تجمع سيدات وبنات المغرب..

[huyam]

المشاركة الأصلية كتبت بواسطة ام مروة

سيهام زوينة سمية جاد الله اجيبو على خير ويسر ولادتك
اسوووم من هنا حتى تولدي انشاء الله تلقاي سمية لي تعجبك حيت مزال الوقت نتي اصلا اشنو كيعجبك فسميات اولا الى تناقشتو نتي وراجلك على هاد الموضوع اشناهيا اقتراحاتكم

Mazal ma 3ndna hta fikra rajli Gali khtari nti ism mais ykoun zwin wsahel fnot9
Kat3jbni حسام هيثم عبد الودود ليث

[huyam]

Lbnat Chokrane 3la i9tira7at kif gotlo kayen asmae zwina walakin khas nchouf smaya la hsab frança
Wrani nfaker fâche nahbet labled ndir livret de famille marocain Bach mn baad ndir lwlidat jinssiya maghribiya

[ام مروة]

زوينين هادوك سميات يا اسوم راني درت واحد البحت والسميات لي عجبوني فيهم
ساهر ، ايهم ، براء ، ياسر ، سامي ، جاسم

[huyam]

المشاركة الأصلية كتبت بواسطة ام مروة

زوينين هادوك سميات يا اسوم راني درت واحد البحت والسميات لي عجبوني فيهم
ساهر ، ايهم ، براء ، ياسر ، سامي ، جاسم

ههه حتى انا كنت ندير بحث عجبتني أيهم ياسر جاسم براء ولكن هاذ التالية سبقوني 2 وسماوها
هي كل واحد راه ولادو فدارو ولكن بونسوان يهدر يقولك غرتي منا ونقلتيها
وعاجباني سراج و شهاب

[أم رفيدة]

السلام عليكم ورحمة الله وبركااته
كيف حالكم البنات
راه ولا فوجهي الحبوب رقيق بزاف أو حتى فصدري
معمر الحبوب مكانو فيا
باش تنصحوني الله يجازكم بالخير

[huyam]

المشاركة الأصلية كتبت بواسطة أم رفيدة

السلام عليكم ورحمة الله وبركااته
كيف حالكم البنات
راه ولا فوجهي الحبوب رقيق بزاف أو حتى فصدري
معمر الحبوب مكانو فيا
باش تنصحوني الله يجازكم بالخير

أم رفيدة سلام كيدايرة اختي
نظن الحبوب غي ديال العرق حنا هكا نسميوها خودي دوش يكون شوية بارد وشوفي
وطمنينا عليك وبلا بقا فيك يقدر تكون حساسية كليتي شي حاجة سيري للطبيب والله يجيب الشفاء من عندو

[oumdarda2]

مساء النور بنوتات كيف دايرين وكيف دوزتو نهاركم مدخلتش اليوم مع بنتي وصافي غير عدروني كيف ديرين البنيات والوليدت ديالنا واللي فالكريشات مهليين فيكم شوية ولا ولو ؟نتمنى كلكم تكونو بخير
سمحو ليا وليت مقصرة
ايوة لالة سهومة يسحابلينا صافي البيبي شرف ولكن بغا يدير فينا مادارت سسلمى ايوة سلمى كانت مكمشة من البرد وهو اش جالس تيدير فالصهودات هههههههههههههه تنضحك اختي الله يجيبو على خير وقت ما قدر ليه الله غادي يخرج ان شاء الله
دنيا ختي الوضوء مغاديش يفزك ليك شعرك بالماء هو الوضوء مسح الشعر ماشي تعمريه بالما حاولي تنفضي يديك مزيان من الما مزياااان ولا كيف قالت شيماء ديري درة ومسحي فوق منها وزوجك ينفض يديه مزياااااان القياس اللي ميدخلش ليه للجلدة دشعرو الديرماتو يمكن قصدو انكم متغسلوش شعركم يعني الجلدة اللي متقاسش بالما والله اعلم التيمم تيبقى حل اخييييير
ختي شيماء الله يهون على انوس سنينات راه متعبين ياختي كيتعبوهم ويتعبونا حتى حنا معاهم
ختي خديجة هي البيبي حشم وكمش رجيلاتو خليه بغا يدير لينا مفاجاة مزيان اختي اللي مروتي تفهمات الحمل ديالك ربي يتمم ليك بالخير
كوثر ختي ربي يشافي زوجك وغير صبري مع البنية دابا يتقاد ليها نعاسها غير شوية دالصبر وصافي
اسماء ختي الاسماء كتااار غير هو كيف قالو البنات ختاري شي اسم يكون سهل فالنطق على هاد القوم هنا راهم اي اسم تيعجبو بيه ربي يتمم عليك بالخير ان شاء الله

[أم شّهد]

زوزو زين ﻻباس الحمد لله كيبقيتي نتي وكيبقى لمومو ديالنا هههه واخا عليك داك نهار سولتك وماجاوبتينيش..
زيونات ﻻلة ليلى كيبقيتي الغزالة كيبقات امورة ديالنا ولكريشة ان شاء الله كلشي بخير

[أم شّهد]

سهام زيونات ربس يخليك الله يجازيك بخير هانا اختي صابرة ماعندي ماندير كلشي فايت والحمد لله كيدايرة سلومة وكيدايرة لكريشة مازال مابغاش يشرفنا الغزال ديالنا...
اسماء زين اشخبارك وخبار البطل ديالنا هههه الله يجيبو على خيير
خديييجه كيبقات مروة وكيدايرة حتى نتي لكرييشة بنتي كتسلم عليكم كاملين

[oumdarda2]

بسم الله نبدا برنامج الاكل ديال هاد الاسبوع
الاثنين
الفطور*فطرنا بالبان بالشكلاط /والحليب والشيكوري وانا حليب بالشكلاط خبز الدار وزبدة وعسل وفرماج .
الغدا *طاجين باللحم وجلبانة والقوق/شلاضة مطيشة وخس وخيار وفرماج ليمونطال مقطع مربعات/والسبانخ درتهم بحال البقولة مجاش فرق كبير بيناتهم /وعصيردالحامض وفواكه
العشاء*شوربة بالكرافس والقيمرون والشعرية الصينية وليبريك معمرين بالخضرة.دانون
الثلاتاء
فطور *المسمن/اتاي بالنعناع /الخبز والعسل والزبدة
الغدا*الحوت فالفران بالخضرة /زعلوك /وشلاضة مطيشة والبصلة والفلفلة الحارة /ماء غازي والديسير
العشا*كراتان بالمقرونية والبيشاميل وصدر الدجاج /شلاضة دالفواكة
الاربعاء
فطور*حرشة ديال الدرة والنافع/قهوة وحليب انا اتاي بالنعناع /خبز /كيري /كونفيتير
الغدا*دجاج محمر بالشومبينيون والزيتون والفريت /شلاضة دمطيشة والفلفة مشوية /شلاضة مطيشة وخيار وكورنيشو والدرة والبصلة/عصير الليمون والتفاح والبنان
العشا*سندوتشات ديال الطون والبصلة والجبن والزيتون /ودانون
الخميس
فطور*الخبز دالزرع ديال الدار /والزبدة بلدية سيفطاتها ليا امي /والعسل والقهوة والحليب واتاي بالنعناع
الغدا*دجاج معمر بالقزبر والمعدنوس والزيتون/شلاضة دالباربا/والزيتون مشرمل/الفريت/وديسيراللي كتب الله/عصير الفريز واللبن
العشا*
كيش بلاداند فيمي والكريم فريش وفرماج محكوك/شلاضة دمطيشة ومودزاريلا وزيت العودوالحبق /عصير دالليمون والفريز
الجمعة
فطور*الشهدة بالفرماج والنص غنعمرو ان شاء الله بالكونفتير /حرشة كنفرتتها ونخلطها بالزبدة بلدية /اتاي بالنعناع

الغدا* كنت نتمنى ندير كسكسو ولكن غير انا وزوجي متنعرفش ندير قياس 2 دالناس/بسطيلة بالحوت وصدر الدجاج /شلاضة دالجردة/اللبن /ديسير
العشا*حريرة /فلافل/التمر /البيض مصلوق
السبت
الفطور *مسمن داير /اتاي بالنعناع/قهوة وحليب /طوست وزبدة وعسل وفرماج ونوتيلا
الغدا *دجاج مشرمل ومحمر فالفران مرافق بالخضرة -**اللوبية مصلوقة ومشرملة وصوطي فالمقلة**/خيزو مشرمل حتى هو محمض والفريت/شلاضة خس وخيار ومطيشة/ماء غازي وديسير
العشا*السفة مدفونة/دانون
الاحد
الفطور *مادلين /بسكوي/بان شكلاط/بان بالزبيب /قهوة وحليب /حليب وشكلاط
الغدا*العدس /الحوت منوع مقلي/شلاضة مطيشة والبصلة والفلفلة حارة /تكتوكة دالفلفلة وديسير
العشا*قطبان داللحم مشووين والقلب والكبدة /الفريت وشلاضةالخس ومطيشة وفرماج ايمونطال /الديسيرشلاضة دالفواكه
ربي يدومها نعمة علينا وعليكم حبيباتي