تجمع حوامل المدينة المنورة

[ملكة المشاعر]

يا حريم ابغا استعمل حبوب منع الحمل بس ما ابغها تنشف حليبي عشان انا رضع وتوي مخلصه الاربعين وابغا حبوب كويسه ومضمونه

[ام عبودي 615]

اهلييين حوامل.. رحت لتوب تن زحممممه على ايش ماادري والله مايسوى احلى شي عنده لبس البنات (جنزات ..تي شيرتات ..بجامات) اما الاولاد مافي الا البجامات والنسائي البجامات بس موللحوامل.. طلعت الدور الثاني علشان ابي صندل اونعال للحمل لقيتهم وع موحلويين..ومريت هاي تن تعرفونه انا اول مره ادخله واحلى من التوب تن اخذت منه 7 قطع حلوه فيه موديلات زي الشيال يعني قطعه وحده اخذت مقاس كبير والقمصان القصيره قطنيه وحلوه(نعوووومه)وكل شي بعشره وعندهم شنط كبيره شوي تصلح للمواليد حلللللوه والأحلى مافي زحمه

[درة المدينة****]

مبروك لجميع الي ولدوا والله يسهل علي والباقين انشاء الله وانا اذاولدت بالاحمدي بعطيكم التجربة انشاء الله لاني اراجع عند فوزية

[مدام الهام]

السلام عليكم بنات التجمع كيفكم ياحلوين انا خلصت التاسع ولية تلاتة ايام في العاشر وقالتلي الطبيبة لازم لازم تدخلي المستشفى تحت المتابعة والتخطيط مو كويس تستني اكتر من كدا بس انا رفضت ما حب الابر والتخطيط وكمانة اخاف يدوني طلق صناعي ما ابغى اجلس تحت رحمتهم ربي انشاءاللة يرحمني وانا ابدا مو حاسة باي اعراض ولادة وما ادري استنى او اشيك على نفسي يوميا بنات قولولي انتو كم اخدتو من التاسع او عديتو شهركم واستنيتو الولادة لمن تجيكم انا بحملي السابق ولدي ولدتو في التامن وبنتي في نص التاسع بس هادا مدري لية طولت -----------

[رشة عطر]

المشاركة الأصلية كتبت بواسطة مدام الهام

السلام عليكم بنات التجمع كيفكم ياحلوين انا خلصت التاسع ولية تلاتة ايام في العاشر وقالتلي الطبيبة لازم لازم تدخلي المستشفى تحت المتابعة والتخطيط مو كويس تستني اكتر من كدا بس انا رفضت ما حب الابر والتخطيط وكمانة اخاف يدوني طلق صناعي ما ابغى اجلس تحت رحمتهم ربي انشاءاللة يرحمني وانا ابدا مو حاسة باي اعراض ولادة وما ادري استنى او اشيك على نفسي يوميا بنات قولولي انتو كم اخدتو من التاسع او عديتو شهركم واستنيتو الولادة لمن تجيكم انا بحملي السابق ولدي ولدتو في التامن وبنتي في نص التاسع بس هادا مدري لية طولت -----------

مدام الهام الله يسهل عليك انا مثلك بثاني حمل لي دخلت العاشر بأسبوعين بس مارحت لهم ولا تنومت وسبحان الله جتني الولادة وتوكلت على الله ورحت بدون طلق صناعي والحمد لله ربي يسر لي ولادتي وكانت مافيه اسهل منها
اللي اسمعه من جداتنا وامهاتنا انو مافيه وحده تدخل العاشر يقولون اخطاء بحساب الحمل ولا مافيه جنين يجلس ببطن امه 10 شهور
وان شاء الله نسمع هاليومين خبر ولادتك والله يسهلك

[مدام الهام]

توتي فروتي الحمداللة على سلامتك ويتربى بعزك ا لمولود وشكرا لذكر تجربتك وماجورة ان شاءاللة\ \ دلع\ واللة حتى انا مادري لية كدا خايفة ونفسي بعملية كاني اول مرة اولد اللة يربط على قلوبنا ويسهل علينا \ملكة المشاعر \ روحي للطبيبة نساء وخليها تكتبلك على حبوب منع تناسبك وتناسب الرضاعة انا كنت اخد حبوب اسمها ميكروليت على مااعتقد ازا ماكان اسمها غلط لانو من زمان اخدتها مرة كانت كويسة تناسب الرضاعة بس انتي لازم تشوفي طبيبة تكتبها لكي افضل مننا \ام عبودي \ شكرا لمعلوماتك بس هاي تن حلو يستاهل نروحلة يعني في ملابس بيت قطنيات حلوة والا قديمة

[رشة عطر]

ياربي تصدقون اني خايفة
مين بعد مدام الهام بالولادة
<<< انا صح

[Ro0o0o0z]

اهليييين با الكروشااات

ملكة المشاعر حبيبتي ركبي لوللب اضمن من الحبوب انا عمري ما اعرف الحبوب ولا افكر اخدها تسبب هبوط وغير كداه في انواع تسبب الله يحميكم المرض الخبيث انا احب اللولب وربي مضمون بس اهم شي تروحي لو حده تركبه كويس مو اي كلام وكل شهر تكشفي عليه
ام عبووودي انا ما رحت توب تن من الزحمه بي دخلت هاي تن وربي روعه عندو اشياء حلوووه والشنط للبيبي وملابس قطنيه انا حبيته
درة المدينه الله يقومك با السلامه لا تنسي تقوليلنا تجربتك مع الاحمدي والله يسهل عليكي يارب
الهام يا قلبي اشربي الخروع مع البرتقال او مع الحليب وامشي بعدها لا تسيبيهم يلعبو فيكي وتتعذابي امشي حبيبتي بعد ما تشربي وانشاء الله تولدي في اليومين دي والله يسهلك ويقومك با السلامه انتي والبيبي
ملاك من بشر الله يسهلك ويتمم حملك وتشوفي البيبي بخير
توتي فروتي يسلموو حبيبتي بس خساره نفسي في الاحمدي قريب مني وفي نفس الوقت عشان الدكتوره فوزيه يمدحو فيها وغير كداه كنت ابغي زوجي وامي يدخلو معاي غرفة المخاض وكشك الولاده اخاف لوحدي الله يسهل للجميع يا رب

[مدام الهام]

ملاك بين البشر مرحبا بيكي بالتجمع منورة وربنا يسهلك ويسهلنا ان شاءاللة تستفيدي من التجمع واي سؤال انا والبنات حاضريين ------ رشة عطر كيفك حبيبتي يعني برايك اجلس واستنى يجيني الطلق من وحدوة ما في خطر عاالجنين لان الدكتورة خوفتني مرة وادعيلي اليوم يوم جمعة يمكن توافق ساعة اجابة يارب تسهلي الولادة وجميع بنات التجمع يارب

[مدام الهام]

\رشة عطر \ الضاهر راح تولدي قبلي وكل بنات التجمع راح يولدو قبلي خخخخخخخخخخخخخخخخخ ---\Rooooooz\ ياقلبي انا ماقدر اشرب زيت الخروع اخاف وكمان ماستسيغ اشرب زيت مو بيدي - وبعدين حبيبتي مو صح انو مايدخلو معاك احد في الاحمدي واللة لو تبغي تدخلي العيلة كلها مراح يقولو شي انا صحبتي تقول اثناء مهي تولد دخلت الممرضة ابنها الصغير وخلتو يبوسها وقالتلة ادعيلها اشتبغي اكتر من كدا انتي اسالي الدكتور ة وشوفي وبعدين يبغو بعد فترة يغيرو موقع المستشفى يبغو واحد اكبر من كدا لانو صغير وزحمة مررررةة بس خسارة لانو حتى انا قريب من اهلي ---بنات اليوم يوم جمعة لاتنسو ساعة الاجابة دعولي معاكم اللة لايوريكم صاير شحاتة دعا ماخليت احد ماقلتة ادعيلي حتى بالفلوس هههههه وطفشت شغالتي وشغالة اهلي وكل ماقبلت احد زوجي يقولي حتى عامل النضافة خلية يدعيلك قلتلة واللة يمكن ربي يستجبلة احسن منك شكلك ماتدعيلي قلي كمان بالغصب ادعيلك لاتسويلي قصة وزعل