تجمع سيدات ليبيا الغاليات..

[جوهرة ليبيا]

ربي يثبتك عالشجاعه والصبر ويحفظكم

[جوهرة ليبيا]

بنوض اندير عصيده بالعسل راجلي يبيها

منو راجلها ايحب الكورة هلبه ؟؟؟

[هدية الخالق]

طلعت أني وسما تمشيت نص ساعة نحس في رجليا خلاص كله من التقعميز وقلة الحركه والله بعذ الجياب قعدت فترة ندير في رياضة يوميا كلا توا ليا فترة معاش درت تنبلة هههههه
لاقاني راجلي واني طالعه قالي منرفع سوما للمعمل شويه بيشوفوها الأولاد قالي استنيني شويه منشوف واحد بيعطيني ورقة خمس دقايق بس ومن الخمس دقايق ولت نص ساعة في الأخير قالي خلاص كان بتخشي خشي مصارش مطول أني مع الراجل قلتله خلاص أحسن أصلا أني عييت من اللف وسوما رقدت

[هدية الخالق]

جيجي أني راجلي يحب الكوره يلعب يومين في الاسبوع وكان يحصل أكتر مايقولش لاا
مرات ينصاب ويلعب بعدها ما يدورش مش مهم عنده مصاب ولا لا المهم يلعب قالي أني الكابتن مايقدروش يستغنوا عليا في الفريق هههه

[هدية الخالق]

فروسه سألتيني عالجو والله اليومين اللي فاتو صقع بس بدون مطر ولا ثلج
واليوم شمس الجو يهبل

[جوهرة ليبيا]

تبارك الرحمن علي سما هدهد ربي يحفظهالكم ويحفظكم ليها وتشوفيها عروسه

قداش عمرها الاميرة الحلوه

[هدية الخالق]

المشاركة الأصلية كتبت بواسطة جوهرة ليبيا

تبارك الرحمن علي سما هدهد ربي يحفظهالكم ويحفظكم ليها وتشوفيها عروسه

قداش عمرها الاميرة الحلوه

اااامين الله يسلمك جيجي ويحفظلك اميراتك ويفرحك بيهم يااارب
توا عمرها سوما 11شهر بالظبط اليوم سكرتهم

[جوهرة ليبيا]

***تصبحوا علي الف خير ***

*********************

*************

****
**
*

[هدية الخالق]

المشاركة الأصلية كتبت بواسطة جوهرة ليبيا

***تصبحوا علي الف خير ***

*********************

*************

****
**
*

وانتي بألف خير ليلتك سعيده

[هدية الخالق]

سوسو شن الأخبار قلبي عندكم أني والله زي الاطرش في الزفة ما نعلم حتي شن صاير منحبش نشوف الأخبار