حبيباتى سيدات ليبيا تفضلو لأعرف ما حالكم

[أم أجنادين 80]

ام فروسي my major is network&IT

[أم أجنادين 80]

المشاركة الأصلية كتبت بواسطة أم أجنادين 80

ام فروسي my major is network&IT

هدا يام فروسي
حتي انا نعتقد مش ضروري
طبيعي تشتاق أهلي اكثر
انا كلمتهم أهل زوجي اول ماوصلنا لما هوا يفتح ويكلم فيهم
وبعدين اتصلت بيهم بعد ملعبين رصيد في العيد
وبعدها كلمتهم مره عالسكايب
وبعد ماسافرنا عمه مشي للحج
انا مشيت لهم قبل مانسافروا علي خاطر الحج
توا زوجي يتكلم بصيغة الجمع قال بنكلموا عمي
مش فاهمه حتي انا ولا هوا بس
رغم انه في العيد قال بيكلم أهلي وماكلمهم ولا مره لتوا
رغم انه كلم العالم كله خالته وصاحبه في العمل
قالي أنسيت بس انا زعلت
قصدي أهلي حاليا اهم من خالته
بس لان أهلي مايلوموا هلبه
وخالته هذه ديمه تلوم علي ابسط شي
بصراحه مش مقتنعه ابن نكلم حوش عمه حتي هما ماحسبوني

[dr.loly]

المشاركة الأصلية كتبت بواسطة أم أجنادين 80

هدا يام فروسي
حتي انا نعتقد مش ضروري
طبيعي تشتاق أهلي اكثر
انا كلمتهم أهل زوجي اول ماوصلنا لما هوا يفتح ويكلم فيهم
وبعدين اتصلت بيهم بعد ملعبين رصيد في العيد
وبعدها كلمتهم مره عالسكايب
وبعد ماسافرنا عمه مشي للحج
انا مشيت لهم قبل مانسافروا علي خاطر الحج
توا زوجي يتكلم بصيغة الجمع قال بنكلموا عمي
مش فاهمه حتي انا ولا هوا بس
رغم انه في العيد قال بيكلم أهلي وماكلمهم ولا مره لتوا
رغم انه كلم العالم كله خالته وصاحبه في العمل
قالي أنسيت بس انا زعلت
قصدي أهلي حاليا اهم من خالته
بس لان أهلي مايلوموا هلبه
وخالته هذه ديمه تلوم علي ابسط شي
بصراحه مش مقتنعه ابن نكلم حوش عمه حتي هما ماحسبوني

حسب وجهة نظري نشوف ان مش من الضروري تكلمي عمه ..
خصيصا انك قلتي مادورك حد والاهم انك مشيتيلهم قبل ماتساااااافري هذه بروحها تكفي ...


انا اكتشفت اني نكلم ف الناااس والنااس ماتديرش حتى في رنه نقول حرام الدقيقه بدينار من عندهم ويتكلفوا بس المسج نش يبيكلف 250 درهم؟؟ للخارجي

بصراااحه معش كلمت حد\

بس احيانا يبقي ضميري يأنب فيااا ونقووول صلة الرحــم واااجب
الحق نعاود نكلم ةنتصل ونطمن ويقولوا والله ظروف ومقصرين يعني اتصااالي يحسس فيهم
انهم مقصرين



بصراحه اول ماوصلنا كلموني اغلب اقااارب زوجــي

وعندي صديقةديما تتصل وماتهتم برصيد نفس طبعي ونقولها سكري ونعاودلها





بس الحق زوجي ف الاعياااد اتصل باهلي كلهم الوالد من ثم ماما
من ثم الشباب الصغااار كلن ع حده من ثم خالي وهكدااا


ونا نفس الشئ نكلم ف عمتي وخواته وسلفتي المقربه مني وهكدااا


بصراحه زوجك المفروض كلم اهلك حتي عشان خااطرك، بس يمكن نسي

والحق هي توجع بصراااحه .. بس بم ان اهلك ماشاء الله مايلومش ومش حساسين

خليه بسس فترة وحيتصل ويسأل عليهم


بالنسبه للاتصالات من رأي هديه انك تتصلي لو حد مرض او حصل شئ ما وهكدا



يعني من الاخير مش مجبورة



ع سيرة الاتصالات



ف برنامج ع النقال تنزليه اسمه ريبتيل رخيص ف الاتصالات اشوووي


بس اهم شئ عندكم نت اكيد


يتصل عن طريق الانتلانت

وتكلمي به اي حد ف العالم

[اوشي]

[شموسه 88]

اخخخخخخ كملت الحوسه والجو امسقع عل اخير اختي دارلتلي نوعين اسلاطه اوجابتلي امعاها بطاطا امبطنه والبوريك انافي الصبح نبي اندير رز بلخطه اومسير زوجي يبيبي مصارين بس منقدرش عليهن جبنا سي دي لشيخ ماهر المعيقلي المصحف الكامل شغلنا لعند ماببكره انحولو فيه رسمي باذن لله
بس للاسف يااثري زوجي اصرلي عل الذبيحه بس القريا صرف نظر عنها

[شموسه 88]

تخايلن بكره تقريبا نبي اندير لرجاله 6 مقاعد ربي يستر بس عمتي "ام زوجي قالتلي انجي بدري وانساعدك"

[أم أجنادين 80]

اوشي اهديلها ذهب افضل
بما انها هدت لك ذهب
بس انتي قلتي اعطيتيها مبلغ مالي لو كان كبير ويغطي سعر الذهب ممكن تهدي هدية بسيطه
تاكم للمطبخ او اي آلة للمطبخ او عطر راقي

[جوهرة ليبيا]

شموووووووووووووووووووووسه خاطري في بطاطا امبطنه بس ماعنديش جهد والله حتي غداي بكبوكي وسلاطه وفاكهه وبس والحمد لله

[أم أجنادين 80]

ربي يعاونك شموسه
وديري حاجتك بكري حتي ترتاحي ويكون عندك وقت
بس الباين ان العزومه مش لأهلك وأهل زوجك بس
اوشي انا مارديتش عليا زعلت

[أم أجنادين 80]

ام فرأس انتي قلتي سالتيني أكثر من مره
انا ماشفت الا مره وحده سؤالك وجاوبتك
بس الباين ماشفتيه زي ماشفتيش المواقع اللي حطيتها
وسؤالي ليكم ثلاث مرات سألته
وجاوبت سوسو بس
او حتي انا ماشفتش اجاباتكم
انا في الفتره الأولي من جيتنا لأمريكا ماقريتي كل الصفحات
ولا كل الردود