيا ماشطو و اول البارح درتها غراتان جات تهبل ممممممممم ربي يحفظك اختي و يرزقك كل ما تتمناي،،، و انا نموت عليكم كامل راكم اخواتي في الله ،،،،،

[أم صهيب2]

الشدة في الله يا لاختي ماعرفت روحي حتى لقيت روحي ماكم لاني الصراحة كرهت التجمعات والحكي عن الاطفال
اليوم درت تحاليل هرمون الحليب لقيتو طالع
وراني عارفة من تقلال والتخمام
كل ما نحكي على الدراري ولا نرد لقلبي يصرالي هاك
ولكن راح نبعد شوية عليكم وربي يفرحنا ان شااء الله

[ندى الوردة]

اهلا بنات راني مع الميناج
سارة ونور الهدى واش هذاالحزن ربي سبحانه قادر على كلشي مرت عمي 14 سنة وباش ضنات وجابتهم ماشاء الله الزين والعين الزرقاء يهبلو وضرك الطفلة عمرها 14 والطفل 12
ان شاء الله ربي يفرحكم في هاذذ الشهر ماتدليوش وين الخير
سارة ولي برك خلاص ندوروها ريجيم ههههه

[ندى الوردة]

وقصة ثانية اخت مرت خالي ستنات 4 سنين وقالولها الامل معدوم ربات ولد ماليه فقراء عطاوهولها وزادت جابت طفلة اخري يتيمة كانت عمرها عام ونص تحكي قاتلك الطفلة تلعب بالبوبي نتاععا تقمطها وتحطهالها في طرفها قداه نيوم والطفلة تلعب هكذا مبعد لمرا ماجاوهاش ليراقل راحت حلت لقات روحها حامل وذرك الله يبارك عندها طاشرون

[مريم13]

المشاركة الأصلية كتبت بواسطة nourelhouda

هههههههه خليه يدير فيك واش يحب،،،،،،،
واش نقولك يا مريم راني نقنط دخلاني و راني بديت نمرض و الله قلبي راح يتطرطق من القنطة ، نسايس فيه بصح انا راح نموت ،،،،،، راني حاسة روحي اخرتي يتطرطقلي عرق في راسي من الزعاف و الا قلبي يتطرطق، على بيها وليت ندير روحي ماعلاباليش،،،،،،، خير لي ،

بعيد الشر عليك اختي بعيد الشر
الله رزقكم يارب وما تحتاجو لا تحاليل لا والو