قالولي ولد وبعدين بنت شو السالفه تعالو شوفو قصتي ؟

[أم البندري111]

مرحبا بنات


بس ابي اسألكم
أنا سويت سونار في بداية الرابع وقالولي احتمال كبييييير جدا ولد لان في شي بين رجوله

طبعن ستانست لان ودي فيه لان عندي بنوته قبل
طبعا مو معناته اني ما ابي بنت بالعكس ابي رفيجه بنتي تونسها وتلعب معاها شكلهم بيكون حلوين مع بعض

بس في آخر سونار سويته عند دكتوره ثانيه من يومين قالت لي بنت ميه بالميه بصراحه استغربت وروتني بين رجول البيبي لاكن من الخلف يعني من جهة ظهره قالت شوفي مافي شي بين رجوله معناته بنت

قلت في نفسي كيف لازم اتأكد ما ابي اتعلق بجنس معين وبعدين اذا ماطلع اتحطم رحت عند الدكتوره الاولى وقالت ما اقدر أأكد لج لان البيبي صغير انتظري للاسبوع العشرين وسوين سونار مره ثانيه عشان نتأكد ؟؟


الحين من قد صار لها مثلي
معقوله يقولون ولد وبعدين بنت
او بنت وبعدين ولد انا الحين في الاسبوع ال16 واتوقع كل شي واضح من تجارب الاخوات ؟

[ρυяỉтч •]

الا يكون واضح عادي ياقلبي ،
وكثير بنات قالولهم ولد وبعدين بنوته ، وفعلا جت بنوته
عموما انتي اصبري لين الشهر الجاي وتتاكدين
وسواء بنوته والا ولد يارب لك الحمد ويحفظهم لك يارب ويسعدك فيهم
لاتشغلين بالك بجنس البيبي ، ولا تتعلقين لا ولد والا بنت
اذكر بنت بالمنتدا عملت اشعه رباعيه ، يعني مره اكيده وواضحه .. واكدوا انها بنوته
وب الاخر جا ولد .. وفعلا مثل ماقلتي تحطمت نفسيتها ..
ان شاءالله بالسادس يكون واضح مره وتاكدلك الجنس يارب

[نعمة ربي]

انا بعد اختي صار لي جي عادي

[همسات دافئه]

انا سار معايا كذا بالخامس قال ولد

وبالسادس قال بنت

بالنهايه راضيه فيهم الاثنين

[تووووووووووتة]

حبيبتي ممكن السونار يخطئ احيانا لان سبحان الله الاعضاء التناسليه للاجنه تكةن متشابهه عن البنت والولد

في بداية التخلق بعدين الولد يبرز اكثر والعضو عند البنت يختفي لذلك يختلف افضل لك تستنين الي الاسبوع 24 بيكون اكتمل التخلق ويبان اكثر

[ام سمر الاردن]

انا صارت معي في بنتي
قالولي في بداية الرابع انه ولد بس طلع الحبل السري بين رجله وبالتالي كان التشخيص خطأ وبالتالي على شهر السادس قالولي اكيد بنت وجبت احلى بنوتة بالعالم ربي يحفظها
حبيبتي السونار يكون ادق كلما تقدم الحمل وما في فرق اهم شي تمام الخلقة

[أم البندري111]

مشكورات حبيباتي معاكن حق بصراحه احساسي صار يقولي بنوته مع انه كان خاطري بولد بس الحمدلله على النعمه
وشو ماكانو بفرح فيهم فديت قلبهم وانشالله الله يكتب لي الولد في الحملات الجايه اذا الله راد

[مامت عبودي]

حبيبتي ياريت تشوفي هذا الموضووووع راح يفيدك


http://forum.hwaml.com/t31238.html

[""ام حمودي""]

عزيزتي انا اخذت سونار اول الرابع وقالت الدكتوره ممكن يكول يكون ولد بس مو اكيد لان احيانا الحبل السري يكون نازل ويخدعنا بس رحتلها بنص الرابع اي بعد اسبوعين واكدتلي انه ولد
فممكن يكون بالسونار الاول الحبل السري كان نازل وتصورت الدكتورة ولد
وممكن يكون الحين لسه صغير ومو باين واضح انتظري اسبوع وروحي راح يبين واضح بس روحي لدكتوره شاطره

[االقادم اجمل]

افضل فتره تكون بإذن الله صائبه لما تكوني في الشهر السادس
نصيحتي لتكشفي عن جنسه حتى تكوني في الشهر السادس