الغاليات بنات فلسطين @هنا التجمع الجديد@

[ام عبدالله لولو]

هيني هون يا هلا بام خليل كيفك ياعسل والله مابحس انكم مجرد بنات بتسلى معكم لا والله بحس هون بانو خوات تعو نسهر

[نور العمر]

للاسف رح تقطع الكهرباااا

[نور العمر]

تصبحوووا على خير مع انه زعلانه منكم

كل اشوي وحده بتفوت وتحكي كلمه وتختفي

[ام عبدالله لولو]

كلو ولا زعلك نور انا نيمت اسيد وجيت وينكم

[كبريآء أنثى ـآ]

هههههههههههههه أم أسيد
أهلا أهلا بقووووووووووول مالها الدنيا منوووووورة سمعت بدك تسهري ياااااترى موجودة هلأ ؟؟

[كبريآء أنثى ـآ]

صبايا طمنوني أنا أعصابي تعبانة كتيييير
بنتي صارت تغلبني كتييير وتصرخ كتييير ما بتسكت وروحي بتطلع من كتر زنها وصراخها
لا بترضى تنام ولا بترضى ترضع وبالعافية بتمسك صدري وبترضع وبعمللها أكل وبرضو مابترضى يادووب معلقتين بتاكل وبعدها بتفو وبالنوم صارت تجنني
مع انها ما شاء الله كانت تنام كتييير بس الها يومين مطققاني بجد فقعت
وانا روحي مش طويلة على الصغار مش عارفة شووو اللي صايرلها والله حااااااااااااااايسة كتيييير
ودايما أقرا على راسها قرآن وأحوطها بس الصراخ صراخ

[دموع الليل]

ام مروان كيفك

يمكن بنتك خايفه؟؟ او مملوعه؟؟

[كبريآء أنثى ـآ]

لالالالا مش مملوعة الحمد لله
بس قبل شوي رحت على ستو لزوجي بتمرج وبتقطع الخوفة
ومرجتلي بنتي من تحت وبتقلي بنتك خايفة
ولما طلعت ع بيتنا رضعتها ونامت وصارلها نايمة تلت ساعة وصحيت تصرخ وبالعافية لما رجعت نامت
وامبارح طول الليل ما نامت وهية تصرخ بس من شووو خايفة انا بدي أفهم ؟؟؟؟؟؟؟
معقووول اللي بعمرها بيعرفوا الخوفة ؟؟

[حلا الماس]

اسفة بنات اتاخرت عليكم

بس اجا جوزي وعملتلو اكل ونيمت الولاد وضبيت المطبخ وعملت قهوة وجيتكم .. اتفضلوا

كبرياء
يمكن بنتك بدها تطلع سنان

نور
ما تزعلي يا روحي خيرها بغيرها . معوضة سهرتنا ان شاء الله

ام اسيد ودموع
كيفكم وكيف اطفالكم ؟؟

ام اسيد نزلت صورة ليوسف بالصفحات السابقة شفتيها ؟؟

[دموع الليل]

انا والله من فتره كان ابنى يصرخ كتير

ونزلته لحماتى لقيته مملوع ومرجتلى اياه والحمدلله من يومها

صار هادى وبينام

جربى اعطيها بيبى نام مهدئ للاطفال وبيعالج المغص