دردشة بنات العراق, دردشة حوامل العراق , تجمع بنات العراق

بدور السماء · 12-03-2012, 12:30 AM

ليش انت هم داخلة من الحاسبة؟
اخاف الوندوز مالها قديم يعني يرادلها فرمتة
لان انا هم جنت هيج ومن فرمتتها يالله كمت اكدر ارسل رسالة خاصة

بدور السماء · 12-03-2012, 12:33 AM

ياعيني على العطف شوفو وتعلمو لازم احنا نبقى نرزل
هههههههههههههه
هسة باجر الكاهم كلوحدة لازمتلعا توثية وواكفة تنتظرني

اكول انا باجر ما اكدر افوت للتجمع لان راح....راح....راح...راح

ولج شموس ساعديني شتحججلهم دا افلت

بدور السماء · 12-03-2012, 12:36 AM

لج لا بس ادوسين على اسمي راح تطلعلج خيارات وتروحين على ارسال رسالة خاصة لبدور وتطلعلج الصفحة وبيها حقل لازم ادخلين العنوان وتكتبين الرسالة وادزيها

بدور السماء · 12-03-2012, 12:38 AM

ولج مراوي ام ليوثي ولج والله منتبهت على حبيب قلبي ليوث لج حبي الله يحمي للكمر الحلو ماشالله
اللهم صل على محمد
ربي يحمي ويحرسة من كل شر هو واهله
اللهم امين

بدور السماء · 12-03-2012, 12:51 AM

هههههههههه
مو اكول ليش عيني انفقست لعد هاي انت شبعتيها تفقس
ولج خاف هذولة اوباما وبوش سمعوني كلت عينت نفسي مسؤول وباكو هوة عبالهم على العراق
هههههههههه
يمعودين على التجمع وحتى هاي اتنازلت عنها صدك جذب اكو احد يتجرا يتشاقة هيج شقى
هههههه

بدور السماء · 12-03-2012, 12:54 AM

ولج هاي شمدريج انا اريد اروح للسوك
انا ماصدك اجي يم اهلي حتى اكوم افرفر بالسواكة
هههههههههه
باجر صدك اختي راح تاخذني وياهة للسوك
تعرفين من نشوف الجيب بي ضغط لازم نحاول نخفف الضغط هم ميصير نعوفة يعاني
هههههههههه

بدور السماء · 12-03-2012, 12:57 AM

يالله حب حب انا ترخص لان اريد اروح انام طغيت من الابي

تصبحين على خير قلبوش ومادام تبرعت ماريد باجر افوت والكة التجمع هوسة
ههههههههه
احلام سعيدة عويناتي

المغتربه المتفائله · 12-03-2012, 06:21 AM

مراوووي ام نور
عاشت الاسامي نوووور وعلى طول الاسمه نور تطلع حلووه ههههههههههه هاي اشوفه بعائلتنه وما اعرف تنطبق على الكل او لا
اوووووي فدوه للبنات الله يحميه الج وتجي بالسلامه
امووت على البنات وسوالفهم اني اول فتره حملي
قنعت نفسي اني حامل ببنيه وحضرت اسم اله ومن البدايه دورتله على عريس
هههههههههه وبعدين عرفت ولد الحمد والشكر لله
زوجي كلشش فرح من عرف ولد
هوه يحب البنات بس جانت امنيته الولد
الله يحفضه اليه ياررب ويبلغني شوفته بصحه وسلامه

بشارة · 12-03-2012, 10:20 AM

اقتباس:

المشاركة الأصلية كتبت بواسطة المغتربه المتفائله

مراوووي ام نور
عاشت الاسامي نوووور وعلى طول الاسمه نور تطلع حلووه ههههههههههه هاي اشوفه بعائلتنه وما اعرف تنطبق على الكل او لا
اوووووي فدوه للبنات الله يحميه الج وتجي بالسلامه
امووت على البنات وسوالفهم اني اول فتره حملي
قنعت نفسي اني حامل ببنيه وحضرت اسم اله ومن البدايه دورتله على عريس
هههههههههه وبعدين عرفت ولد الحمد والشكر لله
زوجي كلشش فرح من عرف ولد
هوه يحب البنات بس جانت امنيته الولد
الله يحفضه اليه ياررب ويبلغني شوفته بصحه وسلامه

صباح الورد ياوردة ...تسلمين الله يسلمج ان شاء الله ويسلم عبوسي ويجي وزنه اربع كيلوات ووجهه كمر وصحته عال العال وبأحسن حال

اني اول ماتزوجت شفت بالمنام جبت بنيه واسمها نور ..ومو اني اختاريت الاسم همه كالولي هاي بنتج واسمها نور... فكلهم كالولي لازم ان شاء الله بالمستقبل اذا جتج بنوته اتسميها نور ... وسبحان الله اول طفل الي بنوته ... يارب فرحني بيها واحميها اوووووووي اشتهيت بوسه من خدودها يارب تجي طالعه عليه ههههههههه حتى كلهم يكولون تشبهه امها ههههههههه
شلون تحييز

المغتربه المتفائله · 12-03-2012, 06:22 AM

مراوووي ام ليوثي
حيييييياتي الله يحمي شنو هالقمرر هاذه
فدووووه منور التجمع بصوررته الحلوه
الله يحمي ويحفضه الج ياررب ويوم التشوفي عريس

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM