تجمع حوامل المدينة المنورة

[منتهى]

سلام الله عليكم ..

بنات .. ساعدوني بمشورتكم ..

أنا تأخرت علي الدوره أسبوع ولمن حللت اليوم التحليل المنزلي طلع خطين واحد واضح والثاني خفيف ..

و مره خايفه تكون نتيجة التحليل صحيحه (حامل ) ..

انا ما أبغى أحمل ذحين .. قبل سنه ولدت قيصري ..و ماني مستعده للحمل نفسي أجلس سنه ثانيه على الأقل ..

المهم في الموضوع كله إني إذا طلعت حامل أبغى أسوي عملية إجهاض .. بس خايفه ..

ومن خبراتكم السابقه .. هل تعرفوا دكتوره في المدينه تسوي عملية الإجهاض ؟ وش تنصحوني ؟

[ضناني الشوق]

ياقلبي عليكي يا الهام اسأل الله ان يكون بعووونك بسسس ...

طيب خيتو روحي اليوم مستشفى تاني وشيك مرا تانيه افضل لكي ...

ولا تستعجلي باي شئ والله كاتبه ربك بيصير وخلي ايمانك بالله ...

منووووووره دلـــع وين الغيبه يابطه ...؟!

منتهى .... خافي ربك لا يبتليك بشئ وكل اللي بالتجمع ان شاء الله ماعندهم خبرات بها الاشياء ...

قولي الحمدالله ع النعمه اللي انتي فيها وعادي اذا حملتي بعد قيصري بسنه ...

ناس تحمل بعده بسته اشهر ...

اشكري الله واسجدي لله شكر وخلي عنك هالخرابيط ...

واتقي ربك غيرك يتمنى ربع ضنى ...

واسفه لو شديت بالكلام معاكي بسسسس قهــــــــــــــــــــر وربي قال ايش قال اجهاض

[Ro0o0o0z]

اهلييين الهام الله يسهلك يارب متل ما قالت الاخت ضناني رووحي المستشفى والله يتمملك على خيير يارب
دلع فيييينك حبيبتي منووووره طولتي الغيبه انا قلت شكلو ولادتي الله يقومك با السلامه

يبنات لا تستعجلو على الولاده وتجلسو تحسبو كم يوم فااضل عشاان تولدو خاليها على ربك وربي رح تفتكر الايام دي متل الحلم والله يسهل للجمييع يارب
درة المدينه وضناني منورين حباااايبي
ليش ليش يا اخت منتهى انا والله حاااسه كنت متلك بس انا بنتي عمرها 3 سنين واتفاجات لمه حملت ما كنت ابغى عشانها لسه صغيره بس اردة الرب فووق كل شي ولا تفكري التفكير داه لا تسوي متلي رحت لوحده قالت تعرف عملية الاجهاض وطبعا رحت من وراه زووجي وسويتها وهي مصريه تبغى 800 عشاان العمليه سويتها بس اردة الله فووق كل شي سبحاان الله ما نزل البيبي على قد ما حااولت الين ما خلاص سار عندي نزيف هي انفجعت لا يروح يسرلي شي قامت وقفت واصد ما تعرف في العمليه بس تبغا فلوووس حسبي الله عليها وربي ما ادري فيين كااان عقلي ابليس شااطر لعب في عقلي بس الحمدلله والله انا فرحااانه ما رحت نزلتو زووجي فرحااان مرره وبنتي فهمتها انو في الطريق بيبي وهي فرحاانه اهل زووجي فرحانين وامي وخواتي والحمدلله لا تغلط حبيبتي لا تروحي تسقطي الجنين وبعد كم سنه لو تبغي تحملي ربي يبلاكي بطفل مشواه او معاااق كعقااب من الرب ويا قلبي والله غييرك نفسو بطفل ايش ما يكوون ولد او بنت راجعي نفسك وفكري كويس واستخيري الله وسيبي الجنين في حالو بكره تشوفيه يكبر قدامك تقوولي ايش خلاني افكر انزلو وهو يلعب قدامك يمكن يكوون باار فيك وفي زووجك وطفل صااالح

معليش طولت بس والله زعلتيني اتعوذي من ابليس وشيلي الفكره دي من راسك والعمليه مرررره خطيييره للبيبي والام لو طحتي في وحده ما تعرف وما تفهم وما تخاف الله بس تبغى فلوووس

والله يوفق للجمييييع معليش طولت عليكي

[حنونه بزمن قاسي]

هلااا بكم كروشاااااااات
الهاام يالغلا الله يولدك ويولدني والبنات بسلااامه روحي مستوصف البترجي سوي سونار افضل الولاده خايس
هلاابكم بنات جميع الله يهون علينا دعواااتكم

[Ro0o0o0z]

اهليين صبايا

ما قلتولي فين احصل ملابس الحمل غير ستي مااكس عشان الربوع راح انزل السوق ومو عارفه

فين ارووح غير باباز وماماز

بنتظاار ردودكم ^_^

[ملكة المشاعر]

روز روحي بينتون نيولوك والله هادي الي فكرتهم لمن افتكر ارجع اقولك

[ضناني الشوق]

سلامووو كروشات ...انا وربي طفشت مافيه ملابس ملابس عدله انا كم مرا انزل ما الاقي ...

[درة المدينة****]

مشكورة ياروز على الاستقبال والله يسعدك وييسر لك امورك
اما منتهى بقولك حرام الى تفكرين فية وشيله من راسك ربي لايبلاك وتجيبين واحد معوق او مشهوة وهذة نعمة من نعم الله ووكلي امرك للة وغيرك مليون وحدة تتمناه ولجد يقنعك بالموضوع مهما كان ومعليش شديت عليك بس لازم

[ام عبودي 615]

اهليييين حوامل ..حبيت انظم لكم... وانا حامل بشهرين واسبوعين .ايش رايكم بمستشفى المواساه وخاصه د:ماجده واي سؤال عن الخياطه التجمليه انا حاظر

[Ro0o0o0z]

اهلييين حبيبتي ام عبوودي

منوووره التجمع بطلتك

بنات مو معقوله الكل ما يلابس ملابس حوامل من فين تنزلو اعرف رجيت راسكم بس والله ما عندي ملابس حمل لو خرجت البس بلوزه طويله والبس بنطلوني العادي اللي قبا الحمل وافتح السسته من قدام وربي فشيله قدام اهل زوووجي
طيب انا اللي اعرف في في قباء كاني لمحة محلين والله اعلم طيب في المجمع احصل هناك او لا فيدونا اللي اشترو وانا لااااااا

حرااام عليكم ظلم اهي اهي اهي اهي ببكي

يمكن تحنووو شوايه وتفيدوني وتفيدو البنات اللي لسه ما اشترو

شوي راح ادخل ياويلكم مني لو ما دليتوني بكره ربووع وانا راح انزل بكره

لاتخلاوني اقلبها مضارب في التجمع طخ طخ طخ