بنات تكفون ساعدوني زوجي سببلي اكتئاب الولاده

[رولان]

السلام عليكم ورحمة الله وبركاته

بنات بدخل في الموضوع ع طول
انا نفاس لي اسبوعين كل شوي زوجي يعكر مزاجي بكلام والا بتعامل والا بهواش خلاص والله كرهت نفسي مرميه في غرفتي وهو في غرفه
انسان فارغ حياتي معاه مالها معني فطور وسحور فقط معاه واليوم كله بري او نايم واذا كان موجود مثله مثل الجدار تلفزيون ومسلسلات اقوله تعال بالغرفه نسولف يقولي تعالي عند التلفزيون وبعد صلاة الفجر اقوله اجلس عندنالين تحس انك بتنام يقولي انا تعبان بنام ويروح يدردش في شات البلرينقو بالايفون واليوم حصلي موقف من المواقف فتحت الايفون البرلينقو برنامج الدردشه حصلته ماشاءالله داخلي غرف فيها بنات وشباب ويسلم عليهم ويسولف معهم انقهرت انهرت بكيت سبته عالفطور لوحده مع اولادي
ورحت غرفتي وبعد ماشبع من التلفزيون مر علي بالغرفه شافني ابكي تخيليو ايش يقول يقولي هذا اللي يكرهني فيه والله اكتبلكم وانا ابكي اشكي لمين لاهلي ما ابي اكبر الموضوع وزوجي راهق في اخر عمره
ولمن كلمته قالي والله مادخلتها وهذه الغرفه مو عندي وقبل فتره حصلت دردشه مع بنت وغزل ايام حملي وحلفلي انو مو هو لان جواله كذا شخص يطقطق فيه
المهم خاصمني وهاوشني وتلفظ علي ايش رايكم اكلم اخوي الكبير مليت من صبري عليه كرهته وعفته شوروني انصحوني لو غلطت*

[شمايل بنت الدمام]

مالك الا الصبر حبيبتي ولا تقولين حق احد مشاكلك والله بتندمين
خلي سرك مدفون ببيتك والله يصبرك حاولي تغيرين الروتين شوي
مثلا اذا شفتيه يتابع التلفزيون اجلسي جنبه مافيها شي سولفي انتي
اخترعي اي سالفه ولا امدحيه قولي له مثلا حلمت فيك خليه يستانس
الفي عليه حلم حلو يكون فيه شهامه ههههه انا اسوي كذا ويتظبط ..

[ورده وسط شوك]

لا لا تكلمي احـــد.. انتي الان في فتره صعبه لكي.. فتره نفاااس والنفسيه مايحتااج..
انا لو منك اتغاضى ان الموضوع كله..عارفه صعبه .. بس حاولي انك تطنشي لين تتشافي وترتاحي بعدين تربيه.. زين..
اكيد هو عنده فرااغ واسباب خلته يروح لشات ودردشه.. مو بس مع البنات حتى الشباب..
الان اهتمي في نفسك و بـــــــــــس.. قوي نفسك وغذيها وحتى نفسين تفالي داايم وحاولي تبسطي نفسك واذا بتبكي وتجيكي حالات انهيار في النفااس >>مثلي
قفلي غرفتك عليكي وطلعي الي في راسك دمووع وارتاحي وارجعي قوويه قدامهم..
بعــــد.. النفاس ولما يشوفك ويشوف حلاوتك .. وكيف طالعه مثل القمر هناك تحاسبيه وتتحكمي فيه بعد..
اهم شي لا تكبري الموضوع وتفضحي زوجك وامنك تكون مشكله كبيره تندمي عليها لما ترتاح اعصابك بعد النفاس..

[رولان]

تسلمين شمايل علي مرورك

[رولان]

ورده والله صايره مثل الطفل بس ابكي انهيار مو طبيعي ماني متعوده كذا اذا زعل كنت اروح لاهلي ماافكرفيه بس الوحده ذبحتني
تسلمين علي الرد وكلامك درر *

[جريحة المحبه]

شوفي اختي زوجي مثل زوجك تماما مااشوفه الا عند التلفزيون والافلام ولا بالنت حتى الوجبه

لازم يفتح اي شي يلهى عني يعني مافيه وقت فارغ انا وياه لازم يدخل ملهيات ياتلفزيون ولا نت سواليف فنش

شوفي الشاكليه من الرجال يبيلهم انك تنشغلي عنه يعني لاصار عند النت ولا التلفزيون روحي زيني شغلك يعني لايشوفك ابدا فارغه

تصدقين اني ماازين شغل بيتي الا اذا كان زوجي موجود وربي مااستفيد من جلسته بالبيت شي يقهر وربي

عموما طولت عليك والله يفرجها عليك يارب

تحياتي

[اللؤلؤة اللامعة]

البكاء يزيدك هم وضعف وعمر البكاء ماحل شي انصحك تتغذين وتتعافين ولمى تقومي بصحتك غيري شكلك واستايلك واصبغي خليكي مثل العروسه والاهم من كذا خلي كلامك كله ينقط عسل وثقيله واذا على البنات هيتركهم بس بشطارتك امسكي بيتك ولاتشتيكين خليكي ذكيه ولايشوفك يبكي ترا الرجال مايحب الحرمه الضعيفه وكثيره الشكوى يالغلا الله يوفقك

[ام جيانا]

شدني موضوعك وحسيت فيك قلت لازم ادخل واريح بالك
اول شيء الحمد لله على السلامه ومبروك النونو
ثاني شيء انا بقولك وبقول لكل الاخوات الي يمرو ويقرو موضوعك
وكل وحده تعاني من هالمشكله
شوفي عزيزتي لازم تفهمين ان كل الرجال وقت حمل الزوجه ونفاسها
يتغيرون بمعنى بيصيرون مزاجهم سيئ او عصبيين او يشغلون انفسهم بشغلات
مالها داعي ويضيعون وقتهم بمثل السوالف الي قلتي عليها وع الداخله والطالعه
يتأفف ويخلق مشكله من لا شيء او يطلع ومايرد الا متأخر او يبحر بالنت
ومواقع مالها داعي ومن هالامور,, بس تدرين ليش هم يسوون كذا؟؟؟
بكل صراحه ووضوح لانه مايقدر يستفيد منك بالفراش وعقل الرجل ومزاجه
مرتبط بشكل غير طبيعي بهالسالفه والله اني مجربه واعرف هم كذا سبحان الله
بس الزوجه تتعب او تكون بمرحلة نفاس تصير اخلاقه تجاريه الا من رحم الله منهم
ومايدرون ان الزوجه في هالمرحله في امس الحاجه لكلمه حلوه وطيبه
المهم اختي تاكدي زوجك يحبك بس مايعرف يعبر وخاصة بهاالفتره
وبيقصر بس بدون قصد وبجهل منه
نصيحتي لك
اولاً ريحي قلبك مررررررررررررررره وعلى الاخر وتعوذي من الشيطان
ولا تفتحين جواله ابد ولا تدورين وراه ولا تغثين نفسك وطنشي كل شي يضايقك
لان هالامور مابيدور عليها اذا قمتي بالسلامه وبنساها وانتي بشطارتك بتنسينه
ثانياً اهتمي بنفسك وصحتك جسدياً ونفسياً اكلي زين واعتني بنفسك وبالنونو
وحطي ببالك انها فتره وتعدي واهم شيء ينتهي النفاس والاربعين يوم بسلام
وترجعي مثل اول واحسن
ثالثاً تذكري مو انتي بس الي تعانين هالمشكله والله تقريباً كل الزوجات بس الشاطره
الي تمشي امورها ومااشوف ان فيه داعي تكلمي اخوك او اي احد ثاني لاني متاكده ماراح ينفعك بشئ ويمكن هو مع زوجته كذا
واحتسبي الاجر يااختي وبس تعدي هالفتره سوي نيو لوك جديد وابهريه
ولين يجي ذاك اليوم حاولي معاه بالطيب عتاب بسيط وكلام حلو بس لا تنتظرين
انه يعبر بحنان ...... لان الرجل مهما كان مايملك رهافة احساس المراه
اهمي شي اقنعي نفسك انك مرتاحه والحمدلله دامك طيبه وعيالك بخير
كلللللللللللللللللللللللللللللل شي يهون
الله يوفقك يالغاليه