مرحبا صبايا
علومتس
السالفه اني عندي قصائد دمجتها كأنها محاوره ودي برايكم بليز
والله من تجميعي الخاص عطوني رايكم حلو او لا
محاوره بين بنت وولد
*><*قالت البنت*><*
بأعترف لك إعتراف وبصمتي تشهد عليه
إعتراف يحكي حقيقه و لا يكون الرد ليه؟!
(أنا أحبك ،، إيه أحبك) و شوف قلبي و إسأله
و فوق حبي لك مشاعر تنطق بشوق الوجيه
كل ما شفتك حبيبي قال قلبي "إيه إبيه"
[[هذا هو اللي أحبه و أعشقه و أموت فيه]]
هذا هو اللي هزمني و خلى أشواقي تجيه
هذا هو اللي هويته ليتني لأشتقت أجيه*><*
*><*قال الولد*><*
بأعترف و هذا إعترافي إن قلبي لك وافي
و إنك أغلى من يكون و إن حبي لك كافي
و إن شوفك للجروح طبها اللي كان شافي
يا بعد حاضر و غايب يا سبب إبداع قافي
إنت يا بسمة شفاتي حبي اللي جاك صافي
صرت صورة في عيوني أنظرك لو كنت غافي
نوري الضاوي أشوفه فيك يوم النور طافي
وعشقي اللي ماحكيته جاك واضح وجاك خافي
بردي لا حرك غصوني في حماك يصير دافي
و صيفي لا زاد السراب ينتعش لا جيت لافي
*><*قالت البنت*><*
كيف أعبر ؟؟ كيف أقول ؟؟و إنت أسئلتي و الحلول
كل كلمه قلتها .... ما تجي ربع الميول
لأني أحمل لك غرام يبهر أصناف العقول
ما يترجم بالكلام ولا يترجم بالشمول
يكسي الصحراء ورود و الزهر يغزي الفصول
حب ما هو حب عادي و لا هو مجرد فضول
حب عمره ما يموت بالأمل عمره يطول
حب يملك حس صادق عيبه إنه بس خجول
*><*قال الولد*><*
حبك يابنت ما قدر يظهر حنينه و لا قدر يخفي ونينه
عنده أشعار و أغاني و صارت أشواقه سجينه
إن حكى تصمت حروفه و إن صمت يحكي أنينه
عنده أسرار و موده باقيه لآخر سنينه
و عنده للحب معنى يعتلي قمة جبينه
كيف أعبر عن مداك و كيف أوضح لك غلاك
قولي لي أرجاك بعباره فيها آصل مستواك
*><*قالت البنت*><*
بقولك
كلمة قبلي ما حكوها لك ماهيب لسواك
تشفي لا جتك المواجع و تصبح النور لسماك
ودي أبعثها بليل و لا تنام إلا معاك
أو تجي وقت النهار
و تصبح الضيف لمساك أو تنطقها شفاهي
و لجروحك هي دواك تخبرك عني و عن القلب اللي جن فيك
*><*قال الولد *><*
أعشقك عشق الصراحه
و عشقي أرسل لك رماحه
أكبر من إنك تتخيلي
أو تقيسه في مساحه
يعجز التعبير يكتب
مهما كانت له فصاحه
عن وجودك في حياتي
و إني أشعر بإرتياحه
و إنك الحب الحقيقي
اللي غطاني وشاحه
و إن بغيت أكثر أزيدك
إني نبضه في وريدك
و إني أستلهم وجودي
لا دفت إيدي بإيدك
و إني أحزن لا فقدتك
و الفرح عيده بعيدك
ما أذكر إني قد نسيتك
و أذكر إني بس أريدك
و كانها الدنيا قديمه
أنا بالدنيا جديدك
أنا يا قلبي وجودك
كان ضاقت بك حدودك
و إن تبي الضحكه تراني
"بسمة" تسعد لك خدودك
لا تضايق أو تكدر
دامني أغلى وفودك
"لأني أحبك زياده"
بالوصل ولا بصدودك
غصب عنك و غصب عني
ذبت في قطرة جمودك
لو تعاند أو تكابر
غصب "أحبك" لو تهاجر
الهوى ما هو غصيبه
كنت أدري و كنت خابر
بس بالقوه هويتك
*><*قالت البنت*><*
تشهد حروف المحابر
و أدري إنك في مغرم
بس ما هو مثلي و صابر
عندك إحساس التحمل
و تمتلك حكي المشاعر
و أنا لاحبيت أذعت
حبي بأوساط المنابر
و كان ظني فيك خاطي
بأترك الدنيا وأسافر
لأني بدونك مجرد
جسم من حبه تجرد
ما يحب إلا الخيال
اللي في حبك تحدد
أنت يا حلمي الجميل
غيم ما عمره تبدد
المطر نظرة عيونك
و العطا منك يتجدد
"ما خلق مخلوق غيرك"
أنا لرضاه أتودد
قلت أحبك و اعترفت
قلتها و إنت اقتنعت
قلتها بصوت الكتابه
و صوتي الصادق حبست
قلتها و كلي وضوح
لك و لغيرك اعتذرت
لو زعل ما همني
دام على حبك حصلت
في مسافاتك مشيت
و آخر الرحله وصلت
و جيت و أنفاسي تقول
أنا ¤أحبك¤ لو زعلت
و هذي هي كل الحكايه ..
وش رايكن بليز بصراحه