نفسيتي تغيرت بعد الولادة (اكتئاب ما بعد الولادة)

[الجوري 2]

السلام عليكم ورحمة الله وبركاته ..
الله يرضى عليكم ويوفقكم ابغاكم تساعدوني ..من ثاني اسبوع من ولادتي تغيرت نفسيتي كثير . صرت كثيرة البكاء . وخوافه يعني اخاف يجيني مرض او اي شي اذأ حسيت بصداع اوشي قلت خلاص فيني مرض اكره بنتي واحس ما ابيها احس لو يصير فيها شي ما بهتم واذا بكت احس راسي يصدع مااقدر انام احس بموت في اي وقت وفيني خوف من دون سبب مدري ليه اخاف لدرجه يجيني اسهال والم ببطني وتمايل في الاطراف وبعض الاحيان رعشه في جسمي ..مليت من حياتي احس مافي شي فيها حلو ..زوجي تعب معي كثير ..رحت حللت كل شي سليم الدم والبول رحت مختبرات البرج حللت فتامين د قالو ناقص وصل 10اخذت اقراص لي 3اسابيع استخدمها ..علمآ باني محافظه ع الصلوات والاذكار وصلاة الليل ..يارب لك الحمد ..بس احس اني ماني مرتاحه حياتي كلها ماهي حلوه وتافه ..ماني زي اول ..حتى زوجي قال فقدني والله في البيت كاني صنم ما اتكلم معه ولا اسوي شي احس ملل طفش وكل وقتي بكاء تضيق نفسي اروح اتوضأ واصلي ما ارتاح زي اول ..كنت اصلي وارتاح اقرأ قران وارتاح الحين لا واوسوس في العقيده وفي ذات الله وخلاص انهارت حياتي ..احب ربي وابي يرضى عني ويسعدني لكن مع الوسوسه خلاص استحي اني اطلب من ربي شي لاني افكر في ذاته واوسوس .ومعي وسواس الموت عقدني ما اقدر انام جاني من الشهر الخامس وانا حامل وللحين ما راح عني والله يا خواتي ..اني اقنع نفسي واحاول اتقنع ان كل شي من عند ربي والناس كلها راح تموت لا انا الاوله ولا الاخيره كل نفس ذائقة الموت ..على كذا ما ارتاح ما تهنيت بحياتي .يا بنات الشكوى لله مو عليكم . لكن تعبت ودي ارجع زي اول ..مدري وش صار ..الله يسعدكم ويحرم وجوهكم وبيعدها عن النار ..انكم تساعدوني

[ام الزهراء24]

الله يساعدك ويفرجها عليك عن قريب حاولي تتخطين هالمشكله بكل هدؤ حبيبتي

[بياض الغيم]

هذا اكتئاب فترة النفاس مازال مستمر معك

فتحتي مجال لوساوس الشيطان استمتعي حاولي تحمدين الله كثير على مارزقك
بين يديك بنتك نعمه كثير تمنى ريحها

حاولي انك تسافرين لو ٤ ايام او تطلعين من بيتك لمكان فيه استرخاء اكثر

لاتعبين نفسك مافيك الا كل خير والله يحفظ لك بنتك من كل شر هونيها تهون

[شهآليل]

دايم تعوذي من الشيطان ووساوسه

وفعلاً غيري جووو سيري اعزمي صديقاتك او خليهم يجونك

لو تروحين الملاهي وتشوفين الناس والفله .. استانسي لاتقصرين عمرك بالهم والنكد

دايم لاتجلسين لحالك اشغلي نفسك حتى ماتفكرين ويضيق صدرك

وبنتك ماشاء الله تبارك الرحمن يانعمة الله لك .. راقبي حركاتها سولفي عليها خلي تتعود على صوتك واذا صاحت لايضيق صدرك امشي فيها وغني لها

خوذي الحياه ببساطه ووناسسسه بترتاحين

^_^

[ام عبد الهادي]

حبيبتي عليكي بالاستغفار واذكر الصباح والمساء الله يفرج همك

[حياتي قمراتي]

حبيبتي الله يعينك بس و الله هي اشياء بتصير و رح تتخطيها باذن الله

[ahlam-f]

اختي هي فتره وبتعدي انتي الحين بمرحله جديده بحياتك وتغيرات جديده حاولي تجلسين مع نفسك وتقولين ليش هالاكتاب والوسواس انا الحمد لله بخير وعلى اتم صحه وعندي زوج يحبن وبنتي عندي وبيت ساكنه فيه وربي انعم علي بالاسلام ليش اضيع كل هذا بسواس اجيبه لنفسي حسسي نفسك انك سعيده وماراح اضيع ايام عمري بالحزن .. واخر شي عليك بالرقيه الشرعيه

[الجوري 2]

الله يسعدكم شكرآ لكم ..الحمد الله الحين مرتاحه اكثر من قبل ..

[سوزان الرياض]

اختي هذا اكتئاب بعد الولاده
راجعي طبيبه نفسيه
وشغلي رقيه الضيق

[حبيبي عمور]

اختي استعيذي بالله من الشيطان الرجيم دائما او اذهبي لشيخ يقرا عليكي قراااان ويمكن يجيب فايدة بس انتي ما تخلي الوسواس يسيطر عليكي اتمنالك الشفاء عاجلا