للمتزوجات الي جربو غيرة الزوج من البيبي

[PinkCherry]

السلام عليكم شخباركم؟ موضوعي للمتزوجات اللي جربو غيرة الزوج وحساسيته الزايده اثناء حمل الزوجه..
كل وحده تدخل تكتب لنا تجربتها وشلون عالجت الموضوع
بسم الله الرحمن الرحيم ابتدي:
آنه حامل لاول مره في بداية الشهر الرابع من الحمل...قبل أكثر من شهر بدأت احس ان زوجي صار حساس زياده عن المعدل الطبيعي..يعني اقل شي اقوله ياخذه على محمل شخصي ويزعل مني حتى لو ما كنت قايله شي غلط او قاصدته بكلامي!!!
يعني مع اني اتوحم وماحب اشم ريحته ما حسسته بهالشي واهتم فيه وااااااايد ماخليته يحس بشي ...الشي الثاني انه ليومكم ماسويت التراساوند!!!بجنني هالزوج بالعزر اخذت موعد مع دكتوره نهاية هالشهر حتى اسوي الترا ساوند وبتكون اول مره اجوف البيبي !!!واذا تكلمت عن البيبي وان لازمنا تجهيزات يقول تو الناس ..لمتى يعني ؟قبل ما اولد بيوم اجهز كل شي؟؟؟؟؟؟؟زوجي اعرفه اذا الشي مو عاجبه يأجل ويماطل ..
اذا بما اني اكره اني اعيش وفي شي زاعجني او زاعج زوجي..اخترت اني اكون صريحه ودايركت معاه سألته :هل انت خايف ان البيبي ممكن ياخذ مكانك في قلبي؟او انه ياخذ الاهتمام والحب والرعايه وانت تطلع برى ؟؟
طبعا زوجي انكر التهمه وقال لي انتي ذكيه وادري انج بتهتمين فيني وماراح تنسيني ..وهاي الانكار هو اعتراف منه انه خايف على منصبه في قلبي
فآنه صارحته انه صاير حساس واااااااااااااايد وأن آنه المفروض اكون حساسه بهالشكل بسبب هرموناتي المتلخبطه مو هو..وطمنته اني احبه وراح اهتم فيه وماراح يتغير عليه شي ..
والنتيجه...........................نجاح 100 %
زوجي بطل حساسيه زياده عن اللزوم وخفت الغيره شوي و إن شاء الله ربي يهديه ويساعدنا ربي على ازواجنا اللي كأنهم اطفال يبون الحب والدلع 24 ساعه في اليوم 7 ايام في الاسبوع

[PinkCherry]

شنو هذا 32 مشاهده ولا رد واحد ؟؟؟؟!!!!!!!!!!! ماحبيتها منكم صراحه

[شوق وحنين]

ههههههههههههههههههه يحليله زوجج.. وكفو عليج عرفتي تعالجين الموضوع..

حاولي تكونين صلة بينه وبين البيبي.

يعني حطي يده على بطنج وكلمي البيبي قولي له هذا بابا شوف يده شلون دافيه؟ بابا يحبك وبيوديك الألعاب
ولا تنسين تجهزين هدية تقدمينها له بعد الولادة باسمج واسم البيبي تشكرينه على مساندته لج,