بنات كيف الحال إن شاء الله ربي يرزقنا بالذرية الصالحه عاجلا غير آجل
أما بعد : أنا أول ماتزوجت ثاني شهر بعد زواجي حملت بس ماكنت أعرف إني حامل لأنه الدوره كانت تجيني عادي وبشكل منتظم بس كنت أحس بدوخه وغثيان وقلت عادي لأنه عندي فقر دم وبعدين سارت تنزل علي نقاط دم في غير موعد الدوره ولااهتميت بالموضوع وفي يوم من الأيام حسيت بألم جامد في المبايض والرحم وهبوط لدرجة إني ماأقدر أوقف و رحت الطبيبه حللت وقالت مبروك حامل روحي تابعي مع دكتورة نساء وولاده ، رحت للطبيبه عملت لي تصوير مهبلي وقالت : حمل خارج الرحم ولازم تعملي عمليه منظار لاستئصال الحمل ، عملت العمليه وبعدها جلست سنه ماحملت ويوم سويت أشعة الصبغه قالت الدكتوره : الأنبوب الأيسر اللي حصل فيه الحمل مدمر ، أما الانبوب الايمن سليم ، وقالت : فرص الحمل عندك تقل تصبح 50 او 40 % والآن خمس سنوات ماحملت ولاخليت طريقه ولا وصفه ولامنشط مااستخدمته وعملت طفل أنبوب ولا نجحت .
المشكله إنه المبيض النشيط هو الأيسر المقابل للقناة المدمره ، يعني الشهر اللي يكون التبويض فيه في الناحيه اليسار ماراح يحصل فيه حمل ، والمبيض اليمين المقابل للناحيه المفتوحه مايحصل فيه تبويض إلا كل شهرين أو ثلاث شهور مره
طولت عليكم بس سؤالي : مين حملت خارج الرحم وأنجبت أطفال ؟ وكم سنه مدة الانتظار؟ وماهو العلاج ؟ ومن الدكتور المعالج ؟ ومين نفس حالتي واستخدمت وصفات وجابت نتيجه معاها ؟
والله يابنات ذبحني التفكير في الحمل خاصة إني موصغيره عمري 35 والعمر يجري احترت في أمري ماخليت شي ماجربته كل بنات العيله صاروا أمهات إلا أنا والله إني أنكسف من نفسي لأنه حتى اللي تحمل من العيله مايقولوا إنها حامل قدامي أظنهم يخافوا من العين ، طفشت من العلاجات ولا صرت أروح لدكاتره .