هل بنج الأسنان يؤثر على الجنين ؟!

ملاك علي · 07-21-2010, 02:55 PM

السلام عليكم اخواتي الغاليات ...

أنا لي اسبوع ما قدر أنام زين من آلم ضرسي

كله بس أخذ بنادول ويهديه ساعه ساعتين ويرجع الآلم مثل ماكان

رحت لدكتور الأسنان وقالي لازم خلع الضرس مع بنج

أنا خفت إنه يأثر على الجنين , وقالي لاتخافي مايأثر لانه فيه بنج خاص للحوامل

فقلت لآ وطلعت

وشكلي اليوم برجع له لانه من جد مو قادره اتحمل

بسألكم بنااات هل البنج يأثر على الجنين ولا لآ ؟!

" أنا حااامل بالشهر الثامن "

انتظر ردودكم ربي يسعدكم ,,,

هنوسه · 07-21-2010, 03:25 PM

مرحبا والله ياخيتو انا سمعت انه ياثر على الجين بس بالاشهر الاول..

بس مدام فيه بنج للحامل توكلي على الله وان شاء الله ماعليك الا العافيه..

مليت فرقاكـ · 07-21-2010, 05:35 PM

اي بنج الحوامل مايأثر

ربي يسهل علييييج

آهات الليل · 07-22-2010, 01:29 AM

انا كنت بالشهر الثاني وضرسي تعبني موتني
رحت ماقلت اني حامل وسولي اشعه وحطولي بنج وشلعوا ضرسي وارتحت ههههههههه
وماصار لبنتي شي:)
كاهي تهبل

ملاك علي · 07-22-2010, 05:13 PM

هاااي بناااات

انا رجعت ولسى ماخلعت الضرس

لانه الدكتورة اللي رحت له قالت لازم ورقة موافقة من الدكتورة اللي تتابعي عندها

قلت وليه موافقه قالت هوا مافيش مشكله من الخلع والبنج ابداً مابيضر بس لازم نطمن أكتر

وموعدي باقي عليه اسبوع وقالت لي كل يوووم اتمضمضي بموويه مع ملح والبنادول استمري عليه ماله ضرر دام مايتعدى 3-4 باليووم

قلت زييييييييين زيييييييين

والحمدالله مع ماء الملح هدئ ضرسي وخف كثير الآلم

وبسسسسسسسس

وشكرأ لأخواتي الغاليات على الرد

هنوسه
مليت فرقاكـ
آهات الليل

الله يسهل عليكم الولادة وتقموون بالسلامة انتم وأطفالكم ...

حس الغلا · 07-22-2010, 08:10 PM

اهلين خيتووو بس انا امي والله كانت في اخر الثالث واعطاها ابره بنج وقعدت كم ساااعه وعلى طووول سقطت بعيد الشر عنك وماااا ادري بس انا اسمع انه يضر والله اعلم

ام الحلوين2 · 07-23-2010, 05:43 PM

السلام عليكم حبيت اطمنئك حبيبتي ان بنج الاسنان ماياثر على الحامل بس لازم تقولي لدكتورالاسنان انك حامل انابحملي سويت اسناني وحطوابنج بس الدكتور يعرف ان حامل والحمدلله ولدت وطفلي مافيه شي للعلم اناحامل بالاشهرالاولى كنت