ساعدوني الله يوفقكم أنا حامل ونفسيتي جداً تعبانة وخايفة موت من الولآدة الطبيعية ..

[ٱﺗﻨﻔـﮯـﺱﮪۅٳﮔﮯ]

السلآم عليكم أخواتي بالمنتدى أنا متزوجة

صار لي 3سنوات وعندي ولد عمره سنتين

ونص طبعاًاا ولدته ولآدة قيصرية لأن كان

معترض يعني واقف والحين أنا حامل الحمل

الثاني وقالت الدكتورة إحتمال تولدي طبيعي

وربي خايفة كثير ونفسيتي تعبانة وماعندي

خبرة بالولآدة الطبيعية وكل ماأسأل وحدة

كيف الولآدة الطبيعية مرة وحدة تقول ماتألم وحدة
تقول يألم كثير وبغيت أموت وأنا أخاف كثير

يابنات اللي مجربة الولآدة تقول لي والله أني

خايفة وأخاف أني وأنا أولد تكون ولآدتي

متعسرة وماأقدر وأموت ساعدوني ربي

يوفقكم دنياوآخرة طمنوني هل يعطون بنج

عشان ماأتألم بالولآدة ؟ لأني أفكر أطلب ولآدة قيصرية

[تــوفي]

هلا اختي انا باقي ماولدت ولاجربت بس انصحك لاتخافي ولاتسمعي كلام الناس خليها على ربك وربي بيسهلها ان شاءالله


انتي توكلي على ربك وربي يسهل لك ويقومك بالسلامه

[Miss YoYo]

والله يا حبيبتي لا حنا أول ناس ولا آخر ناس تحمل وتولد
من يوم يومها الناس على الأرض تحمل وتولد
وهذا مافيهم إلا العافيه يعيشون ويربون عيالهم و العيال يجيبون عيال
حتى الحيوانات تحمل وتولد
ليش الخوف الزايد عن الطبيعي
تسمعين كلام فلانه وعلانه .. كل وحده بتوريك إنها مسكينه وتحملت الألم
وإن مافيه أحد ولد زيها وكانت بتموت .. وتزيدلك شوية فلفل على اللي صار

اول شي حطي هالكلمة براسك (( لايكلف الله نفسا إلا وسعها ))
وتوكلي على ربكـ ... هو يكتب اللي فيه الخير
وإذا على الألم مافيه احد يموت من الألم
شوفي امك وكل اللي تعرفين ولدو وتألمو وللحين عندك بسم الله عليهم وربي يحفظهم لك
تتألمين كم ساعه وبعدها تخلص الولاده وخلاص كل شي يروح
وإن ما بغيتي ألم الحين الطب الحمدلله معطيك مجال تولدين وانتي مرتاحه
تقدرين تاخذين مسكنات أو ابره ظهر
ماتحسين بشي حتى البيبي ماتدرين متى تبدأين تدفعينه هم يقولون لك ادفعي ووقفي
خلي عنك خرابيط الناس والحكي اللي ينقال

فوضي امرك لله وتوكلي عليه وحطي همك عنده
بدل هالوساوس اللي مالها داعي قولي يارب سهل علي
وربي يرزقك إن اشاء الله الولاده السهله الميسره

[عيش الحياة]

بصراحة الخوف الزايد يعقد الموضوع واهم شي وقت الولادة الهدوء والولادة كلها الالم ساعات معدودة خلاص اعتبريها تخفيف ذنوب ولا تفكري بالولادة خليها على ربك انا لما كنت وقت الطلق كنت افرح نفسي اني حتخلص من الحمل وأرجع زي زمان وحيجي نونو وكذا يعني احاول اخفف عن نفسي

[na3ooma]

كلام مس يويو صحيح كفت ووفت
ولاتنسي ابدا ابدا ان الطبيعي اسهل من القيصري , والالم يختفي بمجرد الولادة مو زي القيصري يبدا بعدها .
وتقومي بعد ساعات بسيطة وتمشي وتتحممي وتلبسي وبدون الم باذن الله ولابطن توجع ولاخياطة جرح كم طبقة

ان شاء الله تحكي لنا قصتك وتقارني بنفسك بينهم وتشوفي ان شاء الله كيف الصحة والعافية تفرق .

[المخملية]

اسمعي ياحبيبتي
الالم لابد منه والا ماكان فضل الام عظيم
لكن هي كلها ساعات تتألمين فيهاا
اصبري واحتسبي ان هالالم يكون تخفيف ذنوووب
انا زوجي لما اشكي له من الالم يقولي يابختك هالالم نتيجة تكوين انسان وفيها تخفيف ذنوب احمدي ربك انو ربي رزقك بشي يخفف ذنوبك
وفعلا كلامو صحيح
حاولي ماتشتكي وتجزعي عشان ماتفوتين عليك الاجر وبس قولي الحمدلله

ثاني شي ابغاك تسمعينو مني
طنشي كلام الحريم ...
انا اكتشفت انو الحريم يشتكون عشان تخاف يقولون ياحظها فلانة ماتتعب في الولادة
والعين حق ومن حقها الوحدة تخاف علي نفسها لان الناس تحسد علي كل شي اعوذ بالله
فأكيد بتلقي نااااس تهول لك وانها بغت تموووووت وانها تعبت وانها توبت تحمل وانها وووو
طنشي هالكلام كلو
وخليك علي يقين الولادة تيسير من الله وتسهيل
خلي كل املك بربك
وكل مازاد الالم اعرفي انو قربت ولادتك وقرب قدوم الي انتظرتيه 9 شهوور
وابعدي الخوف والقلق عنك لانو يزيد عليك الالم
علي طول خذي نفس بالكشف والطلق والدفع
والله يسهلك ووييسرلك ولادة سهلة زي شرب الموية

[جوكره]

انا ولدت من اسبوعين
زمان كنت خايفه اتزوج عشان لا احمل و اولد .. و كنت خايفه من الولاده و فرفرت كل المنتديات و انا اقرا قصص ولادات الحريم
طلع الموضوع مايخوف الا والله سهاله من ربنا و حماس بالعكس
و مو داكا الالم المخيف اللي تسمعيه من الحريم
اتكلي على ربنا و صدقيني الولاده ماااااااااااااااتخوف .. و ربنا يسهلك .. و تكبري و تحكي عيالك

[انثى من عطر]

فعلااا

مس يووو

كفت ووفت



فوضي امرك لله


وهي لحظات و راح تعدي

وتشوفي احلا نونو في الدنيا في حضنك


انا كنت خوااااااافه في حملي الاول

وسبحان الله
الله يسر ولادتي

وكتشفت ان الحريم فعلاااا يبالغون


لو انها شي مميت

مالقيت الوحدة مخلفة ثلاث و اربع
وخمس
و درزن و
نص درزن

((خخخخ

[الأميره وبس]

البنات كفوا ووفوا وكلي أمرك لله وبسسس

[ٱﺗﻨﻔـﮯـﺱﮪۅٳﮔﮯ]

المشاركة الأصلية كتبت بواسطة تــوفي

هلا اختي انا باقي ماولدت ولاجربت بس انصحك لاتخافي ولاتسمعي كلام الناس خليها على ربك وربي بيسهلها ان شاءالله


انتي توكلي على ربك وربي يسهل لك ويقومك بالسلامه

جزآك الله خير حبيبتي توفي على النصيحة وربي يقومك وتولدين بالسلآمة وأنشاءالله ربي يسهل لك ولي يالغالية ..