والله بالصدفه عطيتها الخلطه (( خلطه لتسهيل الولاده )) داقه علي اليوم تدعيلي

[سموة ذاتها]

بدون مقدمات

بنات قبل فتره كنت احوس بالقسم اهني ولا اقول لروحي ليش ما اروح للصفحات القديمه الي ورا افرفر فيها

والله بالصدفه ظغطت على رقم صفحه ما اذكر جم بس انه ورا حيل ولا ادش الصفحه اول موضوع كان مكتوب

وصفه لتسهيل الولاده بإذن الله نسختها وحفظتها عندي لان كل شي فيها طبيعي ينسون وحلبه ووو هالشغلات العاديه

المهم

عندي وحده من رفيجاتي قبل لاتدخل التاسع باسبوع عطيتها خلطه لتسهيل الولاده قلت موادها طبيعيه جربي منتي خسران قالت طيب

المسكينه دخلت التاسع وخذت اسبوعين سوت سونار قالولها راس البيبي تحت انطري لين يجيج عوار


ردت البيت تقول سويت خلطتج اربع ايام خذيتها تقول بعدها حاسه بممل وثقل بس ابي اولد راحت الطبيب تقول فحصتني الدكتوره قالت ماتحسين بعوار قلت نغزات خفيفه قالت حبيبتي انتي مفتوحه 5 ونص تقول حاشني عقر بقر تقول اسال الدكتوره اقولها يعني شنو !!! ولاده ؟؟؟ تقول اي تقول راقيه حزتها مادري ادعيلج ولا ادعي عليج هههههههههه من الخوف مسكينه

تقول الحمدلله لين انفتحت 9 ماكو الطلق المعتاد والعوار الي جاني بولادتي قبل واكيد كل شي بيد الله

وداقه علي اليوم تدعيلي وتشكرني انا تشققت شكيت ان الخلطه من انتاجي هههههههه

فـ حبيت احطها لك وعفيه بنات الي تجربها تدعيلي وتحط لنا تجربتها بعد الولاده ان شاءالله

وهذي الخلطه بلسان صاحبت الموضوع


بالله اسمعوني والله ما أكذب ياجماعه انا مجربه هذه الوصفه وعائلتي مجربتها كلنا نمدح فيها ومجربين فرق الولاده باستخدامها ومن غيرها...


عمل هذه الوصفه:
تفتح الرحم شويه شويه في مدة اسبوعين وانت ماتشعرى بحاجه
(ولله سلفتي راحت تراجع عند الدكتوره إلا الدكتوره استغربت قالت لها:الرحم عندك مفتوح اربعه سم انتى منتي حاسه بشي؟؟
وانا رحت للدكتوره وكنت بكر يعني حامل باول طفل ليا جاتني اوجاع زي الآم الدوره الشهريه ورحت وكنت امزح مع زوجي اقوله أتخيل تكون ولاده؟؟لأن الالام كانت مش جامده كثير
إلا الدكتوره تقولي الرحم مفتوح عندك سبعه سم؟؟)

الوصفه وطريقة عملها:

الوصفه عباره عن:
كمون + ينسون + نينخه + شمر + حلبه + محلب + حبه سوداء(حبة البركه)
طبعا كل الحتويات هاذى حبوب مش مطحونه
اما طريقة تناولها فهي كالتالى:
ملعقه صغيره من كل صنف تغلى في كاستين ماء الى ان يصبح المقدار بحجم كأس تقريبا تصفى وتحلى بالعسل وتشرب مع صحن صغير رطب
تشرب هذه الوصفه بعد مرور اسبوعين من الشهر التاسع كل يوم مره واحده


الله يسعدكم انشروا هاذى الوصفه لكل اللي تعرفوه
ترى انا ما اشوف حامل إلا اعطيها الوصفه سواء كنت اعرفها ولا لأ
الله يسهل لكل وحده حامل و يرزق اللي ماعندها اطفال.......
ولا تغفلوا عن نقطه مهمممه جدا جدا وهى الاساس لتسهيل الولاده وهى

الدعاء ..الدعاء..الدعاء........فالله عز وجل بيده تسهيل جميع الامور في حياتنا
والاكثار من تلاوة القرآن الكريم.......


***

بنااااااات ولا وحده تستخدم شي فـ التاسع لين تسوي سونار ويقولون لها راس البييي تحت

دعواتكم لي ياحلوين "ان الله يسهل ولادتي وبالتوفيق"

حبيت انكم تستفيدون مثلي وعشان كذا تم نقل الموضوع لكم

[عمري فداء ولدي]

مشكووره ماقصرتي

[نوره الأموره]

مآشآء الله عليهم

مشكوره أختي على المعلومه الله يسعدك ويجزاك خير

[بشرى الحمود]

يارب الله يسسسستر ...
ههههههههههههه بدات اخاف

[ùm Ļάyάή]

الله يجزااااك خير
ان شاااء الله تنفعنا يالبكريااات بعد الله لان تعرفين الخوووف من الولاده الاولى ههه
الله يسهل عليناااا جميعا

[ماكنتوشة]

مشكووورة يالغالية

انا لي 3 ايام مخلصه التاسع ولا احس بشي الا نغزات بسيطه
تتوقعي تنفعني هذي الوصفة

[سموة ذاتها]

المشاركة الأصلية كتبت بواسطة عمري فداء ولدي

مشكووره ماقصرتي

العفو حبيبتي

[سموة ذاتها]

المشاركة الأصلية كتبت بواسطة نوره الأموره

مآشآء الله عليهم

مشكوره أختي على المعلومه الله يسعدك ويجزاك خير

ويسعدك ان شالله يارب

[سموة ذاتها]

المشاركة الأصلية كتبت بواسطة بشرى الحمود

يارب الله يسسسستر ...
ههههههههههههه بدات اخاف

لا بليز لاتخافين ثم اخاف معك .. خلينا حلوين ومتوكلين على ربنا سبحانه والله يسهل علينا وعلى كل وحده حامل

[سموة ذاتها]

المشاركة الأصلية كتبت بواسطة ùm Ļάyάή

الله يجزااااك خير
ان شاااء الله تنفعنا يالبكريااات بعد الله لان تعرفين الخوووف من الولاده الاولى ههه
الله يسهل عليناااا جميعا

امين يارب وفعلا لابد من الخوف بس الاهم مانفكر كثير