تجمع الحوامل اللي موعد ولادتهم شهر شعبان 1434هجري

[&توتي&]

خوخه
انا شفت مفرش السرير لحاله ب 900 ريال تفصيل باللون اللي تبغي

باسواق محمود سعيد اعتقد اسم المحل عائلتي

وحصلت ب 1300 المفرش لحاله في محل العروس
الاسعار وانا ماكاسرت بس كنت باخذ فكره يعني لو كاسرت بينزل اكثر

انتي فين المحل اللي شفتيه؟؟؟

وايش الدارج من الالوان يعني لو جنس البيبي ولا لون سكري ودرجاته

وكاني قريت ان التطقيم راح موضته بس حابه اتاكد اسوي سرير البيبي ولا اخذ مدس واحطه جنبي
ولا هندول ولا ايش رايكم....

[خوخة عبودها]

توتي المحل اللي في صف ابن شيهون على يمينك بس انا عن نفسي باخد مفرش اختي والسرير حق البيبي
نفس الطقم البيج من عندها وبشتري السرير الكبير
اللي لخمس سنوات من سنتر بوينت
ماراح استفيد من اللحاف حق النفاس وسرير البيبي بس 40
يوم وينرمي اشتري شي يجلس معاك وتستفيدي منو
المدس ولحاف البيبي والشنطه اخدتها طقم من ستتر بوينت
لونو رصاصي وابيض
كلفتني يمكن 500

[**لولا**]

المشاركة الأصلية كتبت بواسطة خوخة عبودها

كيفكن صبايا





لولا. انتي من جدة ؟؟ لو في جدة روحي محمود سعيد السرير حقك
وحق النونو والمفرش والمدس وكيس السله والمناديل
وكل شي ب 1700 لقيتها وانا ما كاسرت ولا شي

امس رحت الدراجة كل شي 2000 وفوق بس طقوم تهبل,,وفي محل بيتي الصغير احلى واحلى

المشاركة الأصلية كتبت بواسطة &توتي&

صباح الخيرات
اللهم صبح احبتي بما يرضيهم


لاتنسين تقولين لنا عن مشترياتك لولا
وايش الدارج هالحين

لسة ماشتريت بس اتفرجت ان شاءالله دا الاسبوع اشتري

المشاركة الأصلية كتبت بواسطة خوخة عبودها

الحقوني ذبحتني موتتني الحموضه والحرقان بالمعدة


ايش اسوي

اشربي حليب بارررررد مثل نادك السعودية المراعي,,,انا يجيني ومن عز نومي اصحى حموضة بس بعد الحليب الحمدلله طول اليوم مايجي واشربي قبل النوم

المشاركة الأصلية كتبت بواسطة ريعانة الحجاز

هلا حبيباتي سلامات عليكم كيفكم كروشات والتعب احس حالي مرررره تعبانه وكسلانه بنام ع طول فيه احد زي كذا نفسي ارجع نشيطه بس شكله ماافي نشاط بعد الولاده ان شاءالله ابغئ علاج الالتهابات البوليه اعزكم الله صرفتلي الدكتوره مضاد حيوي وأخذت منه وخايفه اسمه وينكس سيفيكسيم بنات اللي جربته لا تبخل بالرد مرررره خائفه الله يحفظ اجنتنا من كل مكروه وسهلها ونقوم بالسلامه

دام الدكتورة وصفت معناه مايضرك اتوكلي ع الله,,وسلامات

المشاركة الأصلية كتبت بواسطة خوخة عبودها

توتي المحل اللي في صف ابن شيهون على يمينك بس انا عن نفسي باخد مفرش اختي والسرير حق البيبي
نفس الطقم البيج من عندها وبشتري السرير الكبير
اللي لخمس سنوات من سنتر بوينت
ماراح استفيد من اللحاف حق النفاس وسرير البيبي بس 40
يوم وينرمي اشتري شي يجلس معاك وتستفيدي منو
المدس ولحاف البيبي والشنطه اخدتها طقم من ستتر بوينت
لونو رصاصي وابيض
كلفتني يمكن 500

رحت المحلات كلها 2000 وفوق غريبة!!

[**لولا**]

انا باخد اللحاف والمهد وباقي الاشياء من غير لبس الأم والطفل ماعجبوني

خلاص الايام تعدي وبخلص من دي الامورواخد التوزيعات وازينها انا ومااامي ويادوب نخلص

[&توتي&]

اسم المحل اللي قلت لكم عليه عائلتي

وان شاء الله اخذ مفرش الام والمدس تبع البيبي لان احس السرير والطقم راحت موضتهم وبتصغر الغرفه

بس محتاره باللون
انتم وش رايكم
ايش بتاخذون الوان؟؟؟؟

[**لولا**]

لا بالعكس توتي ماراحت موضتو
في اشكال كتير نازلة

شوفي بيتي الصغير محل مرة روعة والعروسة وحلات مخشخشة تلقي فيها عند الدراجة

[خوخة عبودها]

يا لولا انا رحت قبل يومين وقال ليا تبغي السرير حقك معاهقلت ايوا قال 1700 سألتو اخر شي قال ايوا
ادخلي المحل جوا تلاقي 2 يمنه
في كمان اطقم للحمام من برا تشوفيها وسرير طفل صغير
دي بالبترينه

[**لولا**]

اجل كدابين كل شوية يطلعو بسعر انا كمان رحت قبل يومين
وكان في دولا اليمنة

بس عجبني اكتر شي بيتي الصغير حروح تاني واشوف الله يعين

بالنسبة للون هو يفصلو حسب الاختيار,,,بس انا احتمال اسوي سكري ينفع للبنت والولد
ولا وش رايكم اسوي لون مخالف موف وسكري مثلا او اصفر
اللون الغالب سكري بس الشرايط مثلا او الورود ملونة!!

[soma adel]

ازيكم بنات انا فى الشهر السابع وبس لما اعطس جامد احس فى نقطه مياه نزلت على هل هذا خطا

[&توتي&]

لولا انا مثلك محتاره باللون اسوي سكري وعسلي او سماوي ونيلي ايش رايكم




سوما حبيبتي عادي هذا احتمال الجنين يضغط ع المثانه انتي كل شوي روحي الحمام فضي وانتي بالكرامه
وكمان كثري شرب سوايل لانه احتمال يكون عندك التهاب
وماتشوفي شر