بنات صباح الخير
ممكن تساعدوني بليز
انا انسانة انتقلت مؤخرا للرياض وانا من جدة اصلا
مشكلتي يبنات ماعرف احد وحتى الجيران صراحة ربي مارزقني بجيران يسالوا ويتواصلوا مع الجار وبيعرفوا حقوقه
بجد بنات نفسيتي زفففففففففت وانا بجد حملي الله يعلم فيه الدكتورة نصحتني ابعد عن التوتر والقلق وغير لستة طلبات
واليوم بجد غصب عني انفعلت وزوجي بجد هدى عليا
عندي جار مادري اش اقول عنه جار الله بس مادري
يعني انا انسانة حالي وحال نفسي بجد راح قدم لراعي العمارة اشتكى من اننا رفعنا صوت التي في
وانا عن نفسي بجد ماحب اسمع اغاني
مو ملتزمة ولا شي ما اكذب عليكم بس خلاص احس اني ماحب اسمعها ممكن لو كنت مع بنات خالتي بمكان عام عادي بس لحالي مرة اضيق لو سمعتها
والبارح جا زوجي ورفع صووت التي في وكانت في اغنية وع طول جارنا راح اشتكى
بنات ماتتتخيلوا قد ايه نفسيتي تعبت وبكيت ممكن تقولولي ماعليك زوجك يتفاهم معاه
بس بجد الوحدة بعيدة عن اهلها ومافي جيران ولا قرايب لها وكمان لا جيران يتواصلوا معاها ولا يكفوها خيرها وشرها
بجد بس تعرفوا اصلا نفسية الحامل كيف تكون والله اكتب وابكي ماني عارفة افكر انقل من الحي اصلا نفسي اروح لمكان الجيران يتواصلوا فيه مادري فين بس المهم
ابى احد بجد يخفف عني انسانة تصير زي اختي تسال عني
والله من انفعالي يبنات قام ظهري يالمني وبطني ماني عارفة
خلاص تحسوا بجد الواحد يكفي همه ومشاكله وهم حمله وكربته يعني الواحد مو ناقص
بجد بفكر اروح لاهلي اريح كم شهر واخد قرار اني انقل
بس لو نقلت خايفة انا حملي ماشي ببركة ربي
اش تقترحوا علي والله انا بضيقة مايعلم فيها الا ربي
المشكلة انا نهاائي ماحب رفعة صوت التي في
بس اش اقول بالجار ذا بس حرق دمي ورفع ضغطي وخلاص حسبي الله ونعم الوكيل