السلام عليكم ورحمة الله وبركاته
كيف حال الجميع ومبروك الف مبروك لجميع اللي ولدوا
والله يسهل على الباقي
نبدأ معكم قصة ولادتي اللي كانت بتاريخ 4/23 بالهجري يوم الاربعاء
يوم الثلاثاءقبل ولادتي بيوم كتبت موضوع استشيركم فيه هل اخذ طلق صناعي ووش الافضل التحاميل او عن طريق الوريد لاني بروح للدكتورة الاربعاءوماقصرتم معاي كل وحدة افادت باللي تعرفه واللي دعت لي الله يجزاكم الجنة
المهم رحت للدكتورة الاربعاء وكشفت علي وقالت واحد سانتي ماراح اعطيك شي اصبري لين يوم السبت اذاماولدتي تعالي اولدك بطلق صناعي بس قالت لي على شي خطيييير استخدمته وانالسه ماخلصت التاسع ولا جاب معي نتيجة وقلت للدكتورة استخدمته قالت لازم بعد ماتخلصي التاسع بكم يوم واناكنت مخلصه التاسع لي اربع ايام لمارحت لها قالت اشربي خررررررروع نص القزازه اليوم ونصه بكرة
ورجعت البيت وتغديت وشربت الخروع ونمت وصحيت من المغص وعلى الحمام الله يكرمكم سبب لي الخروع اول شي اسهال الين نظف بطني وبعدهاحسيت بأوجاع في العصرورحت مستشفى النور اكشف قالت لي واحدسانتي وقالت لي اشربي خروع وامشي نفس كلام دكتورتي ورحت امشي والم الطلق احسه يزيد الين المغرب ورجعت البيت ولاريحت نفسي مشيت في البيت وكنت احسب للطلق كان تقريباكل ربع ساعة وبعدهاحسيت بشي ينزل مني طلع دم وافرازات لزجة عرفت انها ولادة ورحت المستشفى العشاء وكشفت علي الدكتورة وقالت اثنين سانتي واناهناتحطمت كل هاذا الالم ولاانفتح الا اثنين سانتي بس الدكتورة لماكشفت وسعت لي الرحم وخلتني شوي وبعدها جات تكشف طلع ثلاثه سانتي وفكت لي المويات وبعدها زاد الالم وراحت تصلي وكانت عندي الممرضه مصريه زي العسل الله يسعدها اسمهاعطيات كشفت علي وقالت ماشاء الله سبعة سانتي وجات الدكتورة وبعدها بدأ الراس ينزل والحمدلله خرجت العسل للدنيا وانا احمدالله واشكره على تسهيل الولادة وبقولكم على الاشيأء اللي اتوقع انها كانت بعد الله بتيسر الولاده
1-الاستغفار اكثري منه وخلي لك مسبحة تحت مخدتك كل ماجاء وقت النوم طلعيها واستغفري هذي كانت طريقتي من السابع من غير المسبحة اللي تاخذيهامعاك لماتروحي تمشين
2-زيت الخروع ولازم بعد ماتخلصين التاسع بكم يوم لاني شربته قبل مااخلص التاسع ولا جاب لي الا الاسهال الله يكرمكم
3-الدكتورة الشاطرة الله يوفقها اللي انظلمت كثير في النت وانا والله ماكنت ناويه اروح لهابس قدر الله والحمدلله اني رحت لها الا وهي (الدكتورة عصمت)
في التونسي هي فكت لي المويات وكان عندي الرحم ثلاثة سانتي بس بعدها زاد الالم وانفتح الرحم بسرعة ماشاءالله
وبس هذي قصة ولادتي ماشاءالله تبارك الله
اللهم لك الحمد الله ييسر لكل حامل ويرزق كل وحدة ماعندهاعيال
*