أبي مساعدتكم...!!

[F6aMii]

السلام عليكم....اخباركم.؟
انا يديدة بالمنتدى واتمنى اكون خفيفة عليكم =)
وبصراحة ودي باسم حلو يركب مع اسم ريلي لان ريلي اسمه قصير وموراكب معاه ولا اسم...حاولت بأسم ((علي)) ماركب معاه....
حاولت باسماء كثيرة لكن ما حصلت....
وانا الحين حامل بس مادري اذا بنت او صبي وودي اعنيكم معاي بأسامي بنات و أولاد...
ويعطيكم الف عافية

[همس الموج]

طيب هو زوجك اسمه شنو عشان نعطيك اسم يركب عليه

[F6aMii]

فواز....<<<يالبا خشته بس :q
واكوون شاكرتلكم =)

[حبيبة توفي]

امممممممممممممممممممممممم
جاااري التفكير
وبسألك اخوي لأن اسمه فواز ابقوله اذا تزوجت وجتك بنت او ولد وش بتسميهم واقولك


انتظريني

[أم ياسمين]

احمد او بدر
نور او حور

[F6aMii]

حبيبة توفي:ماتقصرين تسلمين....بانتظارك =C
ام ياسمين:احمد جربته ماضبط معاي....بدر ممكن....بس هو مايبيه لاان اخوه بيسمي بدر<<<اخووه يسمي وانا اللي ابتلش بالتفكير :p
شرايكم باسم عز؟

[~~لحن الحياة~~]

حبيبتي في كتير اسماء اولاد حلوة متل
فادي / فراس/ فيصل /
ان شاء الله بالسلامة

[F6aMii]

تسلمي قلبي....
عجبني اسم فارس مش فراس.....
راح اسئلوا وشووف

[كاتمة الاحزان]

فارس \ فراس \ فايز

والله يتمم حملك

[عالية المقام]

سيف ولا مروان ولا ظاعن ولا سعود
شو رايج ؟!