نزيف بالشهور الاولى

[ياحبيبي يالله]

السلام عليكم
انا ضيفه جديده عليكم وطحت على الموقع بالصدفه واحلى صدفه بصراحه
المهم ياطويلات العمر انا حامل ولي 10 اسابيع لكن من اسبوعين تقريبا نزفت يوم نزف شديد وبعدين وقف يومين بعدين بدأ ينزف خفيف كأنه دورة ثم بدأ يخف ويصير اغلب الاوقات لون بني
المهم الدكتورة الحلوة مو عارفه السبب ماعندها غير ارتاحي جلست على الفراش وماوقف النزف وطفشت وقمت من فراشي وعايشه على طبيعتي ووكلت امري لله بالاشاعه تقول النزف بعيد عن الجنين والرحم مو مفتوح طيب واسباب النزف تقول ماني عارفه من ايش
وبصراحه طفشت كل يوم فوط واكثر وقت ينزل اول مااصحى من النوم سبحان الله
اللي عندها خبره تفيدني فيه حرمه كبيره قالت اشربي حلبه لكن انا خفت لاني سمعت انها تضر ويمكن تسبب اجهاض وهي قالت اشربيها علبى ضمانتي انا مجربتها وماضرتني بعيالي كلهم وللحين متخوفه من سالفة الحلبة
وشربت ماء الورد مع النشا ويوقفه وقتي وبعدين يرجع

[ssos02]

الله يثبت حملك ياااارب يا اختي خذي مثباااات ضروري

وغيري الدكتوره

[عسولـــة زوجهـــا]

شلوون تنزفين والبيبي ماصارله شي !! يمكن النزف بسبب شي بالمهبل او الحوض بعيد عن البيبي ماتدرين لازم تدورين دكتووورة ممتازه عشان تشخص حالتك صح والله دكتورات هاليومين اي كلام

[rose]

حبيبتي خذي مثبت مع ضرورة تغيير الدكتورة
واول ماتروحي خليهم يعملولك سونار
النشا وماء الورد انا مجربته وكويس
بحالتك ومايضر
داومي عليه لين تروحي الدكتورة وياليت باسرع وقت

ينقل موضوعك لقسم دردشة حوامل هنا يمنع وضع استشارات

[متى اكون ام]

اختي خووذي الدفاابل اسبوع نزل مني دم واخذت دفستاون فستون حبتين باليووم واقري ع بطنك وبفضل الله تووقف ومارحت كشفت انتضر موعدي عشان اروح

[صعب تنساني]

انتي لا زم تروحي تكشفي على البيبي باسرع وقت ممكن ولا تشربي الحلبه الى تتاكدي من النبض انتي عندك الم او مغص بالبطن او في الظهر لانه انه كان ينزل علي دم في حمل الاول مع الم شديد ولما رحت قالوا الجنين ما ينببض لازم تروحي وتطمني على البيبي علشان تعطيك مثبتات والله يتمم لك على خير اهم شي انج ما تسكتين على روحج وطمنيني عنك يا قلبي

[ياحبيبي يالله]

شكرا لكم جميعا انا رحت قبل اسبوعين وعملت لي سونار وطمنتني على الجنين والحين اعطتني موعد بعد شهر .......... وبصراحه بنفسي قلت يوم السبت بإذن الله بروح دكتورة ثانيه واشوف وش تقول لأني رحت على حسابي ورحت مستشفى حكومي وكلهم قالو نفس الكلام
والمثبتات اخذتها ماسوت شيء يعني انزف وانا اخذها بس مو نزف كثير واغلب الوقت بني انا اللي مستغربه منه معقوله ماعندهم حاجه توقف هالنزف والافرازات اجل وش فايدة دراستهم والا فلسفه وبس

[شجون الطف]

اللهيثبته لك انا كذا زيك نزيف بني خفيف بس الحمدالله على كل حال
بس حبيت اسالك انتي واخت روز

كيف طريقة النشا مع ماي الورد
اطبخه مثلا ولا بس خلط


تكفون فيدوني