كيف تنظفي غرفت النوم

اموله الحلوه · 10-04-2011, 09:40 AM

السلام عليكم ورحمة الله وبركاته كيفكم
ابغ كل وحدة تكتب كيف تنظف غرفت النوم؟

OAG · 10-04-2011, 11:15 AM

سؤال غريب .. >_<

كل شي نرجعه في مكانه و خلاص ..

تمسحي الغبار و تكنسي الأرض و ترتبي السرير ..

يبغالها زكاء ؟

nwarah · 10-04-2011, 03:09 PM

عادي زي اي غرفه بالبيت تتنظف
والا لها طقوس تنظيف خااصه

بناتي دنيتي · 10-05-2011, 03:51 AM

صادقه احس غرفه النوم حوسه اول شي رتبي دروج التسريحه والي جنب السرير وخزانه الملابس ومسحيها بديتول من الداخل وبعدين امسحيها من برى وشيلي فراش السرير وامسحي مطرحة السرير بديتول واكنسيها وامسحي السرير ونضفي الستاير "طبعا فراش السرير والستاير كل بعد فترة تغسليه"واكنسي الشباك وامسحيه واذا قدرتي اتطلعينه واغسليه بالحمام بصابون وتمسحينه وكمان المكيف طلعي الجهه الاماميه واغسليهاوياليت بديتول عشان ريحته لما تشغليه وبعدين اكنسي الارض وامسحيها بديتول واذا قدرتي اشطفيها ولا تنسي الي تحت السرير والدروج الي جنب السرير حركيها ونظفي الي وراها وبعدين ولعي فواحه وبخريها وسكري الباب ياليت مانسيت شي على فكرة اخلي تنظيف الغرفه بيوم لحاله مو مع البيت وبسسسس دعواتك

نسمة المساء · 10-05-2011, 05:56 AM

بناتي دنيتي ما قصرت ... بس حبيت أعلق بلشي دائما من فوق لتحت ... يعني أول شي الثريا والكوندشن والستائر ... بعدين الخزائن والدروج وبعدين السرير وآخر شي اكنسي الأرضية .... موفقة

اجوديه · 10-17-2011, 07:37 AM

ماشاء الله على الثنتين قبلي ( دنيتي بناتي ) و ( نسمه سماء) جزاهم الله خير ...وجعل ربي يوفقهم على الرد ...

اما الباقين الله يسامحهم ويهديهم هذا مش رد يمكن اللي اسالت بنت صغيره وتواها متزوجه وحابه تستفيد ...

fatma82 · 10-23-2011, 02:16 AM

بصراحه اكتشفت اني ماعرف انظف
الله يسعدكم من جد سهلتوها علي واختصرتو كل شي هنا وكتبتوه
مرررره شكرا ..

وفعلا على هالطريقه ضروري يكون تنظيف غرفة النوم بيوم مستقل لحاله,, يادوب تخلصين اصلا

**همس الشوق** · 11-26-2011, 11:36 PM

الاخت بناتي دنيتي ماقصرت ماء شاء الله انا اسوي مثلها بس انا اضيف سلات في ادراج التسريحه ومكايجي احطه في شنطه دبلماسيه عشان ماسبب فوضه وارتب عطوراتي وكريماتي على التسريحه اما بالنسبه لترتيب الملابس اذا كان دولابك مايكفي اغراضك خذي ادراج يبيعوه في السوق مكون من 3 ادراج وفيه اربعه على حسب دولابك المهم ياحياتي دخليه جوت الدولاب الى تعلقي فيه ملابسك او ملابس زوجك والله مرررريح تحطي اغراضك الخاصه او اي غرض تبغيه اتمنى تعجبك الفكره

@ زوجه غيوره @ · 12-04-2011, 09:57 PM

صادقات غرفه النوم لها يوم خاص اللي يقهرني هالغبار كل يوم لازم مسح

طبعا انا تنظيفي قريب لكم بس راح ادلي بدلوي :

اشيل كل شي من التسريحه مثلا عطور كريمات علب اكسسواراتي وامسح الغبار وحتى هم امسحهم لان العطورات والكريمات دايم ع التسريحه فيتغبرون 00

وانظف الدروج اللي جنب السرير مويا وديتول طبعا وامسح السرير والكبت حق الملابس

وبعدين اكنس الارضيه وبعدين امسحها واغير المفرش وارتب الملابس واسفط فوطنا واحطهم على جنب

بعدين ابخر واعطر الغرفه بس قبلها افتح الدريشه عشان تتهواء الغرفه بعدها اعطرها وخلاص

الله يعين بكرى ان شاء الله بنظفها فيه احد يبي يساعدني <<< قولي والله ليش صعبه 00

اتمنى افدتكم @

أم رزاان · 12-04-2011, 10:06 PM

والله أنا أحب ارتب غرفتي اول بأووووول
بكذا برتاااح وماتأخذ مني وقت كثير
وبالنسبة للغبار الحمد لله عمري ماشفت في غرفتي غبار
لأني ساكنة في الإسكان
ومعرووف نظام الأسكان كيف شبابيكة وكل مخارجة جداً محكمة

بس المشكلة عندي زووووجي عندة عقدة تغيير مفرش السرير !
مايحب اغير المفرش دائماً :(
تصيبة عقدة نفسية إذا غيرتة ههههههههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لغة العيون في غرفة النوم	جزائرية	منتدى الحياة الأسرية والزوجية	7	03-23-2013 06:32 PM
غرفة النوم ((بدوووون خجل)	التفاحه الحلووه	منتدى الحياة الأسرية والزوجية	19	10-26-2011 03:58 PM
رأيكم يا صبااايا غرفة النوم	نرجسة	المـنـتـدى الـعـام	26	09-11-2011 10:56 AM
شوارع المدينة في غرفة النوم	ام ارجواااااان	المـنـتـدى الـعـام	12	05-26-2011 12:43 AM
خصوصية غرفة النوم - مع أم ضد	توائمـ القلبـ 2011	منتدى الحياة الأسرية والزوجية	4	05-02-2011 06:00 AM