تجمع حوامل ليبيا

غرام الغالي · 02-09-2011, 05:07 PM

الله ايعينك ياعاشقة الصحراء
لكن برضوا خليك لطيفة حتى في تنفيذ الحلول معاها
دائما باللين و الكلمة الحسنة و اشغليها بشىء
وجهيها تنشغل بحاجة ما.....مش عارفة شن بالزبط لين تتزوج و ربي يرزقها بولد الحلال

عاشقة الصحراء · 02-09-2011, 05:11 PM

ههههههههههههه تسلميلي حبيبتي رسمي القلوب عند بعض ... وبالفعل اللي صار معاك وصاير معاي شي مزعج جدا .. لكن انتي عالأقل قولي العزوز ..حاجة أهون من حاجة يعني متلا كان بتطلعي وبتمشي لصاحباتك مستحيل تقوللك بنمشي معاك نتعرف عليهم ...
اني بدت تعرف كل صاحباتي ومعاش مشيت لأنها حتمشي معاي والوحدة من الأخر تبي تحكي مع صاحباتها حاجات صعب تحكيهم قدامها والله انخنقت ... مرتين مشت معاي لأعز صاحبة عندي تعرفي ننوض للمطبخ معاها باش نحصلوا شويا تهدريز بروحنا .. وتوا غدوة يمكن تجيني صاحبتي بسيارتها باش نطلعوا مع بعض من توا دخلت روحها في الموضوع وتستنى .. مع ان لا تعرفها ولا عمرها شافتها ... وعععععععععععععععععععععع تعرفي بنهبل ..

أم أجنادين 80 · 02-09-2011, 05:15 PM

مساء الخير

شن اخباركم يابنات

عاشقة الصحراء · 02-09-2011, 05:15 PM

تسلميلي ياغرام ... انشالله خير وخلاص .. مشكلتي خايفة تفلت أعصابي لأني مش من النوع اللي يساير هلبا ... ربك يستر ..
تعرفي حتى راجلي طلع ملاحظ الموضوع مع ان عمري ماشكيتله ولا قلتله ولا كلمة لكن مرة تعارك معاها وعيط عليها وقاللها خليك في حالك لأنك حتخربيلي بيتي كان بتقعدي هكي .. اني انصدمت ..
لكن ماقلت له شي ولا علقت عالموضوع نهائيا وأصلا لحسن حظي صارت العركة واني مش موجودة وسلفتي هي اللي حكتلي ...

عاشقة الصحراء · 02-09-2011, 05:17 PM

هلا بيك ياحكومة .. مساء الأنوار
شرفتينا ياحبيبتي

عاشقة الصحراء · 02-09-2011, 05:27 PM

ويييييييييييييييييينكم طلعتو ؟؟؟
عموما توا بعد شويا بنطلع حتى اني لأن الدوام خلص وأخيرا بنروح للحوش الدافي ...
تعرفوا خاطري في عصيدة والله الجو يبي حاجة زي هذي اممممممممممممممممممممم ..
سلام ياغرام ... سلام حبي أم قصي ... سلام حكومة
بااااااااااااااااااااااااااي نتلاقو غدوة

غرام الغالي · 02-09-2011, 05:38 PM

حكومة
شخبارك و انت من اين في ليبيا

أم أجنادين 80 · 02-09-2011, 05:59 PM

انا من الزاوية وانت

طرابلسيه · 02-09-2011, 06:01 PM

غرام حتى اني عندي التهابات :(
تعرفوا ماشيه بنفتح ملف في الخضرا امشي الدكتوره قالتلي ماداما بتفتحي عندنا ملف معناها ضروري اديري تحاليل عندنا ومن ضمنها تحليل البول-أكرمكم الله -مع اني درته في حوالي الشهر الثالث او الرابع بس الحمد لله كنت سليمه هداكا الوقت،المهم درت التحليل وجبتلها النتيجه،نشبح في الدكتوره وجهها تغير قالتلي معقوله ماتحسيش في وجع؟طلع عندي التهاب حاد:( ربي مايكتبهولكم..يتبع..

أم أجنادين 80 · 02-09-2011, 06:01 PM

صحتين عاشقة الصحراء

احسن شي ياعاشقة انك تسكتي وتصبري

وتخلي راجلك هوا يكلم امه

معليش ادخلت في الموضوع