ديوانية حوامل البحرين

[أم حماني]

هههههههههههههههههههههه ,,,,, خلي احد يشتري لج لا يطلع في البيبي

[أم حماني]

انا بدخل بعدين ...

[أم زهـور]

الصبار مو أوانة الحين اهئ اهئ اهئ اهئ

[أم زهـور]

أوكي حبيبتي الله وياج ..

[حروف عاشقة]

سلام عليكم كلكم أول شي ابارك لكم بالشهر الفضيل الله يعودنا عليه بالخير واليمن والبركااات

وقبلااااتي الحارة لخيوتي أم حماني وخيوتي حنين لانهم ما نسوني واني بعد ما نسيتهم بس قاسيت خلال هل الفترة إلي راحت احسها طلعت من روحي ..

مو اني قلت لكم اني طحت على بطني بس طمنوني انه كل شي تمام وصار موعدي في العيادة ورحت في أول يوم شهر رمضان وطمنتني بعد الدكتورة وسألتها ادا اقدر اصوم او لا قالت عادي تصمومين المهم ما بطول عليكم رديت البيت وبدخل اسبح وارد اطيح بس هذه المره الطيحة جايدة حسيت جسمي كامل تكسر فما بالكم البيبيات بس ما رحت المستشفى دايركت لاني كلش ما اقدر اتحرك وزوجي مسكين تعب معاي عشان يوديني بس اني ما رضيت لانه اي احد يلمسني اقعد اصيح من الألم وامي خافت علي وطرشوا لي جدتي تعرف تمرخ وادلك الحامل مسكينة ما قصرت جت لي البيت ودلكتني عشان يخف علي الالم بس مثل الشي هذه الليلة كلش حسيت ظهري انكسر ويه ريولي ويااااني الليل على ونيني وصادني وسواس انه اليهال فيهم شي لا سمح الله لانه كلش ما فيه حركة قلت اكيد ماتووو بعيد الشر عنهم لصبح واني قاعده اوسوس اعوذ بالله من الشيطان بعدين قعدت زوجي وقلت له يوديني المستشفى من زود الخوف واني كلش ما اقدر امشي من الألم والثقل والخوف ولما شافوني جدي تعاطفوا وياي كل استاف التمريض والدكتور وكشف علي وقال عندش رضوض بليغة يعني اشد من الكسر بس عطاني مسكنات حقها وطلع معااااي إلتهاب حاد وقال برقدني بس قلت له اني صايمة ليقول من جدي معاش إلتهاب فقال لي لا تصومين لانه مو زين حقي لصيام وسوو لي تخطيط وأترساوند والحمد الله البيبيات تمام ويتحركون وراواني اياهم الدكتور الله يجزيه الخير طمني وراواني نبضات قلبهم عشان اطمن انه ما فيهم شي الحمد الله ،، والمفاجاة انه طلع واحد منهم صبي والثاني بنية يعني مو بنات ثنتين هني معني كنت اتألم قمت اضحك اقول شلون انقلب من بنت لصبي :) الحمد الله نعمة .. وعشان يخوفني الدكتور ويبيني احاسب اكثر يقول لي هذه طيحتين في سبوع بعد ادا طحتي مره ثانية سيدة بولدش p: ...

بعد مو بيدي ما اشوف روحي إلا بالأرض من زود الثقل ،، يالله الحمد الله على كل حال ،، ادري طولت عليكم بالهدرة بس ويش اسوي اليوم شفت روحي اشوه واقدر اتحرك قلت ادخل عندكم وافضفض ..

[الفتاة الذهبية]

ما تشوفين شر يالغالية
بس عاد حاسبي ترى مب كل مرة تسلم الجره
الله يحفظهم لج والي ايي من الله حياه الله

[أم حماني]

امبيه حروف عاشقه .... شالسالفه ؟؟؟؟ اسم الله عليج ... والله مو عارفه شقول ... سلامتج اختي ,,, وياريت تقرين على نفسج المعوذات ... لاحول ولا قوة الا بالله
انا من اختفيتي قلت الله يستر ... بس الحمدلله ... الله قدر ولطف .. اهم شي البيبيات مافيهم شي .. و وناسه طلع بنت و ولد ... الله يخليهم لج ولابوهم ان شاء الله وانتي خلي بالج اكثر والله يحفظج

[أم زهـور]

يا قلبي ما اتشوفين شر يالغالية
عن جد ضجرتيني عليج

تحملي بنفسج زين ولا تتحركين ولا اتسوين اي شي في البيت اهم شي صحتج وصحة البيبيات
حاولي يومياً تقرين عليج المعوذتين وآية الكرسي ودعاء الحفظ

الحمدلله على سلامتكم ،، وما اتشوفون شر ان شاء الله

الله يثبت حملج ويتمم لج على خير واتشوفين بيبياتج في حضنج بكامل صحتهم وعافيتهم ان شاء الله

[أم حماني]

تصبحون على خير

[دنيتى غريبه]

سلام عليكم كل عام وانتم بالف خير رمضان كريم ينعاد عليكم

دعونا نسترجع ماضي طفولتنا الجميل لنقلب دفتر ذكرياتنا

http://forum.hwaml.com/t25580.html