خايفه طمنوني هل يكون الجنين تأثر؟!

[جديدة في عالم الأمومة]

ياجماعه أنا أمس الفجر قمت من النوم لقيت نفسي نايمه على جزء كبير من بطني وبعدها من أمس ما حسيت بحركة الجنين إلا اليوم في الصبح وكانت حركه خفيفه مع العلم إني كنت احس فيها أكثر من كذا بكثير وانا إلحين بنص الرابع الله يخليكم طمنوني هل هذا طبيعي أو يكون الجنين تأثر لأني نمت على جزء من بطني؟!

[أم الحلوين]

ما دام رجع واتحرك ...إنشاء الله مافيه إلا العافيه ..إنشاء الله تفرحي فيه وتقومي بالسلامه

[تفاحة حمرا]

ان شاء الله البنات يفيدونك

[**سماسم**]

لا تخافين يالغاليه كثير تصير تنام ويوم تصحى تلاقي نفسها نايمه على بطنها ..
وأهم شيء حسيتي بحركته ..
و الله يفرحج بشوفته سليم معافى ..

[بنت زايد]

لا تخافين ان شاء الله مافيه الا العافيه يالغاليه

[جديدة في عالم الأمومة]

الله يجزاكم خير ويفرج همكم ويفرحكم بشوفة ضناكم ابشركم توني قاعده اكتب عشان ارد عليكم تحرك الجنين مره ثانيه الحمد لله الله يحفظكم

[أشواق]

الحمد لله وماااااشاالله تبارك انا باول اسبوع باالخامس وللحين ماتحرك
الله يطمني وياك وجميع حوامل المسلمين

[مليت فرقاكـ]

الحمد لله..لاتحاتين ويجيك وسواس مثلي ههههههه

[manmouna]

ماتخافي يا اختي مدام تحرك فهو بخير ان شاء الله لا تقلقي انا في اول التاسع مرات بصيرمعي كداا ربنا الحافظ

[نونه المزيونه]

حبيبتي لاتخافين مادام ان فيه حركه فهو بخير
وفي الشهر الرابع مو كل يوم تحسين في الحركه يعني يوم اي يومين لا والعكس صحيح
لكن في الشهر الخامس غير حتى النوم على الظهر ممنوع والحركه راح تحسي فيها كل يووووووم وناااااااااسه ههههههههه
انتبهي ياعمري لنفسك
والله يقومك با السلامه