ماهي نسبة الحمل بعد الكلوميد ؟!

[حمووشه المطيري]

((بسم الله الرحمن للرحيم ))


اخواتي ابي نسبة الحمل بعد الكلوميد كم حابه اعرف من خلال تجاربكم .. عشا الكل يستفيد
وما الفرق بين تكيس المبايض وكيس داخل المبيض ؟ هل التكيس يسبب العقم لا سمح الله
والكيس داخل البويضه مع فقد الوزن يختفي ولا لا ؟ وايهما افضل ابر التفجيريه ام الحبوب






يالله خبروووونا عشان البنات اللي نفس مشكلتي يستفيدووون ♡♡♡

[اناهيد]

زالله يا اختي مما اعرف ربي يشفيك ويعافيك اوصي نفسي واوصيك بكثرة الاستغفار
يارب يرزقك بي ما تتمني يااااارب

[أم مؤيد بإذن الله]

انا الحمدلله من اول استخدام حملت
قبل لا اخذ الدوا كنت اتوكل واسأل ربي الشفاء به
الحمدلله ما اعاني من مشاكل غير الغده وسمعت انها تسبب ضعف تبويض عشان كذا استعملته

ربي يثبت حملي ويهون علي ايامي
ويرزقك يا اختي من واااسع فضله

[عظيمة الشوق]

التكيس هو سماكه بقشرة المبيض تصعب خروج البويضه والتكيس مو عقم لكن ياخر الحمل وعلاجه الجلوكوفاج وبالاعشاب الطبيعيه البردقوش والميراميه وعاده اللي معهم تكيسات يستخدمون منشطات عشان الحمل

اما الكيس ع المبيض هو بويضه تكبر عن حجمها الطبيعي ولاتخرج بسبب حجمها فتتحول الى كيس وظيفي ع المبيض وبالعاده علاجه حبوب منع الحمل او منظم الدوره والاكثار من شرب الماء بس اذا كان حجمه صغير ينزل لوحده مع الدوره

اما عن الكلوميد ع حسب الحاله انا هذا ثالث شهر استخدمه ولاحملت مع ان التكيس راح عني والحمدالله لكن سببلي ضعف بالتبويض والشهر الجاي ان شاءالله موعد اشعة الصبغه ومن بعدها ابداء بابر التنشيط .. دعواتكم لي

والله يسهل امرك ويرزقك الذريه الصالحه عاجلا غير اجل

[أمنيه]

انا خذيت كلوميد قبل كم شهر وما صار عندي تبويض وماحملت
وثاني شهر خذيت كلوميد مع ابر منشطه و صار عندي تبويض ممتاز وكبرت البويضات وعطوني ابرة تفجير بس هم ما صار حمل
بعدها تركت العلاج
والحين اخذ كلوفاج بدون استشاره دكتور عشان عندي تكيس بس ان شاءالله ناويه اروح الدكتور الشهر الجاي

[حمووشه المطيري]

مشكوووورات يااا قلبي انتوا ريحتووووني والله اني منهمه وبفكر خايفه من الكيس مع انه بسيط .. وقبل اسبوع كشفت قالتلي الدكتوره عندج بطانه رحم سميكه ممكن حمل او قرب الدوره ... بس يا بنات شرايكم احلل ولا ماله داعي اللي زاد تفكيري ان الدكتوره شاكه

[حمووشه المطيري]

المشاركة الأصلية كتبت بواسطة عظيمة الشوق

التكيس هو سماكه بقشرة المبيض تصعب خروج البويضه والتكيس مو عقم لكن ياخر الحمل وعلاجه الجلوكوفاج وبالاعشاب الطبيعيه البردقوش والميراميه وعاده اللي معهم تكيسات يستخدمون منشطات عشان الحمل

اما الكيس ع المبيض هو بويضه تكبر عن حجمها الطبيعي ولاتخرج بسبب حجمها فتتحول الى كيس وظيفي ع المبيض وبالعاده علاجه حبوب منع الحمل او منظم الدوره والاكثار من شرب الماء بس اذا كان حجمه صغير ينزل لوحده مع الدوره

اما عن الكلوميد ع حسب الحاله انا هذا ثالث شهر استخدمه ولاحملت مع ان التكيس راح عني والحمدالله لكن سببلي ضعف بالتبويض والشهر الجاي ان شاءالله موعد اشعة الصبغه ومن بعدها ابداء بابر التنشيط .. دعواتكم لي

والله يسهل امرك ويرزقك الذريه الصالحه عاجلا غير اجل

حبيبتي مشكوورة .. الله يرزقج الحمل السليم التام

[حنين الوجدان]

مرحبا اختي
الله يرزقك يارب بالحمل
انا استخدمت الكلوميد قبل كم شهر مع انه ماكان عندي شئ وصار التبوييض ممتاز بويضات ع اليمين وع اليسار
ومصار حمل بعدها تركته استخدمته بس شهر وتعبني كثير
والحمد لله ربي رزقني هالشهر بالحمل طبيعي

[حمووشه المطيري]

المشاركة الأصلية كتبت بواسطة حنين الوجدان

مرحبا اختي
الله يرزقك يارب بالحمل
انا استخدمت الكلوميد قبل كم شهر مع انه ماكان عندي شئ وصار التبوييض ممتاز بويضات ع اليمين وع اليسار
ومصار حمل بعدها تركته استخدمته بس شهر وتعبني كثير
والحمد لله ربي رزقني هالشهر بالحمل طبيعي

ماشاءالله ... الله يثبته ...امييييين

[المزه نوسه]

رفع........