خواتي نصحوني .. اللي سويته صح او غلط !!

[أم حماني]

السلام عليكم ورحمة الله وبركاته

خواتي انا وايد محتاره .. هذي اول حمل لي وماعندي خبره .. انا يصير الثلاثاء موعدي ... يعني قربت اكمل التاسع .. مشكلتي انه جسمي متورم .. وفي نسبة كبيره من الحوامل يصير معاهم هالتورم بس الدكتورة لما شافتني قالت بندخلج المستشفى ونسوي لج طلق صناعي .. هالكلام كان الخميس وانا رفضت وطلعت ويوم الاحد اللي هو امس بعد كانت بتدخلني وانا وقعت ع مسئوليتي وطلعت ع اساس اني ادخل المستشفى بيوم موعدي بالضبط اللي هو الثلاثاء ( بكرة )

انا محتاره اخاف اكون تسرعت ... السبب اللي مخلي الدكتورة تبي تدخلني المستشفى مثل ماقلت لكم التورم اللي بجسمي .. واهي خايفه يصير لي تسمم حمل .. طبعا تسمم الحمل يصير مع التورم بالاضافه لارتفاع الضغط والزلال بالبول اعزكم الله ... انا ضغطي مستقر وماعندي زلال .. اروح المستشفى كل يوم افحص .. واسوي تخطيط لدقات قلب البيبي .. لما سألت الدكتورة شنهي الخطورة علي اذا انتظرت وما ولدت الحين ... قالت لي انه ممكن يرتفع الضغط اي وقت ...

زوجي لما سمع هالكلام صمم اكثر اني ادخل المستشفى .. وانا موت خايفه من الطلق الصناعي وخصوصا انه الدكتورة لما فحصتني قالت عنق الرحم مو مهيأة للولادة لحد الان .. انا ماقدر ارجع بكلامي واقول مابدخل المستشفى لانه زوجي ماراح يوافق ..

ابي ارائكم الله يخليكم

[Om KHaled]

انصحك باتباع نصيحة الطبيبة خاصة انك دخلتي الشهر التاسع واصبح آمن جدا ان تلدي في اي وقت ..

وان شاء الله تقومي وطفلك بالسلامة ..

[أم حماني]

مشكورة اختي نور القمر

[أجمل إنسانه]

أم حماني لا تجازفين وادخلي المستشفى

وسوي كل للي تقول لك الدكتوره اكيد هي اخبر منك

والله يقومك بالسلامه يآرب وسهل عليك ويهيأ رحمك للولاده وترتاحين

وان شاء الله الحقك يارب واولد هع

[~~لحن الحياة~~]

حبيبتي اتكلي على رب العالمين وادخلي المشفى ان شاء الله تكون ولادتك يسرة وما تتعزبي يا قلبي وتقومي بالسلامة وتفرحينا باحلى خبر
الله يهون عليك ولادتك يارب واحنا رح ندعيلك يا قلبي

[أم حماني]

المشاركة الأصلية كتبت بواسطة أجمل إنسانه

أم حماني لا تجازفين وادخلي المستشفى

وسوي كل للي تقول لك الدكتوره اكيد هي اخبر منك

والله يقومك بالسلامه يآرب وسهل عليك ويهيأ رحمك للولاده وترتاحين

وان شاء الله الحقك يارب واولد هع

امين يارب الله يسهل علي وعليج وعلى كل حامل ياررررررررررررب

[أم حماني]

المشاركة الأصلية كتبت بواسطة توأم كوكي

حبيبتي اتكلي على رب العالمين وادخلي المشفى ان شاء الله تكون ولادتك يسرة وما تتعزبي يا قلبي وتقومي بالسلامة وتفرحينا باحلى خبر
الله يهون عليك ولادتك يارب واحنا رح ندعيلك يا قلبي

ونعم بالله اختي ... الله يسمع منج ومشكورة ع الكلام الي يطمن ويشرح القلب

[بنت الشام]

الله يقيمك بالسلامة ويهون ولادتك وتشوفي البيبي وتفرحي فيه
تحياتي
ودعيلنا

[روريتا]

ياحيآتي الله يسهل عليك ..
بس انتي لازك تسمعي كلام الدكتوره هي تعرف ..
ولازم تروحي لها .. لاتخاطري بنفسك ..

[أم حماني]

روريتااا & بنت الشاااام
تسلمون لي خواتي والله يسهل علي وعليكم يارررب