متى يحصل الحمل بعد الاجهاض وهل اللي فيني الحين اعرض حمل؟

[عايشه يوسف]

مساء الخير وش علومكم رجعت لكم بعد غياب فترررهه

انا حملت واجهت شهر صفر كان مدة حملي 6اسابيع
ونزلت الموضوع هذا والحمد لله على كل حال
http://forum.hwaml.com/t278635.html
سقطت تاريخ 15 محرم وماسويت تنظيف نزلوا باقي الدم باالحبوب والمضاد
جلس الدم عندي ينزل لين تاريخ 28 محرم بعدين طهرت خلاص
ودي اعرف متى ايام التبويض ؟؟
ومتى الدوره ممكن تنزل ؟؟
ومن اللي حملت بعد الاجهاض على طول من غير ماتجيها دوره ؟؟

والله انا محتاره ومو عارفه لو بنحسب من من اول ماجهت تاريخ 15 لين الحين صفر
بيكون لي 27 يوم من اجهضت بعضهم يقولون بعد ماتطهرين من الاجهاض هذا اسبوع التبويض

وبعضهم يقولون تحسبين من اول يوم اجهاض على انه يوم الدوره تتوقعون يعني بتنزل دورتي تاريخ 15 نفس الاجهاض او بعد اربعين يوم ؟؟؟!!
طول دورتي الاساس 30 يعني لو بتجي نفس تاريخ الاجهاض باقي 4 ايام

عذروني على الاسئله بس والله اني في حيره بحثت بااالنت ولاحصلت شي يريحني
واحس بااعراض غريبه الثالث الايام هاذي وهي معدتي حيل تعورني +اسهال +الشهيه منسده+ظهري حيل يوجعني+مغص يروح ويجي +تجيني حاله كني بستفرغ بس ترجع محلها +
عطششششششش شديد وجفاف بحلقي +نغزات جهت صدري اليسار +كثرت الغازات في بطني حتى لو اني مااكله واتذكر الغازات جات بحملي الاول
انا مااابي احمل بس زوجي يبيني احمل والا انا ابي ارتاح بعد الاجهاض لو شهرين =(
وهو يقول اشم ريحة فمك نفس ريحة فمك يوم حملتي اول مره يقول زي ريحة النفس اللي فيها ثقل وقال لي اسوي تحليل وسويته وهذا اللي طلع انا سويته ماشفته تركته 5 دقايق زوجي راح شافه قال طلع خط خفيف وشفته يعني يمكن المده 10 دقايق مو واضح مره الا بعد التدقيق








اتمنى اللي مرت بنفس حالتي تعلمني واتمنى ماتبخلون علي وتردون على الاسئله

[مريومتو؛]

الخط واضح وشكله إيجابي
واعرف كثير بنات حملو بعد الاجهاض على طول بدون ماتنزل الدوره

[يآ أرحم الرآحمين]

فيه خط ثاني حبيبتي وواضح
بس حطي جميع الإحتمالات ببالك ممكن يكون لسة الهرمون بجسمك
يعني انتظري كمان 4 ايام أو أسبوع و حللي دم وياااارب تكوني حامل
فيه كثير حملو مباشرة بعد الإجهاض

بالنسبة لي انا حملت بإبني بعد الإجهاض ب 4 شهور الحمد لله

[أم مؤيد بإذن الله]

الله يعوضك ويعوضني يارب

شوفي اختي انا نزل مني دم يوم ١٣ ذو الحجه ويوم ١٤ اسلبت وسويت عمليه تنظيف
وجاتني الدوره يوم ١٣ محرم

بس بالنت يقولو تجي من بعد الاجهاض من ٣٠ الى ٤٠ يوم
وكمان قريب ان هرمون الحمل يبقى بالجسم مدة اسبوعين الى شهر
عشان كذا يعطيك نتيجة ايجابية
الله اعلم هذا من قرائتي لتجارب البنات

والخطين واضحين مره يااا رب يكون حمل يا حبيبتي
بس دامك ما سويتي عمليه لازم تخلي الدكتوره تكشف ع الرحم اذا نظف والا لا
ويااااااااا رب يكون حمل وتفرحينا

[عايشه يوسف]

المشاركة الأصلية كتبت بواسطة أم مؤيد بإذن الله

الله يعوضك ويعوضني يارب

شوفي اختي انا نزل مني دم يوم ١٣ ذو الحجه ويوم ١٤ اسلبت وسويت عمليه تنظيف
وجاتني الدوره يوم ١٣ محرم

بس بالنت يقولو تجي من بعد الاجهاض من ٣٠ الى ٤٠ يوم
وكمان قريب ان هرمون الحمل يبقى بالجسم مدة اسبوعين الى شهر
عشان كذا يعطيك نتيجة ايجابية
الله اعلم هذا من قرائتي لتجارب البنات

والخطين واضحين مره يااا رب يكون حمل يا حبيبتي
بس دامك ما سويتي عمليه لازم تخلي الدكتوره تكشف ع الرحم اذا نظف والا لا
ويااااااااا رب يكون حمل وتفرحينا

حبيبتي كشف علي الدكتور تاريخ2 صفر كان موعدي وقال رحمك خلاص صار نظيف

واعرض الحمل الاول اختفت يوم كنت باااالمستشفى يعني يوم اني انزف ومنومه عندهم
بس الحين مادري حيرتوني ان تقولون ممكن التحليل حق الهرمون اللي اول
انا ودي تردون على اسئلتي بشكل اوضح كمان ومشكوووره اختي

[المتأملة خيرا باذنه]

الله يرزقك الحمل السليم المعافى وكل منتظره يارب والله يعوضك خير ان شاء الله

[ديسمبرية]

أتوقع حمل حبيبتي
أنا وصل هرمون الحمل إلى 1500 وأجهضت بعد يومين من تحليل الهرمون
وحللت منزلي بعد نزول الكيس بأسبوعين الهرمون اختفى ما ظهر لي موجب

[هاجر كندا]

هرمون الحمل مايروح بسهوله وانتي مصارلج حتى شهر
وهذا غلط المفروض تخلين الدورة تجيج ياله تحملين
لان حمل فوق حمل خطر عليج
المهم
الخط مو واضح واحتمال بقايا هرمون حمل
الافضل الج ترتاحين اقل شي شهرين حتى تستعدين الدم الخسرتي بالاجهاض

[أم مؤيد بإذن الله]

حبيبتي الخط جداً واضح
وزي ما قلت لك انا جاتني الدورة بعد شهر بالضبط من الاجهاض
ولما اجهضت سألت الدكتوره متى اقدر احمل قالت بعد اول دورة عشان الرحم يركع لمكانه
وقالت عادي احملي علطول

بس اختي انتي اجهضتي تاريخ ١٥ محرم واحنا لسى بتاريخ ١٢ صفر
اصبري الى يوم ١٥ وشوفي

واذا ع ايام التبويض قريت بالنت انها بعد اسبوعين من الاسلاب


وياااا رب ما تجيك الدورة بتاريخ ١٥ وتكوني حامل
ويذوقك ويذقني ربنا فرحة الحمل من جديد
آه بس فقدته وانا بنهايه الثالث
الانتظار حداً صعب الله لا يذوقه لاحد ياا رب

[المتأملة خيرا باذنه]

اااامين يااا رب الله يجزاك خير