السلام عليكم ..
كيفكم يالغاليـــات ان شاء الله بصحه وعافيـه,,
ادري ازعجتكم بمشاكلي بس تحملوني والله اني ارتاح لاضفضت لكم واستدت كثير من نصايحكم الله ييجزاكم خيـر
بدخل بالموضوع
طبعا انا حامل وطول فتره حملي نفسيتي شوي تعبانه قبل شهر وزياده رحت عند اهلي زياره كالعاده يوم جات الساعه 11 دق علي زوجي عشان يمرني قلت له جلس الييوم عند اهلي <عشان امي تقول اجلسي عندنا ارتاحي .. المهم وافق عالطول وعلى فكره زوجي من النوع اللي مايحب اني انام في بيت اهلي بطلعه الروح يوافق بس بفتره حملي صار عاااادي عنده مايقول شي ابـــــدا المهم نمت عند اهلي يوم جاء من بكرا رحنا لخوالي مااتصل ! كلمته انا ولاجاب طاري انه بيمرني استغربت نمت يومين المهم يكلمني وشلونك ووو بس ماقول بمرك اخريوم شفته كيذا من غبائي قلت له بجلس عند اهلي كم يوم زياده احسبه بينهبل ووالله ولاهامه جلست عند اهلي اسبوع ولا مرني ابد بس يكلمني كل يوم صارت نفسيتي دمار بس مسويه اني مبسوطه حتى اذا كلمني ماحبيت ابين له اني ابي ارجع << طبعا الحمدلله اهلي مره مريحيني ومبسوطه حتى صحتي تعدلت
بس اللي ذابحني هو بعد الاسبوع اتفاءجى زوجي يكلمني ويقول انا الحين بمرك اسلم عليك ابي اشوفك ! قلت اوك جاء عند اهلي ومعه اغراااااااااااااض من الى مواد غذائيه وفواكهه وخضروات الخ... انا انجنيت يعني معناتها يبيني اطول جاء وسلم على اهلي وجلس ساعه معي وطلع تتدرون وش قالي يقول حبيبتي اجلس عند اهلك لحد ماتولدين عشان ترتاحين ! وتغذي زين قلت طيب توني عالولاده باقي شهرين وزيااااااده قال لامايخالف نامي كويس ووووو اسكت ومابينت له انه هالشي مو عاجبني وطلع وصار عالحاله يجيني يوم ورى يوم ويكلمني كل يوم المهم مره كلمته بعد حلوسي للبيت اهلي بسبوعين يمكن وقلت تعال ابي اروح لبيتي اشتقت له قال لييييه تضايق قلت كيذا قال طيب واحسه تضايق جاء اخذني وهو بسياره مكتم يقول اي شي تبينه من البيت خوذيه ملابس او شي يعني افهميها قلت وش تقول قال انا عندي دوامات وبتجلسين بالبيت لحالك ووو المهم رحت لبيتي ومره مستعجل ولا لمسني ولاشي !! اخذت ملابس وطلعت شافني زعلت بسياره ولااسولف معه بعددين وداني مطعم عارف انه غلطان معي المهم صار على هالحاله وانا الحين لي شهر واسبوع في بيت اهلي وداني مره يمشيني ومرتين رحت للمستشفى ومره لسوق بس <<< طبعا انا توني باقي لي 5 ايام وادخل الثامن ومن الحين يبيني اجلس وشريط الحمل متقدم شوي صرت المح له واقوله فقدتك ووووووو بس ماقالي ابد اشتقت لك ابيك ترجعين انا بموت من القهرر وكل ليله كل اللي في البيت ينامون وانا اجلس لحد الصبح افكر واصيح اقول معقوله مايبيني زوجي مايصبر على ذاك الشي بالكثير 3 ايام يومين وهذا اللي مجنني خوفي انه يسويها معي غيري كل اللي حولي عمااتي خالتي الجيران مستغربين يقول ليه تتجلسين عند اهلك زعلانه !! كل مايجي يحيب شي معه عشان اسكت وامس ماكلمني ابد استغربت كل شوي اروح اشوف جوالي اخر شي كلمته مرتين بس مارد استغربت بعدها بساعه رسل رساله يقول انا مشغول! هو يبيني اجلس لحد مااطلع من النفاس يعني 4 شهور تكفون علموني وش اسوي انصحوني واللي ماترد تتدعي لي لانه نفسيتي مره تعبااااااانه والله حسسني كاني متزوجته مسيارر يجي يوم ورى يوم يزورني ويمشي الشي اللي لاحضته بزوجي وخايفه منه زوجي مايحب يسمع اغاني وانا بعد بس يوم طلعنا بسياره يسمعني اغنيه ويقول اهداء لك!! من متى
صاير رومنسي وهو يكلمني مره اسمع صوت ماسنجر اقوله انت وينك يقول بدوام !! علمووووووووووووووووووووووووووووووووووووووووووووووو ووووووووووووني وش السوات مالي الا الله ثثم انتم