بقول لكم قصتي وبختصار انا اكتشفت ان بنتي لديها بعض التصرفات وتشجعت واخذتها للدكتورة وشخصتها ان فيها توحد وانا من وقتها منهااره وننفسيتي تعبت
انا شايله هم حملي انا الحين حامل بالشهر السابع واخاف يصير جنيني فيه توحد لاني سمعت ان الي تنجب طفل فيه توحد معرضه اكثر لانجاب اطفال فيهم توحد وما اقول الاحسبي الله ونعم الوكيل في هالمستشفيات الي عندهم اهمااال عجيب انا الي ولدني مع ممرضتين اتذكر الجهاز حق التنفس يضعف وانا ما كان عندي اي خلفيه وصار عند بنتي نقص اكسجين وهو المسبب للتوحد والا هو اسبابه كثيره فالمفروض يكون عندهم اهتماام عطوني ابره وصرت ما حس بشي ولا قالو لي ادفعي والضحيه بنتي نقصها اكسجين
انا اعاااني الحين من تصرفات بنتي عدوااانيه والناس ما ترحم وبصراحه انا مافكرت اني اقولهم ان بنتي فيها توحد لان الناس بنفرون منها يكفي اسألهم الي تضايقني ليه بنتك ما ترد علينا؟ ليه ماتسمع ؟ ليه ماتتكلم ؟ ليه للحين تلبس الحفاظ ؟ واسئله كثير مزعجه وانا مجبره اني اجيهم بحكم انهم اهل زوجي للاسف حتا اهلي يسألوني كذا انا ادري انه اهتمااام بس بعضهم يتشمت مثل حموااتي
الله يبلا من يتشمت وهو قادر علا كل شي
اتمنا الي تعرف احد من قرايبها فيه توحد تخبرني عن المركز الي يتعالج فيه وكيف يتعاملون معه انا سمعت ان هالمراكز تنهب الفلوس بلا اي فائدة وبعض الاحيان ينام عندهم الطفل الين يجون اهله ياخذونه
وللاسف الدكتوره يوم شخصتها لا صرفت اي علاجات ولا شي عطتني ورقه فيها ارقام واسما المراكز بالشرقيه وبس وابي اعرف ليه مافيه حكومي لان هالمراكز غالين كثير وادويتهم وتعليمهم كله فلوس وياليت بالاخير نطلع بفايده
تكفون انا رااح اولد برمضان يمكن وحدة فيكم الله يستجيب لدعاءها ابيكم تدعون ان الله يشفيها وان يكون جنيني سليم من هالمرض المتعب
انا تعباااااااااااااااااااانه وشايله هم كثيررر والناس ماترحم
تخيلو ما اقدر اطلع مكان اذا مجمع تجاري تهرب بالاسياب والناس تتفرج
ولا تفقدنا ولا تخاف ولا تعرف الاخطار اذا طلعنا للشارع تروح للطريق ونمسكها وترمي نفسها باالارض وتصييح والناس ماترحم واذا عند الناس تجلس ترفرف بيديها ولا تخالط الاطفال اتعبببببببببببببببتني وللاسف بحكم عمله بعيد عني وانا اعاني من الهم لوحدي واذا جا صعبه افاتحه بهالمواضيع
الله يسعد من ترد علي بكل نقطه كتبتها الله يسعد من تواسيني فانا في كربه عظيمه
لاحول ولاقوة الا بالله