كيفكم ؟أخبااااااركم ؟
أبشركم ولدت يوم الأحد 6-7-1431هـ وجبت بنوتـه حلوه وسميتها
(أسيـــل) ربي يخليها لي وعقبالكم يارب.
في يوم الجمعه حسيت بمغص ببطني يروح ويجي والم في ظهري بس ماتوقعت أنها بدايه طلق وسويتلي مويه دافيه وتقرفصت شوي وراح الألم والمغص ونمت الصبااح الفجر وصحيت العصر وأنا احس كل خمس دقايق بألم يمسكني في ظهري وبطني من تحت ومطنشه قلت كذب ماتوقع أنها ولاده وقلت لزوجي يالله طفشانه خلنا نتمشى والله ورحنا نتمشى بالسياره والألم أحسه يزيد والوقت اللي بينه يقل قالي يالله نروح السوق قلتله لا أحس بألم يالله نروح البيت ورحنا المغرب ع البيت وتسبحت بمويه حاره والألم يزيد وبعدين الألم يزيد بالمره وقريت قران وأمي حست فيني وقالت وش عندك وقلتلها وقالت هذا طلق كذب قربت ولادتك يعني وقعدت في غرفه أنا وياها وأمشي ووقف كل شوي وحاولت انام ماقدرت لحد الساعه 2 بالليل وقالي زوجي يالله لازم تروحين انتي مره تعبانه بعدين مابتقدرين تنزلين الدرج لأن أحنا بالدور الثالث وصعبه ورحت الطواري وقالتلي مفتوح 4سم ماشاء الله وقالت امشي ولاربع ساعه ماقدرت اتحمل وقعدت اصارخ شوي شوي بيني وبين نفسي وبعدين كشفت علي وقالت 7 سم وبعدين جاء 9سم وخلاص حطوني في غرفه الولاده وقعدت نصف ساعه وماجاء 10 الا بالغصب بعد معاناه وصراخ والمشكله مافيه دموع العين خلاص جفت شكلها في هذاك اليوم وانا قاعده وقلتلها هاه أدفع قالت لا لا مافيه دف قلتلها ليه خلاص مفتوح قالت لا بيبي فوق لاتدف وأنا ادف والله غصب عني والمويه تنزل وش اسوي ماقدرت وهي تقولي لا نفس نفس بس مافيه دف والله مره تعب بعدين ماحسبت أنها تقولي يالله اللحين دف ودفعت بكل قوتي وتقولي اقوى وش اسوي ادف قوه بس يالله الحمد لله تيسرت قعدت نصف ساعه وأنا ادفع وطلعت البنت الساعه 7 ونصف الصبااح وراح الألم كله وطلعت كل الدموع والأبتسامه من قلب اول مره في حياتي احس بهذا الشعور وخيطوني وانا بس قاعده اطالع في بنتي وهم يمسحونها والله حلو الشعور
بس بصراحه الولاده ذكرتني بيوم القيامه كيف بتكون نار جهنم وعقاب ربي وشلون والحمد لله يارب على هذي النعمه وتذكرت أمي كيف جابتني وصرت احبها أكثر
وعقبالكم يارب تسهل ولادتكم والولاده كل الم فيها تمحو الذنوب اللي فينا
وشكرا