تعبت من زوجي

[نبع الكوثر]

السلام عليكم ورحمة الله وبركاته
انا ابي ادخل في الموضوع على طوووول
مدري اقدر اسميها مشكلة ولا شنو بس ابي حل لان نفسيتي تعبت كثيييييييييير وابي افضفض
انا متزوجه تقريبن من 3سنوات وشويات وانا احب زوجي كثير وهو بعد يحبني
بس زوجي دوامه طويل والحين صار اكثر يعني يرجع بس يوم الجمعه وليلة السبت يطلع العمل
يعني ابد مانقعد مع بعض خصوصا انه يجي من العمل تعبان وبناتي صغار ويسببو زعاج ويزهق منهم
ومهما حاولت اعدل نومهم يرجع ينعفس
بس احسه يبي متى ينامو ويقول لي قومي مهما كنت تعبانه او ابيه يجلس معي
مافي وقت حتى الى الكلام حتى وانا اكلمه يتلمسني لمسات شهوانيه الى درجه اني كرهت الجماع صرت احس نفسي اني بس جنس في نظرة وكل مرة اكلمه يقول لي صحيح انا مقصر وانا وانا ويوعدني يتغير
بس يصير معي حلو في نفس اليوم بس
واليوم الى بعده يرجع اعضم من قبل

المهم هو بدا يشتغل من رمضان الى فات الى الحين ماخد اجازة ولا يوم بسبب زحمة الشغل
والحين لان تازمت نفسيتي قربت تكمل سنه واحنا كدا متحمله مساولية البيت والبنات وكل شيء بوحدي وتعبت وقلت له مو عدله منك كدا خد لك اجازة سبوع وخلنا نسافر
قال انا ماعندي فلوس
قلت له طيب مو لازم نسافر بس اجلس معي تعبانه ابي احس بوجودك جنبي مشتاقه الى الجلسه والسوالف والطلعه ابدا محبوسه وطول يومي شغل مافضي وبناتي صغار وحده عمرها 7 شهور والثانيه سنتين و6شهور يعني اتعب واااااااااااجد وحدي
وافق واخد اجازة ابتدات من يوم الجمعه
ويوم السبت وداني بيت اهلي وراح يتمشى مع الشباب قلت له اوكي
ويوم الاحد قلت له خلنا نرتب الاشياء الى يبي لها ترتيب لانه واعدني يبي يرتب معي
وانوار البيت كلها محروقه ابيه يعدلها
بدا يرتب معي وهويثاوب ويقوا اف وفجاة عصب حتى على البنات صار يصارخ
وقلت له اعصابك ادا تعبان روح نام
وعصب علي وضليت ساكته وانسدح ونام مكانه ولما ادن الظهر صحيته يصلي وينام داخل لان عنده زواج ابن عمه
ودخل صلى وطول الوقت يقول اف اف اف اف
مرة وحده بدل وبيطلع
وكل ماساله اش فيك في شنو تفكر يقولا ولا شيء مو عارف اعبر اقول له مو لازم تعبر قول الى في بالك يسكت وقال لي اف
انا حزتها انفعلت وقلت له كلشيء اف انا شايله البيت كله على راسي وبناتك وهامله نفسي ولا قلت لك اف انت عشان قلت لك امسك بنتك لحظه بخلص شغلي تقول لي اف
وقام يمزح معي

ولما قلت له اش رايك نصبغ غرفة البنات قال لي انا فاضي ماعندي وقت قلت له انا قايله لك تاخد الاجازة بس عشان لاتقول لي دي الكلمه انت في اجازة وش عندك مو فاضي
سكت عني

ولما قلت له شوف لك يوم عشان نروح نشوف اسرة الى البنات نشتري لهم
قال لي ترى مافي وقت انا ببدا دوامي يوم الجمعه قلت له اوكي احنا متفقين نسوي دي الاشياء قبل لاتاخد الاجازة واحنا تونا الاحد يعني باقي4ايام قدام



المهم انا زهقت من كثر مايقول اف وسكت وظليت ساكته ورجع حظني وهو ساكت ونفس الشيء يقول اف ولا يرضى يقول شنو شاغل باله وضليت ساكته وراح الغداء وراح البركه وراح الزواج وانا على نفس الحال واصيح ونفسيتي صارت زفت وحسيت انه واعدني بس كلام واني مابستفيد من الاجازة ولما سالني اش فيش قلت له مافيي شيء بس انا مضايقه وادري ادا صارحته بطلع انا الغلطانه ماخليه يرتاح فسكت ومو عارفه ايش اسوي راح نام ولا حس بغلطه الى متى راح اعيش بحرمانن

اسفه على الاطاله بس اتمنى اسمع ردود تريح بالي شوي لان متازمه حددددددددددي

[خربشات انثى]

الله يكون بعونك هاذا الرجال كل شي يمشي بكيفهم اجل انا شقول الي كل يوم معي وكل ما قلت له ابي اطلع قال حر زحمه اسعار غاليه ومن ولدت وانا بس بالبيت وان طلعت رحت بيت اهلي تعبت وانا اقول له نبي نطلع ابي اغير جو نفسيتي تعبانه اذا الجدار يحس هو يحس الله يكون بعونه وان شاء الله يتعدل الحال ما في شي بعيد عن ربي يااااااااااااااارب

[▂▃ سوسو القمر ▃▂]

اتووقع الاوف الي كل شووي يقوولها لانه تعود ع جو الشغل ومو متقلم مع الاجازه فعشان كذا طفشاان وزهقاان
ع فكره الرجال يحبون الشغل بس بصرااحه شغل زووجك مرره متعب وكثيير يغيب عن البيت
الحق معك المفرووض اذا رجع يعووضكم

ع فكره في معلوومه سمعت عنها وقريتها بالمنتدي من يوومها وانا ماعد احس بالاحساس الي يجيك انوه انتي للجنس بس خخخخخ
المعلوومه الله يسلمك تقوول
انا الرجل يري الجنس كل حياته فا اذا زعلك تلاحظين انه يبغي يجامعك ليش ؟؟
هو بهذي الطريقه يعبر عن اسفه بطريقه غير مبااشره
ولو رديتيه رااح تكون صدمه له
وفعلا انا لاحظته بزوووجي
فيعني الرجااال كذا ربي خلقهم
الله يعينك ويهوون عليك
طيب ليش ما تتعرفين ع جااراتك وتطلعو سواء اذا عندكم حديقه قريبه
زووري اهلك واهله واقرباكم املئ وقتك بشياء مفيده
ولا تفكرين بزوووجك والله يكوون بعوونك يارب
ويسخر زووجك لك

[ادعو الله]

الله يسهل عليك الحال من بعضه تروح الاجازه وتجي بيت اهلي ولو طلعنا تذمر صرت ببيتي حتى بيت اهلي ما اروح كلن يتمشى ويجي الاانا اخترت اعيالي اجازه بالرغم انهم يحنون وزوجي عمل يوم ويومين اوف اقوله يوم لي ويوم لربعك هو اليومين لربعه اووووووووووووووووووووووووووووووووووووووووووووووووو ووووووووووووف الله يفرج همك وهمي

[sweet moon]

الله يسهل يااختي

وكل مشكله ولها حل ان شاءلله

زوجك الله عالم وش مشكلته

هو يافيه شي شاغل باله

ولا انه انسان اتكالي ومايحب الروحات والتاثيت وهالمشواير

في البدايه اعرفي وش مشكلته

اجلسي معاه برواق وهدوء وقولي له وش فيك كون معي صريح

حاولي تخلينه يعرف يعبر عن مشكلته اللي مو عارف يصيغها بالكلام

ومن بعدها استغلي الاجازه

البسي عبايتك وقولي يلا نطلع نأثث مع بعض دامك اجازه وفاضي

وياليت ماتقولي مشغول احنا اهلك ولنا حق عليك تعطينا من وقتك

واليوم اللي بعده شوفوا غرفة البنات حاولي تنظمين الوقت وقت السوق

وقت مع اصحابه ووقت لوحدكم والبنات نايمات

واذا جميع المحاولات بائت بالفشل

مالك الا حل واحد وبيجيب نتيجه بإذن الله

شفتي كل الكلام اللي كتبتيه لنا وفضفضتك

اكتب له بورقه نفس الكلام والشكوى باسلوب موجهه له

واتركيها بمكان تكوني متأكده انه راح يقراها

وصدقيني بيحس لان الكتابه يكون لها اثر اكثر من الكلام

وقولي لي ايش بيصير معاك

[أم ســـــامر...]

الله يعينك ياقلبي

[نبع الكوثر]

شكرا لكم على الردود ريحتو بالي

[!راما!]

يا قلبي انتي
لا تزعلي صدقيني اغلب الحريم كذا حياتهم لله يكون في عوونك اجل انا وش اقوولك عندي 3 اطفال وحااامل في الرابع ولله اني ما اشووف الراحا ابد واجلس شهر او اكثر في البيت مع البزارين ما اطلع ولا اتخل هاذا غيررر انه بيتي كئيب وصغير لله يعين يا رب بس الوحده تحتسب عند لله يجيها اجر وحسنات ونعي لزواجنا انه لله يهديهم

[مفاهيم الخجل 2]

الله يفرج همك ويصلح زوجك ويحس ياارب

[حياتي انا]

الله يعينك ويساعدك