سيدات ليبيا الحبيبات ..تفضلووو

[dr.loly]

القرفه بعد تجيك الليه

ويفتح الرحم

لكن دام مافي شئ صعب

بجد


لانك هكي تجيك الليه بدون فتح رحم

واااعره بكل هكي




فعلا هي عطتها ليا ماما بعد رحم انفتح 1 سم ف فراس

ومع حليب +دافئ بزنجبيل+

--لكن مغص لية تقوي

ومانتحملش نشربها

لما شربتها كلها نا وبوفروسي

قالتله شجعها هو جغمه نا وجغمه

بعد فعلا حسيتت باقوي الم وعديت وقالولي 4 سم واخيرا

بعد 3 ايام 1 سم وليه وقويه

[fefe93]

تسلمي ام فراس وانشاء الله تكون الولاد سهله يارب لاني خايفة منها هلبة

[شموسه 88]

السلام عليكم ورحمة الله وبركاته

[شموسه 88]

فيفي نصحه ردبالك تشربي القرفه وانتي مش عارفه رحمك مفتوح ولا لا ربي يسهلك ويرزقك بولاده ميسره امتا موعدك بلظبط

[fefe93]

المشاركة الأصلية كتبت بواسطة شموسه 88

فيفي نصحه ردبالك تشربي القرفه وانتي مش عارفه رحمك مفتوح ولا لا ربي يسهلك ويرزقك بولاده ميسره امتا موعدك بلظبط

ان شاء الله مش حنشرب القرفه تسلمي علي نصيحة انا موعدي 5-6-2014

[شموسه 88]

ماشالله ام فروسي اتروحي تلقي اجواء تجهيزات لفرح فستان سهره ننصحك خوذي من بنغازي فتحن محلاات روعه من ماركة جوفاني او شيري هيل في شارع فينسيا ان شالله حنمشي هل اليومين نفتح ملف في ابن سينا كلهم شكروه ليا بس قالولي ضروري تفتحي ملف قبل مااتجيبي

[dr.loly]

المشاركة الأصلية كتبت بواسطة شموسه 88

ماشالله ام فروسي اتروحي تلقي اجواء تجهيزات لفرح فستان سهره ننصحك خوذي من بنغازي فتحن محلاات روعه من ماركة جوفاني او شيري هيل في شارع فينسيا ان شالله حنمشي هل اليومين نفتح ملف في ابن سينا كلهم شكروه ليا بس قالولي ضروري تفتحي ملف قبل مااتجيبي

اهلا شموووسه كيف حالك اليوم ان شاء الله اموركم تمام جميعا

ومعليش ع الزهااااااايمر هههه عارفه نحساب روحي كتبتها لكي

انك لازم تفتحــــــــــــــــي ملف مانبيش نخوفك بس اعتقد

ف التاسع ؟؟ يقبلو او لا اظن من سادس اخر شـــئ

بس انتو شوفوهم في اسرع وقت واحجزي اقرب موعد تلقيه

نصيحه لان ملف لازم ف ولاده يقعد قاعد يشوفوا حالتك وتحاليلك

كامله ومتابعه الضغط يهتموا بها هم واجد الحاجات هذينا
وتخطيط نبض البيبي ف التاسع

وفصيلتك وزمرتهاااا ...




وشكرا ع نصيحه عزيزتي حتي نا مقرره هكي ان شاء الله

هنا الفساتين الماركة وطوال تصميم عالمي زي دولتشي اند قابانا
وايلي صعب قريب ف عششرين الف ليبي ههههههههههه حق ارض
ع قول صاحبتي خخخخخ


بس سمعت بشارع فينيسيا ف حاجات حلوة

حتي صاحبتي قالتلي ع جوفاااني وان شاء الله نلقي حاجة مميزه

اللي في بالي

[شموسه 88]

دوودو اكيد حمله الثانيه اسهل من الاولى لانك اتكووون عندك خبره والولاده انطمنك انها اسهل من الاولى ابوااجد

[شموسه 88]

اليوم قبل مش دااايره غذاء لا نبي انطلع المطبخ نضت من الساعه 9 اوبديت انظف هو مافيش شي لاني مالياش واجد امحوله اوكنت جايبه شغاله بس هههه الله غالب وسواس وانا انظف الثلاجه القيبت كيس فيه مصارين امنظفتهن او كبده او عندي خضراء في الثلاجه تنشطت درررت مصارين او رز عل مرقه المصارين وامسير اتصلت ابزوجي قتلا مااتجيبش غدا طيب لما جاء لقاه مصارين هههههه انصدم قالي كنك شن فيه ماتغديناش الا بعد العصر حتى قبل نمشي انعزي قريبتي تنبلت نمشيلها بكره

[dr.loly]

المشاركة الأصلية كتبت بواسطة شموسه 88

اليوم قبل مش دااايره غذاء لا نبي انطلع المطبخ نضت من الساعه 9 اوبديت انظف هو مافيش شي لاني مالياش واجد امحوله اوكنت جايبه شغاله بس هههه الله غالب وسواس وانا انظف الثلاجه القيبت كيس فيه مصارين امنظفتهن او كبده او عندي خضراء في الثلاجه تنشطت درررت مصارين او رز عل مرقه المصارين وامسير اتصلت ابزوجي قتلا مااتجيبش غدا طيب لما جاء لقاه مصارين هههههه انصدم قالي كنك شن فيه ماتغديناش الا بعد العصر حتى قبل نمشي انعزي قريبتي تنبلت نمشيلها بكره

ماشاء الله ربي يعطيك الصحه وصحيحه العصباااان


عجبتني مفاجأه الكيس هههه نحبه جو هذا

تقعدي منظفتيها ومقسمتيه وناسيه وحده وداسه روحها بروحها

بعد تلقيها فيها جو هههه
صارتلي هنا نذكر قبل شهرين هك حتي نا نفس جوك

كنت اندور ف كيس كبده لقيته لاصق تحت