التجمع الاول للمتاخرات بالانجاب بعد الطفل الاول

[رمادا]

سلام
لا والله ما نمت كنت اتابع المباراه.
لا ميرا صاحيه بس بتلعب مع حالها شوي وانا وابوها بنلعبها شوي

[رمادا]

ايطاليا فازات

[Babysugar]

صباح الخير حلوات واهلين بكل اصبايا الجدد .. ربي يكرمكن بالحمل السليم عن قريب يارب

ام غالب .. تسلمي ياقلبي ع سؤالك بس والله صايرة كتير مشغولة مع البنوتات الله يحميهن .. غير شغل البيت بس الله لا يحرمنا الاجر .. ويخليلك ابراهيم يارب ...

اميرتي .. الله يعينو اوس عالسن بتعرفي عم فكر بلانا بكرة بس تبدا تطلع اسنانها .. الله يعين هالصغار شو بيتعبو لما بتطلع اسنانهم ...

بقية الصبايا ... اسعد الله يومكن بكل خير ...

[Babysugar]

ووووووووررررررررررررررردتي وينك ... اشتقتلك :(

[وردة حلب]

السلام عليكم يا بنات

تسلمولي يارب ...الله لايحرمني من سؤالكم عني

اشتقتلكم كتييييييييير ...أد البحر وسمكاته ...وأد الشجر وورقاته <<<<<شاعرة على غفلة ههههههه

والله ما منعني عنكم الا الشديد القوي

حالة نفسية تعبانة وقلق ...وفوقها ضيوف بالاجازة ماعم يخلصو
والله مقهورة منهم ...فاضيين للسفر والاجازات واهلنا بسوريا كل يوم في عندهم شهداء ومعتقلين ومشردين
وحسبنا الله ونعم الوةكيل
والله مالي نفس لشي ...ومضطرة أجامل ولا حول ولاقوة الا بالله
تخيلو يا بنات من يومين استشهد واحد من الجيش الحر في بيت جدي ...كان عم يهرب على أسطحة البيوت
وصوبو عليه وقع من سطح البيت على أرض الدار واستشهد الله يرجمه ويتقبله
طبعا للتوضيح
بيت جدي بمدينة صغيرة قريبة من حلب والبيت عربي متل يلي بتشوفوه بباب الحارة
والجيش الحر كانو عم يهربو من فوق الاسطح والضرب شغال عليهم وحسبنا الله ونعم الوكيل

انا واولادي بخير والحمدلله ...ويرب تكونو كلكم بخير
قرب رمضان يارب يبلغنا الشهر الكريم وكلنا بصحة وعافية
ويكون عيد سوريا عيدين بهلاك الطاغية والنصر يااااااااااارب

قبلاتي لكم كلكم ولاولادكم الحلوين
ولا تنسونا من الدعاء

أحبكم في الله

[رمادا]

السلام عليكم
كيف الحلوين؟
وردة حلب الله يتقبل شهادائكم و ان شاءالله تهدى الامور ويروق الحال قبل رمضان قادر ياكريم

[Babysugar]

ووووووووووووردددتي الحمدلله انك بخير والالاد بخير .. وقصة الضيوف قصة انا بستغرب منن كتير مين الو قلب يطلع او يحضر سهرات وشاليهات ؟؟؟ عن جد عجيبة من فترة اتصلو جماعة فينا قال منشان نشاركهم باستئجار شاليه عالبحر يعني كل احد بيدفع حصة !!! قال منشان يغيرو جو و ينبسطو انا بصريح العبارة اعتذرت منها بانو اولا بنتي صغيرة بعدين مالي قلب افرح وغير جو واهلنا بسوريا عم يدوقو اشكال الرعب والخوف غير الموت فالله المستعان ... قلتلها كمان لو نجمع هالمبلغ تبع الشاليه ونتبرع فيه لسوريا قامت ردت وقالتالي مووو مقصررين :s

شكرتها عالاتصال وقلت ياله مالنا غيرك يالله ...


الله يرحم هالجندي و يجعلو بالجنة يارب ويحمي بيت جدك و كل سوريا يارب ...وان شالله قربت نهاية الطاغية ... يمهل ولا يهمل ...

[وردة حلب]

رمادا ...أمين يارب يستجاب لدعائك تسلمي حبيبتي

بيبي شوقر ...فعلا يا قلبي مو معقولين هالناس ...مشاوير واسواق وضحك كانه مافي شي
واذا كلمتيهم عن الثورة ممكن يفكرو فيها دقيقتين ويرجعو للضحك والكلام الفاضي وحسبنا الله ونعم الوكيل
نحن والله مفكرين نروح عمرة نعملها عن شهداء سوريا وندعي لاهل سوريا بالحرم
ادعولنا ربنا يكتبها لنا ويسهلها علينا

[Babysugar]

والله وردة انا كتير متمنية بس مابقدر روح وبنتي صغيرة خاصة مع الزحمة بس جوزي كل خميس عم ينزل يعمل عمرة هو ورفقاتو ع نية النصر فيارب يتقبل منن و يجعلها لوجهو الكريم ... ويارب تتيسر نزلتك و تتسهل ماتنسينا من الدعاء .. وامانة اذا بتقدري مري لعندي مشتهية نلتقى :)

[ام غالب]

مساء الخير على الحلوين لك وينكم وحشتوني