اخلاقك زي الزفت

ام عبدالرحيم · 06-26-2011, 03:24 AM

أنت أخلاقك زي الــــزفت
عمرك حد قالك الكلمة دي ؟
أنا بتكلم بجد والله مش بهزر :)
عادي كلنا لازم نعترف في وقت من الاوقات بإن أخلاقنــــــا
بقت زي الزفت ... :(
...ياعني أنا مثلاً من فترة كبيرة أختي قالتلي الكلمة دي :(

صحيح زعلت اوي منها اليوم ده ، خصوصاً انه كان نقاش حاد بينا لكن

اسلوبي في الرد عليها كان وحش أوي :(

وقالتلي الكلمة دي ... ولما فكرت لقيت ان معاها حق

ليه أتعصب بالمنظر ده ، وليه أغلط وأنا بتكلم معاها !!

ليه لما أفتكر الحوار بينا ملقيش ولا غلطة في كلامها

وأنا إللى عماله أرمي في كلام زي الطوب :(

ومن يومها قررت أحسن من أخلاقي :)

.
.

وتذكرت رسولي وحبيبي عليه أفضل الصلاة والسلام

في قوله تعالى : وَإِنَّكَ لَعَلى خُلُقٍ عَظِيمٍ

فأين نحن منك الآن يارسول الله ...

عن سعيد بن هشام قال : أتيت عائشة أمّ المؤمنين رضي الله عنها ، فقلت : أخبريني عن خُلُق رسول الله ، فقالت كان خلقه القرآن ، أما تقرأ وَإِنَّكَ لَعَلى خُلُقٍ عَظِيمٍ - رواه أبو داود والنسائي ، من حديث الحسن

يلا مستنييين إيه اخلاصوا النية وخلو قدوتنـــــــــــا رسول الله

وهل هناك ماهو أفضل وأجمل من ذلك !!!

فما أجمل أن تقتدي بالنبي محمد صلى الله عليه وسلم في خُلقه

يلا أبدأ بأخلاقك :) ... وغير من أسلوبك مع الناس

أستعد قبل رمضــــــــــان وساعد نفسك ...

عايزيين ننسي كلمة أخلاقك زي الزفت :)

ونخليها أخلاقك زي الفـــــــــــل :)

خليك إيجابي وغير من أخلاقك لنفسك أولاً وأخيراً

وطبعاً عشان تقتدى بالحبيب المصطفى

وتذكروا قوله ..

عن أبي هريرة رضي الله عنه قال : كان صلى الله عليه وسلم يدعو فيقول : اللهم إني أعوذ بك من الشقاق والنفاق وسوء الأخلاق - رواه أبو داود والنسائي

معني أعوذ بك من الشقاق : أي من مخالفة الحق
ومنه قوله تعالى: بَلِ الَّذِينَ كَفَرُوا فِي عِزَّةٍ وَشِقَاقٍ

أترككم مع هذا الدعاء واتمنى من الله عزوجل ان يرزقنـــــــا حُسن الخلق

منقول تحياتي