تجمع امهات التوام حياكم

[سآره]

صباح الخير امهات التوينز اخباركم ان شاء الله بخير وكتاكيتكم دووم طبيبن وبصحه يارب

في مشاركه كتبتها بس ماادري وين اختفت

المهم ياحلوات انا محتاره في الاجازه اسافر او لا

عندي الخيارات

لندن والنمسا بدون شغاله لان ممنوع الشغالات

او لبنان مع الشغاله ومالي خلق اروح لبنان اموووت في لندن

ولا اقعد في البيت واحترم نفسي

لاتقولون سافري وخلي العيال لان زوجي رافض هالفكره جملة وتفصيلا

اي وبعد شنو طعمت عيالي تطعيمه مو اساسيه وهي ضد النزله المعويه اللي تجي لبعض الاطفال من الشهر السلدس وهي جرعتين عطيتهم وحده الحين ووحده بداية السادس لاني مارضعت عيالي مساكين مناعتهم قليله ياقلبي عليهم

فوفو الاموره...انت وش نوع ولادتك ؟؟اذا قيصري ابتعدي عن المشد لاينفتح جرحك

اذا طبيعي المفروض بديتي من زمان انا بديت من 8يوم وبعد كنت متاخره تربطينه بشويش وكل يوم تزيدين من قوة الربط

وبالنسبه للحليب انا استخدم نوفالاك وزود بعد وغروم وفي بعد وحده بس نسيتها انا خذت بنصيحة زود الغلا الله يخلي لها عيالها ويبلغهم فيها كل خير مااعرف غير هالحليب

بعد بسالكم عن الحليب رقم 2 يستخدم من بداية الشهر السادس ولا بعد مايخلصون الشهر السادس؟؟؟

[زود الغلا]

شلونكم يا حلوات ؟؟
عذب الحلوات مجننيني الحني وكاة يبوني اشيلهم ياعمري الظاهر لازم انقص نصين .
فوفو الامورة ...ما اعرف الحليب اللي ذاكرتة ماقد جربتة بس عندك نوفولاك ممتاز .
ومن بدية السادس انا استخدمت نان2 ممتاز بس ريحتة ياااااااالله ماتنطاق .
سويرة ...الله يسلمك على الدعوة الحلوة ولك بالمثل ياربي ..مادام السفرة لابد عيالك اجل انصحك روحي لندن بس لا تروحين دول واجد ومعاك عيالك خليها لندن بروحها وانت عيالك صغار يعني على طول بالدراجة وتعاوني انت وابوهم عليهم بس الله يعينك راح يصيرون طول النهار نايمين من الدراجة مدوختهم وفالليل وقت نومتك راح يصحصحون ويتفرغون لك بس شتسوين انت يا ذكية !!!قطيهم على ابوهم ونامي وقوليلة تحمل مو انت تبيهم معانا يالله اكلها يا شاطر :).. وعلى فكرة لا تحاتين عيالك اذا تعبوا وانتم في لندن مستشفياتهم ممتازة والله يكتب لكم الخير وصلي الاستخارة .

[بروفكشن]

سلامممممو عليكم شخباركم ياحلوييييين. شخبارك زود وساروووونه

[عذب]

صباح الخير
فوفو الأموره بخصوص الحليب أنا أستخدم نان والحمدلله ناسبهم وبخصوص المشد مثل ماقالت لك سارونا

ساره
على السفر اذا لازم تاخذين عيالك معاك فقعدي في بيتك أحسن لك لأنك مب تستانسين ولاشي بالذات أنك ماتعودتي تكونين لحالك معاهم ولاتترجين شي من زوجك

زود
ههههههههه
بصراحه ضحكتيني لأن هذا كلمتي كل أقول أن بناتي يبوني أنقسم نصين عشان كل واحد نص

بروفكشن شخبارك؟

[عذب]

ألا من زمان عن فوفوياتي ليش مختفيه؟

[سآره]

راسي صدع من قل النوم وعيوني تحرقني وبعد شوي بروح الخبر عندي مقابله في السفاره باخذ الفيزا وبعدين بقرر اذا اروح ولالا

اهلين بروفكشن انا الحمد لله انت شخبارك

زود..ماادري اخاف اتهور انا قلت لزوجي خلني اسافر واذا تعبت وقلت لك ابي ارجع رجعني

عذوبه..اي انا عارفه الرجال مايعتمد عليهم في شي وهذا اللي خايفه منه

الامهات اللي عيالهم مضربين عن الحليب مالقيتوا لهم حل عيالي من العصر مو راضين يرضعون

زود الغلا ليش غيرتي الحليب مااستمريتي على نوفلاك 2 ؟؟؟عشان اقلدك خخخخ

[بروفكشن]

عدنا اليكم من جديد. انا تمامووو ساروونه ودي أسافر بس العيال شلوووون

[زود الغلا]

هلا سويرة ...نوفلاك2 ممتاز مافية شي ....بس حنا بالكويت عطانا ابونا صباح منحة اميرية التموين سنة كاملة جدام والتموين عندنا مافية حليب نوفلاك ...وعندهم نان 2 ممتاز وماشي مع بناتي الحمدلله فحرام اروح اشتري من الجمعية وانا متوفرلي شي ببلاش :) وتعرفين الحليب سعرة غالي وتوأم بعد الله يحفظهم فاضطريت اخذلهم من التموين.
بروفكشن ....شخبارك ؟؟؟
بنات حبيت افيدكم في طريقتي الجديد لنوم ؟؟؟؟
من بعد الساعة 6 لا تخلون عيالكم ينامون الا ربع ساعة اذا كانوا دايخييييييييييين حييييييييييييل واذا ماناموا الظهر زين عطيهم ساعة ينامونها بس بشرط هالساعه تكون قبل الساعة ثمان مثلا ::
من 6 الى 7 او من 7 الى 8 اما بعد هالوقت اذا يبون ينامون من 8 اى 11 ونص مافي الا ربع ساعة ..
اما اذا نايمين كويس الظهر راح يتغير الجدول يعني من الساعة 6 الى الساعة 11 ونص غطه مدتها ربع ساعة فقططططططططططط.واذا احتاجوا ربع ساعة ثانية عطيهم وقت بدل ضايع بس اخري نومتهم خليها 12 .فاهمين يا حلوين ..انا جربتها وضبطت معاي الحمدلله بس بشرط هلطريقة للاطفال بعمر بناتي 5 شهور اما الصغار فصعب عليهم هالنظام .

[زود الغلا]

شرايكم في بنااااااااااااااااااااااتي ؟؟؟؟

حلوين صح .

نسخة بعض .



لالالالالالالالالا اضحك معاكم ...بس بناتي يتشابهون مثل شبههم :)

[maha8181]

زود الغلا الله يحفظهم لك يارب يازين البنات. سارونه انصحك روحي لبنان مع شغالتك أريح لك فوفو حبيبتي أنا استخدم s26 هو الوحيد اللي أرتاحوا له *