تجمع الجزائريات الغاليات المتأخرات في الحمل ‏

[صبورة]

المشاركة الأصلية كتبت بواسطة محبوبة ميمو

صباح الخير عليكم
بسومة يسقسي عليك الخير راني غاية
انتي وصبورة فكرتوني ب او يحيون كنت نحشم منها بزاف كان غير راجلي الي يهدر في بلاصتي
باغيا نسقسيك وين يديرو تحليل بعد الجماع
الطبيبة هي الي مدتهلك

محبوبة
صباح الانوار..تحليل ما بعد الجماع لازم تكوني متبعة عندها من قبل التبويض و المنشطات من بعد مايصراش الحمل تمدلك اشعة الصبغة ولما تخرج سليمة تمدلك تحليل ما بعد الجماع..و هي طبيبة اكثر من رائعة علاه تحشمي منها..

المشاركة الأصلية كتبت بواسطة basouma26

شفتي صبورة يعني غير مسالة عجز برك لازم تحرصي انتي زيريه و حتى اذا يجي عيان قوليله غير اصبر و خلاص مارانيش باغياتك ضيعي الوقت عولي و ان شاء الله نفرحو بيك في القريب العاجل يا رب

بسومة26
بسومة ان شاء الله من فمك لربي يا رب يسهل و نعملوها في اقرب فرصة

المشاركة الأصلية كتبت بواسطة basouma26

ان شاء الله يا رب

راني دايرة كي نروح للطبيب نقوله على الدوا سيرتو راجلي راه غير يزعف قالي حبسيه قالي تقولي راهم يعطوك دوا لمهابل بصح باش نوض و نخرج للطبيب و الله حاجة ما تتحرك في

بسومة26
معليهش سايسي روحك بالعقل و روحي خير من راجلك يزيد يتقلق مسكين راه خايف عليك..

المشاركة الأصلية كتبت بواسطة oum abderaouf

السلام عليكم يا اهل الخير لبنااااااااااااااات لاباس؟
من هنا ؟؟؟؟؟؟؟؟؟؟؟؟؟

ام عبد الرؤوف
و عليكم السلام واش راكي اليوم

المشاركة الأصلية كتبت بواسطة ام بلقاسم الجزائرية

صباح الانوار عليكم كيراكم يا الفحلات انشاء الله كامل لباس توحشتكم بزاف بزاف صبورة بسومة نور الهدى ومريم وكل البنات
سمحولي على الغياب را ه الحمل التاعي متعبني بزاف كل يوم نموت ونحيا الله يجيب الخير تخيلو اليوم راني كملت تسع اشهر ومكان والو ادعولي ربي يفتح عليكم

ام لقاسم
اهلا حنونة واش راكي واش الغيبة هادي واش راه بلقاسم يات رب تكونوا بخير..ماشاء الله راكي فالتاسع و انا عند بالي في الشهر خامس او السادس..ما تتقلقيش ضرك يزيد فالوقت اللي كاتبوا ربي سبحانوا كثري من المشي و الله يعطيك وقفة ساهلة ان شاء الله و ما تنسايش تدعيلنا

المشاركة الأصلية كتبت بواسطة أم نهى الجزائرية

صباح الخير لبنات واش حوالكم؟؟؟؟؟؟؟؟؟

اسماء راني نستنى في لبشارة حنونة ربي يفرحك

انا راه المورال تاعي في الزيرو البارح تقابضت مع راجلي على الموضوع تاع الحمل قلقني وليت نشوف في الدنيا دور قدامي

تخيلو بقيت غير انا الوحيدة في لافامي تاع راجلي الي ماحملتش البارح برك سمعت بعروست خالتو راهي بالحمل عندها 3 شهر زواج

و الله غير غاضتني روحي و بكيت حتى ما قدرتش ماشي حسد حاشا لله مي سبحان الله الانسان قلبو لحمة و يحس الله غالب و كي قلتلو على التلقيح قالي ما نديرش راني قريب نهبل ادعيولي يا لبنات

ام نهى
كل واحد فالدنيا هادي ياخذ نصيبه اللي كاتبه ربي من غير زيادة او نقصان كي سمعت بهاديك المراة اللي راهي بالحمل لو كان ما بكيتيش لوكان فرحتي و قلت يا رب ارزقني كيما ارزقتها و دعيلها بتيسير الحمل و الولادة بلاك هكدا ربي يسمع منك هادي سمعتها بزاف من عند اهل الدين..احسن من البكا ..و ان شاء الله تحملي الشهر هدا يسافر راجلك و يخلي وليدوا ي كرشك ان شاء الله

المشاركة الأصلية كتبت بواسطة 20 سنة انتظار

السلام و عليكم البنات كامل كامل نحبكم يا العزيزات عليا لاباس ؟؟؟
بسومة26 ربي يخفف عليك و يحفظلك الجنين ديري توقيع حمل باه نحسبو معاك ,,,, بسومتي عمري وش دير ؟؟
صبورة بسومة ام عبد الرؤوف لاباس ؟؟؟ وش الجديد
ام بلقاسم اهلا و سهلا ربي يسهل ولادتك و يفرحك بشوفة مولودك بصح منعرفكش حنونة عرفيني بروحك

20 سنة انتظار
الحمد لله حبيبتي الجديد ماكانش بلتاك يجي من بعد ان شاء الله

[oum abderaouf]

المشاركة الأصلية كتبت بواسطة 20 سنة انتظار

السلام و عليكم البنات كامل كامل نحبكم يا العزيزات عليا لاباس ؟؟؟
بسومة26 ربي يخفف عليك و يحفظلك الجنين ديري توقيع حمل باه نحسبو معاك ,,,, بسومتي عمري وش دير ؟؟
صبورة بسومة ام عبد الرؤوف لاباس ؟؟؟ وش الجديد
ام بلقاسم اهلا و سهلا ربي يسهل ولادتك و يفرحك بشوفة مولودك بصح منعرفكش حنونة عرفيني بروحك

لاباس حبيبتي و انت لاباس ؟
ام بلقاسم مام انا منعرفكش ربي يسهلك ان شااااء الله ربي يرزقك وقفة ساهلة ان شاء الله

[bassouma]

صبورة نيشان كامل يشكروها تعرفي لكان تروحي متنجميش من كثرين الناس لي يجو عندها بزاف هي فالأول قاتله محتاج فيتامين ه و عقدات مكثرتش دواء بصح درك كي رحلت معاودتش رحت عندها قلت نديلها راديو و نروح

[basouma26]

ام عبد الرؤوف واش راكي حنونة

ام بلقاسم على سلامتك زارتنا البركة ما تتقلقيش هكدا المرا كي تدخل للتاسع يصرالها هاكدا شوفي هو عنده وقته ماغاديش يفوته ربي يسهل عليك و يعطيك وقفة ساهلة يا رب

ام نهى ربي يكون في عونك حبيبة سيرتو كي ما يبغيش راجلك يوقف معاك ربي يهديه ان شاء الله و ارواحي معاه غير بالعقلية راجلك من النوع اللي يقول مانديرش التلقيح على خاطر تم يحس بالنقص كل راجل كيما هاك يحس بلي راكي تقوليله ماراكش قادر هكدا يحسها بصح غير سايسيه و ربي يسهل ان شاء الله

[oum abderaouf]

المشاركة الأصلية كتبت بواسطة basouma26

ام عبد الرؤوف واش راكي حنونة

ام بلقاسم على سلامتك زارتنا البركة ما تتقلقيش هكدا المرا كي تدخل للتاسع يصرالها هاكدا شوفي هو عنده وقته ماغاديش يفوته ربي يسهل عليك و يعطيك وقفة ساهلة يا رب

ام نهى ربي يكون في عونك حبيبة سيرتو كي ما يبغيش راجلك يوقف معاك ربي يهديه ان شاء الله و ارواحي معاه غير بالعقلية راجلك من النوع اللي يقول مانديرش التلقيح على خاطر تم يحس بالنقص كل راجل كيما هاك يحس بلي راكي تقوليله ماراكش قادر هكدا يحسها بصح غير سايسيه و ربي يسهل ان شاء الله

اهلا حنونة لابس الحمدلله
ربي يقويك ان شاء الله كيراهي بسومة بوسيهاااااااااالي

[basouma26]

المشاركة الأصلية كتبت بواسطة oum abderaouf

اهلا حنونة لابس الحمدلله
ربي يقويك ان شاء الله كيراهي بسومة بوسيهاااااااااالي

ان شاء الله يا رب و بسومة راهي الحمد لله تبوسك هي تاني

ربي يفرحك يا رب انتي و كامل لبنات ان شاء الله

[bassouma]

محبوبة طبيبة هي لي تمدهلك و يكون في 13 يوم بعد دورة و يكون جماع بين 6 ساعات و 8 ساعات ما تفوتيهاش و بعد جماع متغسيش دري حشاكم فوطة و صباح تروحي يعني جماع يكون 2 أو 3 صباحا
لبنات زينات مرحبا بيكم ليوم تجمع راه زاهي

[الشاكرة -لله]

المشاركة الأصلية كتبت بواسطة bassouma

محبوبة طبيبة هي لي تمدهلك و يكون في 13 يوم بعد دورة و يكون جماع بين 6 ساعات و 8 ساعات ما تفوتيهاش و بعد جماع متغسيش دري حشاكم فوطة و صباح تروحي يعني جماع يكون 2 أو 3 صباحا
لبنات زينات مرحبا بيكم ليوم تجمع راه زاهي

ايه زاهي ماشاء الله .... ربي يدوم لمة الاحباب

[الشاكرة -لله]

صبورتي جبتيني و رحتي ههههههههه ويراك حبيبتي

[basouma26]

صبورة ما طوليش هاد المرة رانا نستناو و كل مرة نولي نزيرك بالاسئلة باش ديري الكوراج و تعولي و ربي يسهل ان شاء الله

نور الهدى راني درت توقيع ديت غير نتاع امومة عجزت نحوس قوليلي على هاد التوقيع نتاع بيبي قاقا اعطيني السيت