قصه ولادتي بالتفصيل في مستشفى السعودي البريطاني

مشمش والاجر على الله · 06-09-2011, 01:20 AM

يسعد صباحكم اخواتي الكروشات الله يهون عليكم مثل ماهون علي واخواتي الوالدات الله يرزقني وياكم بالدريه الصالحه..
الحمد لله ولدت وجبت بنت مثل القمر الله يحفظها وسميتها رودينا ..
نبدأ القصه .. كان عندي موعد في المستشفى يوم الاربعاء الموافق25\5\2011م
متابعه مع الدكتوره إفجينيا الروسيه وكان لي في التاسع 12 يوم دخلت عليها وسألتني عن صحتي وصحه البيبي وقلت لها حسيت الحركات خفيفه وقالت لازم نسمع نبض الجنين وعملته نصف ساعه وقالت البيبي عنده نقص في الاوكسجين ولازم نولدك تعالي بكرا الساعه 8 صباحا وسوي تنويم ونعطيك طلق صناعي وافقت انا وزوجي وكنت خايفه وطمني زوجي بصفته طبيب المهم يوم الخميس الساعه 9 صباحا كنت عندهم وطبعا حدي خايفه سوو لي تنويم ورحت للسويت ركبو لي المحلول 0 جتني الدكتوره المناوبه اسمها روبي هنديه يدها في الكشف خفيفه كشفت علي وقالت مفتوح واحد سم بس وقالت بنحطلك تحميله طلق صناعي وانا مثل الاطرش في الزفه لاني بكريه وزوجي هو اللي يوافق دخلت التحميله الساعه 10 وبد الطلق خفيف وبعد ساعتين جتني وكشفت وقالت مفتوح 2 سم الام يروح ويجي والساعه خمس جت وكشفت قالت 3 ونصف طلعوني لغرفه الولاده وبدا الالم يزيد وكشفت علي القابله وبطت ماي الراس وتألمت حدي وعطوني ابره ريحتني وودتني عالم ثاني والساعه 7 راح مفعول الابره وكشفو علي قالو 6 سم ماعادقدرت اتحمل وموتوني بالكشف قالو لي خلاص روحي للحمام الله يكرمكم واجلسي علي الكبنيه وكل ماحسيتي بالطلق ادفعي سويت هالحركه خمس طلقات وريحتني لانها فتحت الرحم 8 سم والالم اخف وطلعت من الحمام ورحت للسرير الاوالدم نازل قالو تبين دكتورتك الروسيه ولاننادي لك طبيبه الطوارئ قلت اقرب طبيبه قالو د\ نجوى مصريه قلت نادوها بسرعه مصار الطلق يزيد وحسيت بالبيبي ينزل جت الدكتوره نجوى وقامت توسع بيدها وتقول كل ماتحسين بالطلق ادفعي وكان وياها قابلات ثنتين عسل ويشجعونيي ويقولولي ادعيه تسهيل الولاده ولما قرب البيبي شفطوه وعملت لي توسعه بسيطه وطلع البيبي الساعه 9:45 الحمد لله وعطوني ابره مخدر ماحسيت بالخياط والساعه 12 طلعوني للسويت وجابولي شوربه حاره وحطولي فلفل اسود واكلت واتحممت ونمت وكانت الساعه 3 تقريبا بس بصراحه كانت عنايتهم رااااقيه جدا ..
والحمد لله اللي طلعني بالسلامه ..
وتقبلو تحيااااتي حبيت انقل لكم تجربتي ياعسولاااااااااااات ....

ملكة المشاعر · 06-09-2011, 01:40 AM

الف مبروك ..

الحمدالله على سلامتك وسلامة البنوته..

تتربابعزكم ..

الوان الحياة · 06-09-2011, 02:25 AM

مااشااااء الله
الف الف الف مبرووووك
الحمد الله ربي يسرهااا لكي
ياارب تقووومي بالسلاامة وويحفظ لكي الحلوووووة

عشق الطفولة · 06-09-2011, 02:57 AM

ما شاء الله تبارك الله
الحمد لله على سلامتك
و الف الف مبروووووووووووووك البنوته الله يخليها لك و يطرح فيها البركه

سبحانك اللهم وبحمدك · 06-09-2011, 03:14 AM

الف الف مبروك الحمد لله على سلامتك وسلامة النونو تتربي بعز ابوها

مملوحة الوصآيف · 06-09-2011, 05:13 AM

الف االف مبروووووووك ماجااك

والحمدلله على سلامتك انتي والبيبي

وربي يسهل علينآ مثل ماسهلهآ لك

فليك · 06-09-2011, 08:14 AM

1000 الحمدلله عسلامتك و سلامة بنوتتك
ربي يحميها و يخليها يااارب

ارق التحايا :)

شموسه · 06-09-2011, 08:26 AM

الف الف مبروووووووووووووووووووووووووك

كبريا انثى · 06-09-2011, 02:00 PM

الف االف مبروووووووك ماجااك

والحمدلله على سلامتك انتي والبيبي

وربي يسهل علينآ مثل ماسهلهآ لك

مراااحب · 06-09-2011, 03:00 PM

الف مبروك والحمد لله ع سلامتك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة ولادتي بالتفصيل في مستشفى الاحساء العام	دانو	إستفسارات مرحلة الولادة	57	08-28-2012 05:08 AM
الولادة في المستشفى السعودي البريطاني	~جْ ــوَلىْ~	إستفسارات المستشفيات و عيادات نساء وولادة	10	10-17-2011 07:15 AM
المستشفى السعودي البريطاني	اغا دير	إستفسارات حوامل من الشهر السابع إلى الشهر التاسع	2	03-31-2011 04:59 AM
إستفسار عن مستشفى السعودي البريطاني	11رانيا	إستفسارات حوامل من الشهر السابع إلى الشهر التاسع	2	01-08-2011 09:58 PM
المستشفى السعودي البريطاني	البارزة	إستفسارات المستشفيات و عيادات نساء وولادة	6	10-05-2010 03:04 PM