غير مسجل القوانين الجديده لمنتدى المشكلات الأسريه والأجتماعيه

[sweet moon]

السلام عليكم على جميع رواد قسم المشكلات الاسريه والاجتماعيه هاذي القوانين الجديده للقسم المشاكل الاجتماعيه الرجاء الالتزام فيها قبل تكتبين موضوع او تردين على موضوع واي شي مخالف للقوانين المكتوبه يحذف 1-قبل تطرحي مشكله ياليت اولا تكتبي عنك بيانات وعن الشخص اللي بتتكلمي عنه بالمشكله اولا اذكري عمرك وعمر اللي بالمشكله عشان نعرف نتفاهم معك على حسب عمرك كل مرحله عمريه لها ردها اللي يناسبها مؤهلك التعليمي ومؤهله حالتك الاجتماعيه صله القرابه بينك وبين صاحب المشكله _______________________ 2- لما تبغي تطرحي مشكله في القسم اولا اذكري المشكله بحذافيرها من الى ياليت تراعين المصداقيه في الكتابه ياليت تبتعدين عن المثاليه ( وانا اصلا جميله بشهاده الكل وانا اصلا ماقصر والكل يشهد ) اذكري الصفات كلها بالسلبيات والايجابيات سواء عنك او عن اللي بتطرحي عنه المشكله __________________________ 3- لما تكتبي اي مشكلة خاصة بالعلاقات الزوجية لاتتعمقين بالوصف اوصفي لكن بطريقه غير مباشره واحنا بنفهم والكل هنا متزوج يعني كلامك مفهوم مايحتاج تذكرين لنا كل شي بالتفصيل وكمان بالنسبه لردود ساعديها لكن بدون وصف مخل بالادب ولا عند الخاص قولي اللي تبينه لها احنا نساعد بعض بهالقسم لكن بحدود ______________________ 4- اي رد جارح او خارج نطاق الموضوع يحذف هاذا القسم انحط لعلاج المشاكل والتخفيف عنها مو للسب والكلام اللي لايودي ولا يجيب فيعني ياليت قبل تردين تتذكرين الاحترام ثم الاحترام والرد اللائق ________________________ 5- كثرة رسائل طلب الحذف من صاحبات المشكلات لحذف مشكلتهم الخاصة الي طرحوها هالشئ مخالف ومن بعد اليوم هالشئ ممنوع ولن ينظر في الرسائل من هذا النوع .. الي ماتحب يوزرها يظهر بالمشكلة تقدر ترسلها لي على الخاص او على باقي المشرفات واحنا بأنفسنا بنزلها بالقسم من دون مانبوح باي شي يخص صاحبه المشكله الرجاء الالتزام بكل القوانين المذكوره عشان ماينحذف موضوعك او ردك ملاحظه : عنوان الموضوع مايقصدك انتي بالذات العنوان موجه لكل اخت تدخل هاذا القسم بتلاقي اسمها بالعنوان مو تجينا وتقول ليش اسمي مكتوب ايش معنى انا ضمن البنات ذكرتوا اسمي تاكدي ماحد قصدك هاذي خاصيه بالمنتدى فامابي اشوف اي شكوى او رساله موجه للمشرفات بخصوص هالشيء ملاحظه ثانيه : الموضوع متجدد والقوانين متجدده باستمرار فالموضوع وشكرا