حبيباتى سيدات ليبيا تفضلو لأعرف ما حالكم

[أم أجنادين 80]

المشاركة الأصلية كتبت بواسطة *ام فراس*

الله لايوريكم باس كل اخواتي الغالياااات اللي يطمنو ع ماما
الحمدلله حالها افضــل ..


ماما ثأترت لاني خوي عدا ف وسط المشكله ولبس لبس الصاعقة عنده من ايامات ماكان مع الثوار في جبهة راس لانوف..



هي ماما فرحت ان بعد الثورة ربي نجاااه ويعلم الله شن دارت من اعمال خيرة في سبة هالشئ وكانت اغلبها بالسر نا بس نعلم



ومنها حتي خويا رد للقراية وخش قرا اول سنة جامعة وجابها من الاوائل وقعد قرايته واصحابه و المسجد وهكي يعني


تعلق بالدين أكثــر والتزم باللباس حتي والازار والشئ هذا زاد اكثر


طبعا للاسف ان من يسمون نفسهم انصار الشريعه صارو ينتشروا بشوي اشوي ف بنغازي



وطبعآ ديما ينابشوا ف السلفية .. لدرجة انهم اتصلوا بالشيخ اليمني لي مرة جا يحاضر اسبوع ف بنغازي

واعطاهم فتوة عليهم ..





طبعآ انصار الجريمة يتبعوا فكر اسامة بن لادن وعندهم ان الجيش والشرطه استغفر الله مرتدين وكفره


ويجوز قتلهم


واعتقد ان الضباط الاشراف والاحرار انهم هم لي يغتالو ويفجروا فيهم ف بنغازي والله اعلم




المشكله ان بنغازي كلها ماتبيهم


حسبي الله ونعم الوكيل فيهم






وهذه قصة ماما مع خويا..


وهي من كثر البكاء والثأتر ايامات الثورة وبعده عليها ف الجبهه بدون معرفة اخباره نهائيا
وكذلك نا وحبسي ف مصراته مدة شهرين دون اتصالات زادن ماما بكل

حتي انها معش تقدر اتحق بعينها اليسار

الحمد لله علي سلامة الوالدة
ربي يهديهم مش هكي الاسلام هدا تطرف
فعلا عندهم فكر اسامة بن لادن
متمسكين بيه
قبل كانوا ما يقدروا يتنفسوا في عهد الطاغية
ياريت الحكومة أدير حل سريع وتسيطر علي الأمور
قبل ما تفلت من أيدها ومعاد تقدر أدير اي شي

دخلت حتي نطمئن علي الوالدة
لما نفضي نرجع نحكيلكم شن شريت
من التخفيضات

[dr.loly]

اليوم غسلت م دوره
ودرت حمام منعش منعنش هههه

فرصه بم ان السنافر راااقدين

خصيصا الانسة زحووفه

[ميمي 17]

http://forum.hwaml.com/t279284.html

[dr.loly]

بنات في ارض بيشريها زوجي ف اجدابيا

انتمنى ربي يسخرلنا امورها وتتم

هو راتبه ينزل ف اجدابيا نقصد الراتب الاساسي طبعا مش كامل يعني


بم انه مسيب توكيل لخوه يسحب عنه بيدفع نصف مبلغهاااا والنصف الاخر ع لي مانزلن والتم


وهكي..





بجد انتمنى يصير منها ومايصيرنش مشاكل



هي ب 30 الف وتسوي اكثر


طبعآ بيشريها من خوووه عنده اراضي واجدات يتاجر فيهن






اول ماقالي ان شاء الله صاير منها

قعد بيت الاحلام يرفرف قدام عيوني خخخ



وع طول قعدت نحلم وانخطط قالي وين مشي بيك التفكير ههه



غل يصير منها بأول







طبعآ سلفي لي اصغر من زوجي ب 3 سنين عرض ان يشري شقتنا لي ماقعدتش فيها الا شهر ههه


مازلنا ما استمتعنا بها جديدة سيبناها




قالحيل انفكر نبيعها لان خدمتي زي ما انت عارفه بعيدة

ولازم هلي يقعدو قرااب من هلي اقل شئ لين يكبر فراس


هو نحن مفكرين ان ن


بدوا نبنوا فيها بشوي اشوي
هو نحن مفكرين ان ن



وهكدا منها تجي حاجة ع رواق ومش بالزر


ومنها زوجي يحط الفلوس ف حاجة مفيدة

في هالفترة نقصد راتبه


لان بصراحه زوجي لي في جيبه مش له .. واانا كنت اشر منه بس بعد جبت وبعد بدن مخططات البني في الافق قعدت نحسب ف بعض الاشياء


بس متأكده لو صار من هالارض .. بعد انروحو ان شاء اللله مل ح يبقي يحافظ و يحط ف البني

بدل ما يمشن هكي وهكي ..





انا توجع فيا مرات من هله الحق بصراحه صبا معاهم واااجد

بس مش عارفه شن نظرتهم لنا يقولو راتبه قوووي ومراته دكتورة

بس هو حتى التي يجبر الخاطر


اه نذكر ايامات تحويلتنا وتعبنا قبل مانسافرو

وهذا كله سمعت ملامات من سلفتي اني كيف ما صبيتش معاهم ف فرح بنت بنتهم


هو نا كان ظهري طايح في النقل لللشقه وزوجي متكسر ع الاخر من الاشراف ع البني وتعبه والتكركير متاع العمال والبحث عن اجمل واجود السيراميك وجو هدا


ماقدروش بكل ودارونا قصرنا .. ولاحول وقوة الا بالله

فشة خلق وقلتها لكن

[اوشي]

السلام عليكم ورحمة الله وبركاته

[اوشي]

كيف حالكم توة واخباركم ياعسولات

[اوشي]

فروسة .. ياناري علي قلب الام لما تعرف ان ولدها قاعد في خطر

قلبها الحنون امك سببلها صعف في عينها

ربي مايغيبكم عليها ولاتنشغل من بعادكم

[اوشي]

وصحة صحة الحمام ..

اكيد طبعا زطتي في المعطرات وانتعشتي هههههههه


خطرتي علي ايام وانا في الداخلي هنا ايامات وانا نقرا في البيضاء

طبعا لان الداخلي زحمة والحمامات دايرين 6 حمامات كبار كل حمام فيه تقريبا 6 مقاعد حشاكن

و3 دش فلازم تكون زحمة

في الاول كنت انتعقد ويمشي وقتي وانا نستنى في دوري

بعدها اتخذت قرار ان حمامي يكون قبل القجر بشوية

فتميت كل يوم حمام منعش وامية ساخنة اتهبل وماحد يزاحم فيك وطبعا ناخذ معاي في الكيس

فيه ادبشي وجميع معطراتي وزمان كان طالع بانتين جديد كانت ريحته اتجيبك امنين

وتمن البنات لما يوعن في الصبح ايشمن بنة الممر فايحة روائح جميلة

بعدها عرفني وحفظن روائحي وحتى دبشي من كثر الحمامات



اه يا ايام الداخلي الحلوة

[dr.loly]

المشاركة الأصلية كتبت بواسطة اوشي

وصحة صحة الحمام ..

اكيد طبعا زطتي في المعطرات وانتعشتي هههههههه


خطرتي علي ايام وانا في الداخلي هنا ايامات وانا نقرا في البيضاء

طبعا لان الداخلي زحمة والحمامات دايرين 6 حمامات كبار كل حمام فيه تقريبا 6 مقاعد حشاكن

و3 دش فلازم تكون زحمة

في الاول كنت انتعقد ويمشي وقتي وانا نستنى في دوري

بعدها اتخذت قرار ان حمامي يكون قبل القجر بشوية

فتميت كل يوم حمام منعش وامية ساخنة اتهبل وماحد يزاحم فيك وطبعا ناخذ معاي في الكيس

فيه ادبشي وجميع معطراتي وزمان كان طالع بانتين جديد كانت ريحته اتجيبك امنين

وتمن البنات لما يوعن في الصبح ايشمن بنة الممر فايحة روائح جميلة

بعدها عرفني وحفظن روائحي وحتى دبشي من كثر الحمامات



اه يا ايام الداخلي الحلوة

هههه اوشي بنة حمام ودوشك زمان وصلتني لهنا ف نيوكاسل خخ

الله ع ايام البانتين القديم

له نكهه خاصه كاين





في اي داخلي قريتي؟؟؟

[اوشي]

جيجي اطمني اكيد حايكون كل شيء جميل ومميز

ربي يوفقك

اثورة ان شاء الله يعوض ربي قريب في مخططات ارووووع ههههه