2013 بكفينا احلام صار لازم نصحى

[ام السوس001]

السلام عليكم ورحمة الله وبركاته

بداية كل عام وانتوا بألف خير ويارب تكون 2013 عام خالي من الذنوب والمعاصي ومليء بلحظات الفرح والسعاده والبهجه


اكيد ما رح اقعد وانظر عليكم واحكيلكم اعملوا هيك ولاتعملوا


بالنهايه انا بنت متلي متلكم صارلي فتره منيحه عم عاني من الوزن الزايد


وبصراحه مليت من حالي بهالمنظر خصوصا انه عاطيني اكبر من عمري


مارح اعمل عليكم خبيرة تغذيه لأنه كلنا ما شاء الله صرنا خبيرات بهالموضوع من كتر ما قراانا مقالات وابحاث وتجارب وتابعنا برامج


بس تذكري كم مره رحتي على عرس او اي مناسبه وشفتي فيها الاجسام الحلوه

حتى البنت اللي قدامك لو انها مو حلوه بتين اموره ودلوعه لا والانكى من هيك انه اللي معك بصيروا يتغزلوا فيها مع انك احلى منها بمليون مره بس الدهون الزايده مغطيه على كل الحلاوه ........... آآآآه على هالقصه



كم مره تمنيتي تلبسي لزوجك احلى لبس بس خفتي يشوف الكرش ولا الافخاذ اللي حفرها السيلوليت ... اي الاهم زوجك ولا صحن الاكل .... إلك القرار


واللي لسه بنوته واموره كيف رح يجيكي فارس الاحلام وانتي عندك وزن زايد ... يا ستي فرضا انه هو مش سطحي مع انه الموضوع مش سطحي ابدا خصوصا لما يبدا الوزن الزايد يصير خطر ع الصحه ..... يا ترى انتي حتكوني راضيه تلبسي فستانك الابيض اللي ما رح تلبسيه الا مره بهالعمر وانتي ......... إلك القرار


كم مره حكيتي هالجمل الشهيرة واللي كلنا ع الاطلاق حكيناها :-

- خلص بكره اول يوم بالريجيم المزبوط
- من بكره بدايه جديده
- من بكره بلش الالتزام


وكم مره حسبتي قديش ممكن تنزلي بالاسبوع .... وبالشهر...... مليون مره


نفسياتنا تعبت وتعبت اللي حولينا بالعكس صرنا مسخره قدامهم كل يوم بتعمل ريجيم ولسه ما نحفت


بنات ما تسمعوا للعالم اللي بقولوا الكم :

لاتنحفي انتي هيك احلى


- ازا نحفتي ونحف وجهك بتصيري بشعه " عأساس الوحده وهي رقبتها مختفيه احلى يعني "

- خلص هيو جسمك منيح

- كلي ولا تردي على حدا وخلي ثقتك بحالك كبير

هاد كله "علاك مصدي "

فهمانين علي

والله نصهم غيرانين وحسودين وما بحبولكم الخير

وما بدي احكي عن فوائد الرشاقه والجسم الحلو ... كلنا عارفين هالحكي

ومارح برضو اعمل متل باقي القروبات أول يومين النشاط ولعان وبعدين تصبحوا على خير

ومارح اقيدكم انه تضلوا طول اليوم متواجدين بس ع الاقل قبل ما تناموا شيكوا القروب واكتبولنا كيف كان يومكم وشو عملتوا رياضه

واللي بتتشاطر وبتلتزم يوم وبتروح 10 هي ما بتضحك الا على حالها وبالنهايه هي حره


وتذكروا moment on the lips.......year on the hips

يلا يا حلوين ورجوني همتكم وتفاعلكم

الاسم :

العمر : لا تخافوا ما رح خبر حدا هههه

الوزن:

الطول:


وان شاء الله يتثبت ازا صار فيه تفاعل وانا متااكده انه ما في وحده بدها تضيع كمان سنه من عمرها ولسه اليوم مسكنا اول الطريق واللي عاجبها وحابه تنضم للقروب ترفعه



اختكم ام السوس

[ام السوس001]

الاسم : ام السوس

العمر : 21

الطول : 173

الوزن :78.3

[ام السوس001]

نسيت احكيلكم

كل وحده بتعرف طبيعه جسمها وشو العادات ياللي بتخلي وزنها يريد فإنتوا احرار باختيار النظام المناسب الكم


تصبحوا على خير

[ام السوس001]

صباح الخير ... ولو يا صبايا 14 مشاهده ولا رد ع الموضوع
ع الاقل ازا كلكم رشيقات ومو بحاجه الريجيم والتخفيف شجعوا او ارفعوا الموضوع

[ام السوس001]

لا إله إالا الله ... محمدا رسول الله

[ام السوس001]

اليوم الحمدلله كبدايه كان منيح ما عملت رياضه زوجي كان مجاز " عطله رسميه" بس بكره ان شاء الله ع الاكيد رح اعمل

وطبعا رح اخبركم



يارب تقدرني ويكون وزني ب1/2/2013
70 كيلو .....آمين

[ام السوس001]

صباح الخير ...
اليوم ربت كوبين مي ع الريق ...
وامبارح بالليل قررت ابدا ب خلطه الكمون والقرفه والزنجبيل والكمون والله نفسي ساده عن الاكل لهلأ ... الحمدلله

[ام السوس001]

تغديت صحن تبوله و5 ملاعق ارز
وشربت خلطه الكمون والزنجبيل والقرفه والليمون

[ام السوس001]

عادي يا حلوين براحتكم ... المهم انا نويت وقررت اني ما اوصل 22 الا وجسمي متل عارضات الازياء
ولو رح اضل لحالي اكيد مكمله ومواصله بعون الله

[ahlam-f]

ياااعمر بالتووفيق وشدي الهمه