هنا تجمع حوامل الشهر (الاول والثاني والثالث)

[أم اجوان]

أم حماد والله ياقلبي كلكم تستاهلون كافي واكثر بعد
نفسي اعزمكم كلكم عندي بالبيت واضيفكم احلا ضيافه

شوفي قلبي انا بحملي هذا جاني الوحم اقوى شي وما كنت ارتاح الا لما استفرغ
ولما قلت للدكتوره كتبت لي على محلول يشبه المغذي شبكته في يدي وجلس حوالي 10 دقايق
وبعدها ابره في العضل وارتحت بعدها اكثر من اسبوع
غير انها كتبت لي حبوب الغثيان نافيدوكسين مرتين في اليوم قبل الاكل بربع ساعه
وتراها تخفف مره الغثيان والاحساس باللوعه
كمان قالت لي وزعي وجباتك بدل ماتكون 3 وجبات في اليوم خليها 6 وجبات خفيفه
وانا عن نفسي كنت اكل بس اقوم وانا ماشبعت لأني لو اشبع على طول غثيان فضيع
مهم جداً انك تفطري سوي لك توست باللبنه وكوب حليب او بيضه مسلوقه او على الاقل لبن زبادي
وضروووووري تفتحي لك ملف متابعه ماراح تخسري شي بالعكس تكوني منتبه لحالك اكثر
وان شاء الله بس يعدي الشهر الثالث تعدي كل لحالات هذي

نسيت اقولك انا كنت اشرب حليب السعوديه بارد بعد الوجبات وكان يخفف عليه كثير
مع اني سبحان الله ماكنت احبه من قبل
بس ايش اسوي احاول قد ما اقدر اني ابعد عن المشروبات الغازيه
كمان الله لايوريك اتوحمت على المويه ما اقدر اشربها
طولت عليك بس اتمنى اكون افدتك

[ام حماد]

ماقصرتي ام اجوان يالغاليه
الله يحفظ لك اولادك ويرزقك البنوته الحلوه يارب
والله يخفف عني وعنك يارب
اشرب حليب مع اني بصغري ماشربته كنت اكرهه بقوه عشان كذا جاء نموي ضعيف ههههه بس الحاجه الحين اجبرتني
واكلي جدا خفيف ما اكثر اصلا من اول لقمتين احس اني مره شبعت وعلى طول غثيان
ان شاءالله بفتح لي ملف هالاسبوع وبقول للدكتوره كل مشاكلي وعساها تصرف لي مثل الحبوب اللي ذكرتيها حابه ارتاح من اللوعه وآكل زي الناس يارب لك الحمد

[زهور من نور]

صباااااااااااح الخير

[حـلآ الـروح]

صبآح الخير كيفكم ؟؟

[زهور من نور]

الحمد لله , الله يعين مع هالغثيان من الصبح

انتي اخبار الوحام وقف ولابعده؟

[حـلآ الـروح]

انا خف والحمد الله
بس اليوم قمت الم في اسفل بطني يعورني

والله اني خآيفه

[زهور من نور]

مافي الا الخير ان شاء الله
بس ارتاحي

[حـلآ الـروح]

ومآرحت موعدي عشآن بطآقة التآميين الزفت
مآطلعت للحين

[زهور من نور]

الله يعينك
وين متابعتك في اي مستشفى ؟
انا بكره عندي موعد وان شاء الله خير

[صفاء الروح]

صباح الخير حبوبات

انا جديده وياكم توني الاسبوع السادس

بس امس و اليوم ألم مو طبيعي في اسفل ظهري جهه اليسار فقط

و خايفه من الالم لانه فظيع و ما اقدر اتحمله كلش و ما اقدر اتحرك

ادعوا لي بنات